೧೦. ಪಿಣ್ಡಪಾತಿಕತ್ಥೇರಅಪದಾನಂ

೩೭. ‘‘ತಿಸ್ಸೋ ನಾಮಾಸಿ ಸಮ್ಬುದ್ಧೋ, ವಿಹಾಸಿ ವಿಪಿನೇ ತದಾ;

ತುಸಿತಾ ಹಿ ಇಧಾಗನ್ತ್ವಾ, ಪಿಣ್ಡಪಾತಂ ಅದಾಸಹಂ.

೩೮. ‘‘ಸಮ್ಬುದ್ಧಮಭಿವಾದೇತ್ವಾ, ತಿಸ್ಸಂ ನಾಮ ಮಹಾಯಸಂ;

ಸಕಂ ಚಿತ್ತಂ ಪಸಾದೇತ್ವಾ, ತುಸಿತಂ ಅಗಮಾಸಹಂ.

೩೯. ‘‘ದ್ವೇನವುತೇ ಇತೋ ಕಪ್ಪೇ, ಯಂ ದಾನಮದದಿಂ ತದಾ;

ದುಗ್ಗತಿಂ ನಾಭಿಜಾನಾಮಿ, ಪಿಣ್ಡಪಾತಸ್ಸಿದಂ ಫಲಂ.

೪೦. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಪಿಣ್ಡಪಾತಿಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ಪಿಣ್ಡಪಾತಿಕತ್ಥೇರಸ್ಸಾಪದಾನಂ ದಸಮಂ.

ಸದ್ದಸಞ್ಞಕವಗ್ಗೋ ಛತ್ತಿಂಸತಿಮೋ.