೩. ಹಾಸಜನಕತ್ಥೇರಅಪದಾನಂ

೧೩. ‘‘ದುಮಗ್ಗೇ ಪಂಸುಕೂಲಕಂ [ಪಂಸುಕೂಲಿಕಂ (ಸ್ಯಾ. ಕ.)], ಲಗ್ಗಂ ದಿಸ್ವಾನ ಸತ್ಥುನೋ;

ಅಞ್ಜಲಿಂ ಪಗ್ಗಹೇತ್ವಾನ, ಭಿಯ್ಯೋ ಉಚ್ಚಾರಿತಂ ಮಯಾ.

೧೪. ‘‘ದೂರತೋ ಪನ ದಿಸ್ವಾನ [ಪತಿದಿಸ್ವಾನ (ಸೀ. ಸ್ಯಾ.)], ಹಾಸೋ ಮೇ ಉದಪಜ್ಜಥ;

ಅಞ್ಜಲಿಂ ಪಗ್ಗಹೇತ್ವಾನ, ಭಿಯ್ಯೋ ಚಿತ್ತಂ ಪಸಾದಯಿಂ.

೧೫. ‘‘ಏಕನವುತಿತೋ ಕಪ್ಪೇ, ಯಂ ಸಞ್ಞಮಲಭಿಂ ತದಾ;

ದುಗ್ಗತಿಂ ನಾಭಿಜಾನಾಮಿ, ಬುದ್ಧಸಞ್ಞಾಯಿದಂ ಫಲಂ.

೧೬. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಹಾಸಜನಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ಹಾಸಜನಕತ್ಥೇರಸ್ಸಾಪದಾನಂ ತತಿಯಂ.