೧. ಪದುಮಕೇಸರಿಯತ್ಥೇರಅಪದಾನಂ

೧. ‘‘ಇಸಿಸಙ್ಘೇ ಅಹಂ ಪುಬ್ಬೇ, ಆಸಿಂ ಮಾತಙ್ಗವಾರಣೋ;

ಮಹೇಸೀನಂ ಪಸಾದೇನ, ಪದ್ಮಕೇಸರಮೋಕಿರಿಂ.

೨. ‘‘ಪಚ್ಚೇಕಜಿನಸೇಟ್ಠೇಸು, ಧುತರಾಗೇಸು ತಾದಿಸು;

ತೇಸು ಚಿತ್ತಂ ಪಸಾದೇತ್ವಾ, ಕಪ್ಪಂ ಸಗ್ಗಮ್ಹಿ ಮೋದಹಂ.

೩. ‘‘ಏಕನವುತಿತೋ ಕಪ್ಪೇ, ಕೇಸರಂ ಓಕಿರಿಂ ತದಾ;

ದುಗ್ಗತಿಂ ನಾಭಿಜಾನಾಮಿ, ಬುದ್ಧಪೂಜಾಯಿದಂ ಫಲಂ.

೪. ‘‘ಪಟಿಸಮ್ಭಿದಾ ಚತಸ್ಸೋ, ವಿಮೋಕ್ಖಾಪಿ ಚ ಅಟ್ಠಿಮೇ;

ಛಳಭಿಞ್ಞಾ ಸಚ್ಛಿಕತಾ, ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಪದುಮಕೇಸರಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ಪದುಮಕೇಸರಿಯತ್ಥೇರಸ್ಸಾಪದಾನಂ ಪಠಮಂ.