೭. ಚಿತಕಪೂಜಕತ್ಥೇರಅಪದಾನಂ

೨೭. ‘‘ಚನ್ದಭಾಗಾನದೀತೀರೇ, ಅನುಸೋತಂ ವಜಾಮಹಂ;

ಸತ್ತ ಮಾಲುವಪುಪ್ಫಾನಿ, ಚಿತಮಾರೋಪಯಿಂ ಅಹಂ.

೨೮. ‘‘ಚತುನ್ನವುತಿತೋ ಕಪ್ಪೇ, ಚಿತಕಂ ಯಮಪೂಜಯಿಂ;

ದುಗ್ಗತಿಂ ನಾಭಿಜಾನಾಮಿ, ಚಿತಪೂಜಾಯಿದಂ ಫಲಂ.

೨೯. ‘‘ಸತ್ತಸಟ್ಠಿಮ್ಹಿತೋ ಕಪ್ಪೇ, ಪಟಿಜಗ್ಗಸನಾಮಕಾ;

ಸತ್ತರತನಸಮ್ಪನ್ನಾ, ಸತ್ತಾಸುಂ ಚಕ್ಕವತ್ತಿನೋ [ಪಟಿಜಗ್ಗಸನಾಮಕೋ; ಸತ್ತರತನಸಮ್ಪನ್ನೋ, ಚಕ್ಕವತ್ತೀ ಮಹಬ್ಬಲೋ (ಸ್ಯಾ.)].

೩೦. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಚಿತಕಪೂಜಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ಚಿತಕಪೂಜಕತ್ಥೇರಸ್ಸಾಪದಾನಂ ಸತ್ತಮಂ.