೩. ಚಙ್ಕೋಟಕಿಯತ್ಥೇರಅಪದಾನಂ

೧೦. ‘‘ಮಹಾಸಮುದ್ದಂ ನಿಸ್ಸಾಯ, ವಸತೀ ಪಬ್ಬತನ್ತರೇ;

ಪಚ್ಚುಗ್ಗನ್ತ್ವಾನ ಕತ್ವಾನ [ಪಚ್ಚುಗ್ಗನ್ತ್ವಾನ’ಕಾಸಹಂ (ಅಟ್ಠ.), ಪಚ್ಚುಗ್ಗಮನಂ ಕತ್ವಾನ (?)], ಚಙ್ಕೋಟಕ [ಚಙ್ಗೋಟಕ (ಸೀ.)] ಮದಾಸಹಂ.

೧೧. ‘‘ಸಿದ್ಧತ್ಥಸ್ಸ ಮಹೇಸಿನೋ, ಸಬ್ಬಸತ್ತಾನುಕಮ್ಪಿನೋ [ಸಯಮ್ಭುಸ್ಸಾನುಕಮ್ಪಿನೋ (ಸ್ಯಾ.)];

ಪುಪ್ಫಚಙ್ಕೋಟಕಂ ದತ್ವಾ, ಕಪ್ಪಂ ಸಗ್ಗಮ್ಹಿ ಮೋದಹಂ.

೧೨. ‘‘ಚತುನ್ನವುತಿತೋ ಕಪ್ಪೇ, ಚಙ್ಕೋಟಕಮದಂ ತದಾ;

ದುಗ್ಗತಿಂ ನಾಭಿಜಾನಾಮಿ, ಚಙ್ಕೋಟಕಸ್ಸಿದಂ ಫಲಂ.

೧೩. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಚಙ್ಕೋಟಕಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ಚಙ್ಕೋಟಕಿಯತ್ಥೇರಸ್ಸಾಪದಾನಂ ತತಿಯಂ.