೭. ಜವಹಂಸಕತ್ಥೇರಅಪದಾನಂ

೨೬. ‘‘ಚನ್ದಭಾಗಾನದೀತೀರೇ, ಆಸಿಂ ವನಚರೋ ತದಾ;

ಸಿದ್ಧತ್ಥಂ ಅದ್ದಸಂ ಬುದ್ಧಂ, ಗಚ್ಛನ್ತಂ ಅನಿಲಞ್ಜಸೇ.

೨೭. ‘‘ಅಞ್ಜಲಿಂ ಪಗ್ಗಹೇತ್ವಾನ, ಉಲ್ಲೋಕೇನ್ತೋ ಮಹಾಮುನಿಂ;

ಸಕಂ ಚಿತ್ತಂ ಪಸಾದೇತ್ವಾ, ಅವನ್ದಿಂ ನಾಯಕಂ ಅಹಂ.

೨೮. ‘‘ಚತುನ್ನವುತಿತೋ ಕಪ್ಪೇ, ಯಮವನ್ದಿಂ ನರಾಸಭಂ;

ದುಗ್ಗತಿಂ ನಾಭಿಜಾನಾಮಿ, ವನ್ದನಾಯ ಇದಂ ಫಲಂ.

೨೯. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಜವಹಂಸಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ಜವಹಂಸಕತ್ಥೇರಸ್ಸಾಪದಾನಂ ಸತ್ತಮಂ.