೩. ಅಡ್ಢಚನ್ದಿಯತ್ಥೇರಅಪದಾನಂ

೧೦. ‘‘ತಿಸ್ಸಸ್ಸ ಖೋ ಭಗವತೋ, ಬೋಧಿಯಾ ಪಾದಪುತ್ತಮೇ;

ಅಡ್ಢಚನ್ದಂ ಮಯಾ ದಿನ್ನಂ, ಧರಣೀರುಹಪಾದಪೇ.

೧೧. ‘‘ದ್ವೇನವುತೇ ಇತೋ ಕಪ್ಪೇ, ಯಂ ಚನ್ದ [ಯಂ ಪುಪ್ಫ (ಕ.)] ಮಭಿರೋಪಯಿಂ;

ದುಗ್ಗತಿಂ ನಾಭಿಜಾನಾಮಿ, ಬೋಧಿಪೂಜಾಯಿದಂ ಫಲಂ.

೧೨. ‘‘ಪಞ್ಚವೀಸೇ ಇತೋ ಕಪ್ಪೇ, ದೇವಲೋ ನಾಮ ಖತ್ತಿಯೋ;

ಸತ್ತರತನಸಮ್ಪನ್ನೋ, ಚಕ್ಕವತ್ತೀ ಮಹಬ್ಬಲೋ.

೧೩. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಅಡ್ಢಚನ್ದಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ಅಡ್ಢಚನ್ದಿಯತ್ಥೇರಸ್ಸಾಪದಾನಂ ತತಿಯಂ.