೮. ಪಣ್ಣದಾಯಕತ್ಥೇರಅಪದಾನಂ

೨೮. ‘‘ಪಬ್ಬತೇ ಹಿಮವನ್ತಮ್ಹಿ, ವಾಕಚೀರಧರೋ ಅಹಂ;

ಅಲೋಣಪಣ್ಣಭಕ್ಖೋಮ್ಹಿ, ನಿಯಮೇಸು ಚ ಸಂವುತೋ.

೨೯. ‘‘ಪಾತರಾಸೇ ಅನುಪ್ಪತ್ತೇ, ಸಿದ್ಧತ್ಥೋ ಉಪಗಚ್ಛಿ ಮಂ;

ತಾಹಂ ಬುದ್ಧಸ್ಸ ಪಾದಾಸಿಂ, ಪಸನ್ನೋ ಸೇಹಿ ಪಾಣಿಭಿ.

೩೦. ‘‘ಚತುನ್ನವುತಿತೋ ಕಪ್ಪೇ, ಯಂ ಪಣ್ಣಮದದಿಂ ತದಾ;

ದುಗ್ಗತಿಂ ನಾಭಿಜಾನಾಮಿ, ಪಣ್ಣದಾನಸ್ಸಿದಂ ಫಲಂ.

೩೧. ‘‘ಸತ್ತವೀಸತಿಕಪ್ಪಮ್ಹಿ, ರಾಜಾ ಆಸಿಂ ಸದತ್ಥಿಯೋ [ಯದತ್ಥಿಯೋ (ಸೀ. ಸ್ಯಾ.)];

ಸತ್ತರತನಸಮ್ಪನ್ನೋ, ಚಕ್ಕವತ್ತೀ ಮಹಬ್ಬಲೋ.

೩೨. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಪಣ್ಣದಾಯಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ಪಣ್ಣದಾಯಕತ್ಥೇರಸ್ಸಾಪದಾನಂ ಅಟ್ಠಮಂ.