೭. ಮಞ್ಜರಿಪೂಜಕತ್ಥೇರಅಪದಾನಂ

೨೩. ‘‘ಮಞ್ಜರಿಕಂ ಕರಿತ್ವಾನ, ರಥಿಯಂ ಪಟಿಪಜ್ಜಹಂ;

ಅದ್ದಸಂ ಸಮಣಾನಗ್ಗಂ, ಭಿಕ್ಖುಸಙ್ಘಪುರಕ್ಖತಂ.

೨೪. ‘‘ಪಸನ್ನಚಿತ್ತೋ ಸುಮನೋ, ಪರಮಾಯ ಚ ಪೀತಿಯಾ;

ಉಭೋ ಹತ್ಥೇಹಿ ಪಗ್ಗಯ್ಹ, ಬುದ್ಧಸ್ಸ ಅಭಿರೋಪಯಿಂ.

೨೫. ‘‘ದ್ವೇನವುತೇ ಇತೋ ಕಪ್ಪೇ, ಯಂ ಪುಪ್ಫಮಭಿಪೂಜಯಿಂ;

ದುಗ್ಗತಿಂ ನಾಭಿಜಾನಾಮಿ, ಪುಪ್ಫಪೂಜಾಯಿದಂ ಫಲಂ.

೨೬. ‘‘ಇತೋ ತೇಸತ್ತತಿಕಪ್ಪೇ, ಏಕೋ ಆಸಿಂ ಮಹೀಪತಿ;

ಜೋತಿಯೋ ನಾಮ ನಾಮೇನ, ಚಕ್ಕವತ್ತೀ ಮಹಬ್ಬಲೋ.

೨೭. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಮಞ್ಜರಿಪೂಜಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ಮಞ್ಜರಿಪೂಜಕತ್ಥೇರಸ್ಸಾಪದಾನಂ ಸತ್ತಮಂ.