೩. ಚಿತಕಪೂಜಕತ್ಥೇರಅಪದಾನಂ

೯. ‘‘ಆನನ್ದೋ ನಾಮ ಸಮ್ಬುದ್ಧೋ, ಸಯಮ್ಭೂ ಅಪರಾಜಿತೋ;

ಅರಞ್ಞೇ ಪರಿನಿಬ್ಬಾಯಿ, ಅಮನುಸ್ಸಮ್ಹಿ ಕಾನನೇ.

೧೦. ‘‘ದೇವಲೋಕಾ ಇಧಾಗನ್ತ್ವಾ, ಚಿತಂ ಕತ್ವಾನಹಂ ತದಾ;

ಸರೀರಂ ತತ್ಥ ಝಾಪೇಸಿಂ, ಸಕ್ಕಾರಞ್ಚ ಅಕಾಸಹಂ.

೧೧. ‘‘ಏಕನವುತಿತೋ ಕಪ್ಪೇ, ಯಂ ಕಮ್ಮಮಕರಿಂ ತದಾ;

ದುಗ್ಗತಿಂ ನಾಭಿಜಾನಾಮಿ, ಬುದ್ಧಪೂಜಾಯಿದಂ ಫಲಂ.

೧೨. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಚಿತಕಪೂಜಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ಚಿತಕಪೂಜಕತ್ಥೇರಸ್ಸಾಪದಾನಂ ತತಿಯಂ.