೪. ತಿಚಮ್ಪಕಪುಪ್ಫಿಯತ್ಥೇರಅಪದಾನಂ

೧೩. ‘‘ಹಿಮವನ್ತಸ್ಸಾವಿದೂರೇ, ವಿಕತೋ [ವಿಕನೋ (ಸೀ. ಸ್ಯಾ.)] ನಾಮ ಪಬ್ಬತೋ;

ತಸ್ಸ ವೇಮಜ್ಝೇ ವಸತಿ, ಸಮಣೋ ಭಾವಿತಿನ್ದ್ರಿಯೋ.

೧೪. ‘‘ದಿಸ್ವಾನ ತಸ್ಸೋಪಸಮಂ, ವಿಪ್ಪಸನ್ನೇನ ಚೇತಸಾ;

ತೀಣಿ ಚಮ್ಪಕಪುಪ್ಫಾನಿ, ಗಹೇತ್ವಾನ ಸಮೋಕಿರಿಂ.

೧೫. ‘‘ಏಕನವುತಿತೋ ಕಪ್ಪೇ, ಯಂ ಪುಪ್ಫಮಭಿಪೂಜಯಿಂ;

ದುಗ್ಗತಿಂ ನಾಭಿಜಾನಾಮಿ, ಬುದ್ಧಪೂಜಾಯಿದಂ ಫಲಂ.

೧೬. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ತಿಚಮ್ಪಕಪುಪ್ಫಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ತಿಚಮ್ಪಕಪುಪ್ಫಿಯತ್ಥೇರಸ್ಸಾಪದಾನಂ ಚತುತ್ಥಂ.