೪. ಕಿಲಞ್ಜದಾಯಕತ್ಥೇರಅಪದಾನಂ

೧೪. ‘‘ತಿವರಾಯಂ ಪುರೇ ರಮ್ಮೇ, ನಳಕಾರೋ ಅಹಂ ತದಾ;

ಸಿದ್ಧತ್ಥೇ ಲೋಕಪಜ್ಜೋತೇ, ಪಸನ್ನಾ ಜನತಾ ತಹಿಂ.

೧೫. ‘‘ಪೂಜತ್ಥಂ ಲೋಕನಾಥಸ್ಸ, ಕಿಲಞ್ಜಂ ಪರಿಯೇಸತಿ;

ಬುದ್ಧಪೂಜಂ ಕರೋನ್ತಾನಂ, ಕಿಲಞ್ಜಂ ಅದದಿಂ ಅಹಂ.

೧೬. ‘‘ಚತುನ್ನವುತಿತೋ ಕಪ್ಪೇ, ಯಂ ಕಮ್ಮಮಕರಿಂ ತದಾ;

ದುಗ್ಗತಿಂ ನಾಭಿಜಾನಾಮಿ, ಕಿಲಞ್ಜಸ್ಸ ಇದಂ ಫಲಂ.

೧೭. ‘‘ಸತ್ತಸತ್ತತಿಕಪ್ಪಮ್ಹಿ, ರಾಜಾ ಆಸಿಂ ಜಲದ್ಧರೋ [ಜುತಿನ್ಧರೋ (ಸೀ.)];

ಸತ್ತರತನಸಮ್ಪನ್ನೋ, ಚಕ್ಕವತ್ತೀ ಮಹಬ್ಬಲೋ.

೧೮. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಕಿಲಞ್ಜದಾಯಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ಕಿಲಞ್ಜದಾಯಕತ್ಥೇರಸ್ಸಾಪದಾನಂ ಚತುತ್ಥಂ.