೫. ವೇದಿಕಾರಕತ್ಥೇರಅಪದಾನಂ

೧೯. ‘‘ವಿಪಸ್ಸಿನೋ ಭಗವತೋ, ಬೋಧಿಯಾ ಪಾದಪುತ್ತಮೇ;

ಪಸನ್ನಚಿತ್ತೋ ಸುಮನೋ, ಕಾರೇಸಿಂ ವೇದಿಕಂ ಅಹಂ.

೨೦. ‘‘ಏಕನವುತಿತೋ ಕಪ್ಪೇ, ಕಾರೇಸಿಂ ವೇದಿಕಂ ಅಹಂ;

ದುಗ್ಗತಿಂ ನಾಭಿಜಾನಾಮಿ, ವೇದಿಕಾಯ ಇದಂ ಫಲಂ.

೨೧. ‘‘ಇತೋ ಏಕಾದಸೇ ಕಪ್ಪೇ, ಅಹೋಸಿಂ ಸೂರಿಯಸ್ಸಮೋ;

ಸತ್ತರತ್ತನಸಮ್ಪನ್ನೋ, ಚಕ್ಕವತ್ತೀ ಮಹಬ್ಬಲೋ.

೨೨. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ವೇದಿಕಾರಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ವೇದಿಕಾರಕತ್ಥೇರಸ್ಸಾಪದಾನಂ ಪಞ್ಚಮಂ.