೫. ಅಙ್ಕೋಲಕತ್ಥೇರಅಪದಾನಂ

೨೩. ‘‘ಅಙ್ಕೋಲಂ ಪುಪ್ಫಿತಂ ದಿಸ್ವಾ, ಮಾಲಾವರಂ ಸಕೋಸಕಂ [ಸಮೋಗಧಂ (ಸ್ಯಾ.)];

ಓಚಿನಿತ್ವಾನ ತಂ ಪುಪ್ಫಂ, ಅಗಮಂ ಬುದ್ಧಸನ್ತಿಕಂ.

೨೪. ‘‘ಸಿದ್ಧತ್ಥೋ ತಮ್ಹಿ ಸಮಯೇ, ಪತಿಲೀನೋ ಮಹಾಮುನಿ;

ಮುಹುತ್ತಂ ಪಟಿಮಾನೇತ್ವಾ, ಗುಹಾಯಂ ಪುಪ್ಫಮೋಕಿರಿಂ.

೨೫. ‘‘ಚತುನ್ನವುತಿತೋ ಕಪ್ಪೇ, ಯಂ ಪುಪ್ಫಮಭಿಪೂಜಯಿಂ;

ದುಗ್ಗತಿಂ ನಾಭಿಜಾನಾಮಿ, ಪುಪ್ಫದಾನಸ್ಸಿದಂ [ಬುದ್ಧಪೂಜಾಯಿದಂ (ಸೀ. ಸ್ಯಾ.)] ಫಲಂ.

೨೬. ‘‘ಛತ್ತಿಂಸಮ್ಹಿ ಇತೋ ಕಪ್ಪೇ, ಆಸೇಕೋ ದೇವಗಜ್ಜಿತೋ;

ಸತ್ತರತನಸಮ್ಪನ್ನೋ, ಚಕ್ಕವತ್ತೀ ಮಹಬ್ಬಲೋ.

೨೭. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಅಙ್ಕೋಲಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ಅಙ್ಕೋಲಕತ್ಥೇರಸ್ಸಾಪದಾನಂ ಪಞ್ಚಮಂ.