೫. ಅಬ್ಯಾಧಿಕತ್ಥೇರಅಪದಾನಂ

೨೪. ‘‘ವಿಪಸ್ಸಿಸ್ಸ ಭಗವತೋ, ಅಗ್ಗಿಸಾಲಂ ಅದಾಸಹಂ;

ಬ್ಯಾಧಿಕಾನಞ್ಚ ಆವಾಸಂ, ಉಣ್ಹೋದಕಪಟಿಗ್ಗಹಂ.

೨೫. ‘‘ತೇನ ಕಮ್ಮೇನಯಂ ಮಯ್ಹಂ, ಅತ್ತಭಾವೋ ಸುನಿಮ್ಮಿತೋ;

ಬ್ಯಾಧಾಹಂ ನಾಭಿಜಾನಾಮಿ, ಪುಞ್ಞಕಮ್ಮಸ್ಸಿದಂ ಫಲಂ.

೨೬. ‘‘ಏಕನವುತಿತೋ ಕಪ್ಪೇ, ಯಂ ಸಾಲಮದದಿಂ ತದಾ;

ದುಗ್ಗತಿಂ ನಾಭಿಜಾನಾಮಿ, ಅಗ್ಗಿಸಾಲಾಯಿದಂ ಫಲಂ.

೨೭. ‘‘ಇತೋ ಚ ಸತ್ತಮೇ ಕಪ್ಪೇ, ಏಕೋಸಿಂ ಅಪರಾಜಿತೋ [ಏಕೋ ಆಸಿಂ ನರಾಧಿಪೋ (ಸ್ಯಾ.)];

ಸತ್ತರತನಸಮ್ಪನ್ನೋ, ಚಕ್ಕವತ್ತೀ ಮಹಬ್ಬಲೋ.

೨೮. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಅಬ್ಯಾಧಿಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ಅಬ್ಯಾಧಿಕತ್ಥೇರಸ್ಸಾಪದಾನಂ ಪಞ್ಚಮಂ.