೭. ನಹಾನಸಿಕ್ಖಾಪದವಣ್ಣನಾ

೩೬೪. ಸತ್ತಮೇ – ಚುಣ್ಣೇನ ವಾ ಮತ್ತಿಕಾಯ ವಾತಿ ಏತ್ಥ ಚುಣ್ಣಮತ್ತಿಕಾನಂ ಅಭಿಸಙ್ಖರಣಕಾಲತೋ ಪಟ್ಠಾಯ ಸಬ್ಬಪಯೋಗೇಸು ದುಕ್ಕಟಂ.

೩೬೬. ಪಾರಂ ಗಚ್ಛನ್ತೋ ನ್ಹಾಯತೀತಿ ಏತ್ಥ ಸುಕ್ಖಾಯ ನದಿಯಾ ವಾಲಿಕಂ ಉಕ್ಕಿರಿತ್ವಾ ಕತಆವಾಟಕೇಸುಪಿ ನ್ಹಾಯಿತುಂ ವಟ್ಟತಿ. ಆಪದಾಸೂತಿ ಭಮರಾದೀಹಿ ಅನುಬದ್ಧಸ್ಸ ಉದಕೇ ನಿಮುಜ್ಜಿತುಂ ವಟ್ಟತೀತಿ. ಸೇಸಮೇತ್ಥ ಉತ್ತಾನಮೇವ. ಏಳಕಲೋಮಸಮುಟ್ಠಾನಂ – ಕಿರಿಯಂ, ನೋಸಞ್ಞಾವಿಮೋಕ್ಖಂ, ಅಚಿತ್ತಕಂ, ಪಣ್ಣತ್ತಿವಜ್ಜಂ, ಕಾಯಕಮ್ಮಂ, ತಿಚಿತ್ತಂ, ತಿವೇದನನ್ತಿ.

ನಹಾನಸಿಕ್ಖಾಪದಂ ಸತ್ತಮಂ.