೮-೧೦. ಲೋಕಸುತ್ತಾದಿವಣ್ಣನಾ

೩೯೪-೩೯೬. ಅಟ್ಠಮೇ ಮಹಾಭಿಞ್ಞತನ್ತಿ ಛನ್ನಂ ಅಭಿಞ್ಞಾನಂ ವಸೇನ ವುತ್ತಂ. ಸಹಸ್ಸಂ ಲೋಕಂ ಅಭಿಜಾನಾಮೀತಿ ಸತತವಿಹಾರವಸೇನೇವ ವುತ್ತಂ. ಥೇರೋ ಕಿರ ಪಾತೋವ ಉಟ್ಠಾಯ ಮುಖಂ ಧೋವಿತ್ವಾ ಸೇನಾಸನೇ ನಿಸಿನ್ನೋ ಅತೀತೇ ಕಪ್ಪಸಹಸ್ಸಂ, ಅನಾಗತೇ ಕಪ್ಪಸಹಸ್ಸಂ ಅನುಸ್ಸರತಿ, ಪಚ್ಚುಪ್ಪನ್ನೇಪಿ ಸಹಸ್ಸಂ ಚಕ್ಕವಾಳಾನಂ ತಸ್ಸಾವಜ್ಜನಸ್ಸ ಗತಿಂ ಅನುಬನ್ಧತಿ. ಇತಿ ಸೋ ದಿಬ್ಬೇನ ಚಕ್ಖುನಾ ಸಹಸ್ಸಂ ಲೋಕಂ ಅಭಿಜಾನಾತಿ, ಅಯಮಸ್ಸ ಸತತವಿಹಾರೋ. ಸೇಸಂ ಸಬ್ಬತ್ಥ ಉತ್ತಾನತ್ಥಮೇವಾತಿ.

ಸೀಲಟ್ಠಿತಿವಗ್ಗೋ ತತಿಯೋ.