೫. ಪಠಮಕಾಮಭೂಸುತ್ತವಣ್ಣನಾ

೩೪೭. ಪಞ್ಚಮೇ ನೇಲಙ್ಗೋತಿ ನಿದ್ದೋಸೋ. ಸೇತಪಚ್ಛಾದೋತಿ ಸೇತಪಟಿಚ್ಛಾದನೋ. ಅನೀಘನ್ತಿ ನಿದ್ದುಕ್ಖಂ. ಮುಹುತ್ತಂ ತುಣ್ಹೀ ಹುತ್ವಾತಿ ತಸ್ಸ ಅತ್ಥಪೇಕ್ಖನತ್ಥಂ ತೀಣಿ ಪಿಟಕಾನಿ ಕಣ್ಣೇ ಕುಣ್ಡಲಂ ವಿಯ ಸಞ್ಚಾಲೇನ್ತೋ ‘‘ಅಯಂ ಇಮಸ್ಸ ಅತ್ಥೋ, ಅಯಂ ಇಮಸ್ಸ ಅತ್ಥೋ’’ತಿ ಉಪಪರಿಕ್ಖಣತ್ಥಂ ಮುಹುತ್ತಂ ತುಣ್ಹೀ ಹುತ್ವಾ. ವಿಮುತ್ತಿಯಾತಿ ಅರಹತ್ತಫಲವಿಮುತ್ತಿಯಾ. ಇಮಂ ಪನ ಪಞ್ಹಂ ಕಥೇನ್ತೋ ಉಪಾಸಕೋ ದುಕ್ಕರಂ ಅಕಾಸಿ. ಸಮ್ಮಾಸಮ್ಬುದ್ಧೋ ಹಿ ‘‘ಪಸ್ಸಥ ನೋ ತುಮ್ಹೇ, ಭಿಕ್ಖವೇ, ಏತಂ ಭಿಕ್ಖುಂ ಆಗಚ್ಛನ್ತಂ ಓದಾತಕಂ ತನುಕಂ ತುಙ್ಗನಾಸಿಕ’’ನ್ತಿ (ಸಂ. ನಿ. ೨.೨೪೫) ಅತ್ತನೋ ದಿಟ್ಠೇನ ಕಥೇಸಿ. ಅಯಂ ಪನ ನಯಗ್ಗಾಹೇನ ‘‘ಅರಹತೋ ಏತಂ ಅಧಿವಚನ’’ನ್ತಿ ಆಹ.