೩-೧೦. ಸುವಣ್ಣನಿಕ್ಖಸುತ್ತಾದಿವಣ್ಣನಾ

೧೬೯. ತತಿಯಾದೀಸು ಸುವಣ್ಣನಿಕ್ಖಸ್ಸಾತಿ ಏಕಸ್ಸ ಕಞ್ಚನನಿಕ್ಖಸ್ಸ. ಸಿಙ್ಗೀನಿಕ್ಖಸ್ಸಾತಿ ಸಿಙ್ಗೀಸುವಣ್ಣನಿಕ್ಖಸ್ಸ. ಪಥವಿಯಾತಿ ಚಕ್ಕವಾಳಬ್ಭನ್ತರಾಯ ಮಹಾಪಥವಿಯಾ. ಆಮಿಸಕಿಞ್ಚಿಕ್ಖಹೇತೂತಿ ಕಸ್ಸಚಿದೇವ ಆಮಿಸಸ್ಸ ಹೇತು ಅನ್ತಮಸೋ ಕುಣ್ಡಕಮುಟ್ಠಿನೋಪಿ. ಜೀವಿತಹೇತೂತಿ ಅಟವಿಯಂ ಚೋರೇಹಿ ಗಹೇತ್ವಾ ಜೀವಿತೇ ವೋರೋಪಿಯಮಾನೇ ತಸ್ಸಪಿ ಹೇತು. ಜನಪದಕಲ್ಯಾಣಿಯಾತಿ ಜನಪದೇ ಉತ್ತಮಿತ್ಥಿಯಾ. ತತಿಯಾದೀನಿ.

ದುತಿಯೋ ವಗ್ಗೋ.