೫. ಮಾನತ್ಥದ್ಧಸುತ್ತವಣ್ಣನಾ

೨೦೧. ಪಞ್ಚಮೇ ಮಾನತ್ಥದ್ಧೋತಿ ವಾತಭರಿತಭಸ್ತಾ ವಿಯ ಮಾನೇನ ಥದ್ಧೋ. ಆಚರಿಯನ್ತಿ ಸಿಪ್ಪುಗ್ಗಹಣಕಾಲೇ ಆಚರಿಯೋ ಅನಭಿವಾದೇನ್ತಸ್ಸ ಸಿಪ್ಪಂ ನ ದೇತಿ, ಅಞ್ಞಸ್ಮಿಂ ಪನ ಕಾಲೇ ತಂ ನ ಅಭಿವಾದೇತಿ, ಅತ್ಥಿಭಾವಮ್ಪಿಸ್ಸ ನ ಜಾನಾತಿ. ನಾಯಂ ಸಮಣೋತಿ ಏವಂ ಕಿರಸ್ಸ ಅಹೋಸಿ – ‘‘ಯಸ್ಮಾ ಅಯಂ ಸಮಣೋ ಮಾದಿಸೇ ಜಾತಿಸಮ್ಪನ್ನಬ್ರಾಹ್ಮಣೇ ಸಮ್ಪತ್ತೇ ಪಟಿಸನ್ಥಾರಮತ್ತಮ್ಪಿ ನ ಕರೋತಿ, ತಸ್ಮಾ ನ ಕಿಞ್ಚಿ ಜಾನಾತೀ’’ತಿ.

ಅಬ್ಭುತವಿತ್ತಜಾತಾತಿ ಅಭೂತಪುಬ್ಬಾಯ ತುಟ್ಠಿಯಾ ಸಮನ್ನಾಗತಾ. ಕೇಸು ಚಸ್ಸಾತಿ ಕೇಸು ಭವೇಯ್ಯ. ಕ್ಯಸ್ಸಾತಿ ಕೇ ಅಸ್ಸ ಪುಗ್ಗಲಸ್ಸ. ಅಪಚಿತಾ ಅಸ್ಸೂತಿ ಅಪಚಿತಿಂ ದಸ್ಸೇತುಂ ಯುತ್ತಾ ಭವೇಯ್ಯುಂ. ಅರಹನ್ತೇತಿ ಇಮಾಯ ಗಾಥಾಯ ದೇಸನಾಕುಸಲತ್ತಾ ಅತ್ತಾನಂ ಅನ್ತೋಕತ್ವಾ ಪೂಜನೇಯ್ಯಂ ದಸ್ಸೇತಿ. ಪಞ್ಚಮಂ.