೪. ಬಿಲಙ್ಗೀಕಸುತ್ತವಣ್ಣನಾ

೧೯೦. ಚತುತ್ಥೇ ಬಿಲಙ್ಗಿಕಭಾರದ್ವಾಜೋತಿ ಭಾರದ್ವಾಜೋವ ಸೋ, ನಾನಪ್ಪಕಾರಂ ಪನ ಸುದ್ಧಞ್ಚ ಸಮ್ಭಾರಯುತ್ತಞ್ಚ ಕಞ್ಜಿಕಂ ಕಾರೇತ್ವಾ ವಿಕ್ಕಿಣಾಪೇನ್ತೋ ಬಹುಧನಂ ಸಙ್ಖರೀತಿ ‘‘ಬಿಲಙ್ಗಿಕಭಾರದ್ವಾಜೋ’’ತಿ ತಸ್ಸ ಸಙ್ಗೀತಿಕಾರೇಹಿ ನಾಮಂ ಗಹಿತಂ. ತುಣ್ಹೀಭೂತೋತಿ ‘‘ತಯೋ ಮೇ ಜೇಟ್ಠಕಭಾತರೋ ಇಮಿನಾ ಪಬ್ಬಾಜಿತಾ’’ತಿ ಅತಿವಿಯ ಕುದ್ಧೋ ಕಿಞ್ಚಿ ವತ್ತುಂ ಅಸಕ್ಕೋನ್ತೋ ತುಣ್ಹೀಭೂತೋ ಅಟ್ಠಾಸಿ. ಗಾಥಾ ಪನ ದೇವತಾಸಂಯುತ್ತೇ ಕಥಿತಾವ. ಚತುತ್ಥಂ.