೫. ಅಕ್ಕೋಧಸುತ್ತವಣ್ಣನಾ

೨೭೧. ಪಞ್ಚಮೇ ಮಾ ವೋ ಕೋಧೋ ಅಜ್ಝಭವೀತಿ ಕೋಧೋ ತುಮ್ಹೇ ಮಾ ಅಭಿಭವಿ, ತುಮ್ಹೇವ ಕೋಧಂ ಅಭಿಭವಥ. ಮಾ ಚ ಕುಜ್ಝಿತ್ಥ ಕುಜ್ಝಿತನ್ತಿ ಕುಜ್ಝನ್ತಾನಂ ಮಾ ಪಟಿಕುಜ್ಝಿತ್ಥ. ಅಕ್ಕೋಧೋತಿ ಮೇತ್ತಾ ಚ ಮೇತ್ತಾಪುಬ್ಬಭಾಗೋ ಚ. ಅವಿಹಿಂಸಾತಿ ಕರುಣಾ ಚ ಕರುಣಾಪುಬ್ಬಭಾಗೋ ಚ. ಅಥ ಪಾಪಜನಂ ಕೋಧೋ, ಪಬ್ಬತೋವಾಭಿಮದ್ದತೀತಿ ಲಾಮಕಜನಂ ಪಬ್ಬತೋ ವಿಯ ಕೋಧೋ ಅಭಿಮದ್ದತೀತಿ. ಪಞ್ಚಮಂ.

ತತಿಯೋ ವಗ್ಗೋ.

ಸಕ್ಕಸಂಯುತ್ತವಣ್ಣನಾ ನಿಟ್ಠಿತಾ.

ಇತಿ ಸಾರತ್ಥಪ್ಪಕಾಸಿನಿಯಾ ಸಂಯುತ್ತನಿಕಾಯ-ಅಟ್ಠಕಥಾಯ

ಸಗಾಥಾವಗ್ಗವಣ್ಣನಾ ನಿಟ್ಠಿತಾ.

ಸಂಯುತ್ತನಿಕಾಯ-ಅಟ್ಠಕಥಾಯ ಪಠಮೋ ಭಾಗೋ.