೯. ಸತ್ಥಾರವನ್ದನಾಸುತ್ತವಣ್ಣನಾ

೨೬೫. ನವಮೇ ಭಗವನ್ತಂ ನಮಸ್ಸತೀತಿ ಏಕಂಸಂ ಉತ್ತರಿಯಂ ದುಕುಲಂ ಕತ್ವಾ, ಬ್ರಹ್ಮಜಾಣುಕೋ ಹುತ್ವಾ ಸಿರಸಿ ಅಞ್ಜಲಿಂ ಠಪೇತ್ವಾ ನಮಸ್ಸತಿ. ಸೋ ಯಕ್ಖೋತಿ ಸೋ ಸಕ್ಕೋ. ಅನೋಮನಾಮನ್ತಿ ಸಬ್ಬಗುಣೇಹಿ ಓಮಕಭಾವಸ್ಸ ನತ್ಥಿತಾಯ ಸಬ್ಬಗುಣನೇಮಿತ್ತಕೇಹಿ ನಾಮೇಹಿ ಅನೋಮನಾಮಂ. ಅವಿಜ್ಜಾಸಮತಿಕ್ಕಮಾತಿ ಚತುಸಚ್ಚಪಟಿಚ್ಛಾದಿಕಾಯ ವಟ್ಟಮೂಲಕಅವಿಜ್ಜಾಯ ಸಮತಿಕ್ಕಮೇನ. ಸೇಕ್ಖಾತಿ ಸತ್ತ ಸೇಕ್ಖಾ. ಅಪಚಯಾರಾಮಾತಿ ವಟ್ಟವಿದ್ಧಂಸನೇ ರತಾ. ಸಿಕ್ಖರೇತಿ ಸಿಕ್ಖನ್ತಿ. ನವಮಂ.