೩. ಮಿತ್ತಸುತ್ತವಣ್ಣನಾ

೫೩. ತತಿಯೇ ಸತ್ಥೋತಿ ಸದ್ಧಿಂಚರೋ, ಜಙ್ಘಸತ್ಥೋ ವಾ ಸಕಟಸತ್ಥೋ ವಾ. ಮಿತ್ತನ್ತಿ ರೋಗೇ ಉಪ್ಪನ್ನೇ ಪಾಟಙ್ಕಿಯಾ ವಾ ಅಞ್ಞೇನ ವಾ ಯಾನೇನ ಹರಿತ್ವಾ ಖೇಮನ್ತಸಮ್ಪಾಪನೇನ ಮಿತ್ತಂ. ಸಕೇ ಘರೇತಿ ಅತ್ತನೋ ಗೇಹೇ. ತಥಾರೂಪೇ ರೋಗೇ ಜಾತೇ ಪುತ್ತಭರಿಯಾದಯೋ ಜಿಗುಚ್ಛನ್ತಿ, ಮಾತಾ ಪನ ಅಸುಚಿಮ್ಪಿ ಚನ್ದನಂ ವಿಯ ಮಞ್ಞತಿ. ತಸ್ಮಾ ಸಾ ಸಕೇ ಘರೇ ಮಿತ್ತಂ. ಸಹಾಯೋ ಅತ್ಥಜಾತಸ್ಸಾತಿ ಉಪ್ಪನ್ನಕಿಚ್ಚಸ್ಸ ಯೋ ತಂ ಕಿಚ್ಚಂ ವಹತಿ ನಿತ್ಥರತಿ, ಸೋ ಕಿಚ್ಚೇಸು ಸಹ ಅಯನಭಾವೇನ ಸಹಾಯೋ ಮಿತ್ತಂ, ಸುರಾಪಾನಾದಿಸಹಾಯಾ ಪನ ನ ಮಿತ್ತಾ. ಸಮ್ಪರಾಯಿಕನ್ತಿ ಸಮ್ಪರಾಯಹಿತಂ. ತತಿಯಂ.