೪. ರೇವತೀಪೇತವತ್ಥುವಣ್ಣನಾ

೭೧೪-೩೬. ಉಟ್ಠೇಹಿ, ರೇವತೇ, ಸುಪಾಪಧಮ್ಮೇತಿ ಇದಂ ರೇವತೀಪೇತವತ್ಥು. ತಂ ಯಸ್ಮಾ ರೇವತೀವಿಮಾನವತ್ಥುನಾ ನಿಬ್ಬಿಸೇಸಂ, ತಸ್ಮಾ ಯದೇತ್ಥ ಅಟ್ಠುಪ್ಪತ್ತಿಯಂ ಗಾಥಾಸು ಚ ವತ್ತಬ್ಬಂ, ತಂ ಪರಮತ್ಥದೀಪನಿಯಂ ವಿಮಾನವತ್ಥುವಣ್ಣನಾಯಂ (ವಿ. ವ. ಅಟ್ಠ. ೮೬೦ ರೇವತೀವಿಮಾನವಣ್ಣನಾ) ವುತ್ತನಯೇನೇವ ವೇದಿತಬ್ಬಂ. ಇದಞ್ಹಿ ನನ್ದಿಯಸ್ಸ ದೇವಪುತ್ತಸ್ಸ ವಸೇನ ವಿಮಾನವತ್ಥುಪಾಳಿಯಂ ಸಙ್ಗಹಂ ಆರೋಪಿತಮ್ಪಿ ರೇವತೀಪಟಿಬದ್ಧಾಯ ಗಾಥಾಯ ವಸೇನ ‘‘ರೇವತೀಪೇತವತ್ಥು’’ನ್ತಿ ಪೇತವತ್ಥುಪಾಳಿಯಮ್ಪಿ ಸಙ್ಗಹಂ ಆರೋಪಿತನ್ತಿ ದಟ್ಠಬ್ಬಂ.

ರೇವತೀಪೇತವತ್ಥುವಣ್ಣನಾ ನಿಟ್ಠಿತಾ.