೨. ಅವಿವಿತ್ತಕಥಾವಣ್ಣನಾ

೮೭೯-೮೮೦. ಇದಾನಿ ಅವಿವಿತ್ತಕಥಾ ನಾಮ ಹೋತಿ. ತತ್ಥ ಯಸ್ಸ ಪುಗ್ಗಲಸ್ಸ ಯೋ ಧಮ್ಮೋ ಪಚ್ಚುಪ್ಪನ್ನೋ, ಸೋ ತೇನ ಅವಿವಿತ್ತೋ ನಾಮಾತಿ ಇದಂ ಸಕಸಮಯೇ ಸನ್ನಿಟ್ಠಾನಂ. ಯಸ್ಮಾ ಪನ ಪುಥುಜ್ಜನೇನ ತೇಧಾತುಕಾ ಧಮ್ಮಾ ಅಪರಿಞ್ಞಾತಾ, ತಸ್ಮಾ ಸೋ ಏಕಕ್ಖಣೇಯೇವ ಸಬ್ಬೇಹಿಪಿ ತೇಧಾತುಕೇಹಿ ಧಮ್ಮೇಹಿ ಅವಿವಿತ್ತೋತಿ ಯೇಸಂ ಲದ್ಧಿ, ಸೇಯ್ಯಥಾಪಿ ತೇಸಞ್ಞೇವ, ತೇ ಸನ್ಧಾಯ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ. ಫಸ್ಸೇಹೀತಿಆದಿ ಸಬ್ಬೇಸಂ ಫಸ್ಸಾದೀನಂ ಏಕಕ್ಖಣೇ ಪವತ್ತಿದೋಸದಸ್ಸನತ್ಥಂ ವುತ್ತಂ. ಸೇಸಂ ಸಬ್ಬತ್ಥ ಉತ್ತಾನತ್ಥಮೇವಾತಿ.

ಅವಿವಿತ್ತಕಥಾವಣ್ಣನಾ.