೫. ರೂಪಂ ಹೇತೂತಿಕಥಾವಣ್ಣನಾ

೭೫೪-೭೫೬. ಇದಾನಿ ರೂಪಂ ಹೇತೂತಿ ಕಥಾನಾಮ ಹೋತಿ. ತತ್ಥ ಹೇತೂತಿ ಕುಸಲಮೂಲಾದಿನೋ ಹೇತುಹೇತುಸ್ಸಾಪಿ ನಾಮಂ, ಯಸ್ಸ ಕಸ್ಸಚಿ ಪಚ್ಚಯಸ್ಸಾಪಿ. ಇಮಂ ಪನ ವಿಭಾಗಂ ಅಕತ್ವಾ ‘‘ಚತ್ತಾರೋ ಮಹಾಭೂತಾ ಹೇತೂ’’ತಿ ವಚನಮತ್ತಂ ನಿಸ್ಸಾಯ ಅವಿಸೇಸೇನೇವ ರೂಪಂ ಹೇತೂತಿ ಯೇಸಂ ಲದ್ಧಿ, ಸೇಯ್ಯಥಾಪಿ ಉತ್ತರಾಪಥಕಾನಂ; ತೇ ಸನ್ಧಾಯ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ. ಅಲೋಭೋ ಹೇತೂತಿ ಕಿಂ ತೇ ರೂಪಂ ಅಲೋಭಸಙ್ಖಾತೋ ಹೇತೂತಿ ಪುಚ್ಛತಿ, ಇತರೋ ಪಟಿಕ್ಖಿಪತಿ. ಸೇಸೇಸುಪಿ ಏಸೇವ ನಯೋ. ಮಹಾಭೂತಾ ಉಪಾದಾಯರೂಪಾನಂ ಉಪಾದಾಯಹೇತೂತಿ ಏತ್ಥ ಪಚ್ಚಯಟ್ಠೇನ ಹೇತುಭಾವೋ ವುತ್ತೋ, ನ ಮೂಲಟ್ಠೇನ, ತಸ್ಮಾ ಅಸಾಧಕನ್ತಿ.

ರೂಪಂ ಹೇತೂತಿಕಥಾವಣ್ಣನಾ.

೭೫೭-೭೫೯. ಸಹೇತುಕಕಥಾಯಮ್ಪಿ ಇಮಿನಾವ ನಯೇನ ಅತ್ಥೋ ವೇದಿತಬ್ಬೋತಿ.

ರೂಪಂ ಸಹೇತುಕನ್ತಿಕಥಾವಣ್ಣನಾ.