೯. ಧಮ್ಮಟ್ಠಿತತಾಕಥಾವಣ್ಣನಾ

೬೨೭. ಇದಾನಿ ಧಮ್ಮಟ್ಠಿತತಾಕಥಾ ನಾಮ ಹೋತಿ. ತತ್ಥ ‘‘ಠಿತಾವ ಸಾ ಧಾತೂ’’ತಿ ವಚನಂ ನಿಸ್ಸಾಯ ‘‘ಪಟಿಚ್ಚಸಮುಪ್ಪಾದಸಙ್ಖಾತಾ ಧಮ್ಮಟ್ಠಿತತಾ ನಾಮ ಏಕಾ ಅತ್ಥಿ, ಸಾ ಚ ಪರಿನಿಪ್ಫನ್ನಾ’’ತಿ ಯೇಸಂ ಲದ್ಧಿ, ಸೇಯ್ಯಥಾಪಿ ಅನ್ಧಕಾನಂ; ತೇ ಸನ್ಧಾಯ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ. ಅಥ ನಂ ‘‘ಯದಿ ಪರಿನಿಪ್ಫನ್ನಾನಂ ಅವಿಜ್ಜಾದೀನಂ ಅಞ್ಞಾ ಧಮ್ಮಟ್ಠಿತತಾ ನಾಮ ಪರಿನಿಪ್ಫನ್ನಾ ಅತ್ಥಿ, ತಾಯಪಿ ಚ ತೇ ಧಮ್ಮಟ್ಠಿತತಾಯ ಅಞ್ಞಾ ಠಿತತಾ ಪರಿನಿಪ್ಫನ್ನಾ ಆಪಜ್ಜತೀ’’ತಿ ಚೋದೇತುಂ ತಾಯ ಠಿತತಾತಿಆದಿಮಾಹ. ಪರವಾದೀ ಏವರೂಪಾಯ ಲದ್ಧಿಯಾ ಅಭಾವೇನ ಪಟಿಕ್ಖಿಪತಿ. ದುತಿಯಂ ಪುಟ್ಠೋ ಅನನ್ತರಪಚ್ಚಯತಞ್ಚೇವ ಅಞ್ಞಮಞ್ಞಪಚ್ಚಯತಞ್ಚ ಸನ್ಧಾಯ ಪಟಿಜಾನಾತಿ. ಸೇಸಂ ಹೇಟ್ಠಾ ವುತ್ತನಯತ್ತಾ ಉತ್ತಾನತ್ಥಮೇವಾತಿ.

ಧಮ್ಮಟ್ಠಿತತಾಕಥಾವಣ್ಣನಾ.