೭. ಸೀಲಂ ಅಚೇತಸಿಕನ್ತಿಕಥಾವಣ್ಣನಾ

೫೯೦-೫೯೪. ಇದಾನಿ ಸೀಲಂ ಅಚೇತಸಿಕನ್ತಿಕಥಾ ನಾಮ ಹೋತಿ. ತತ್ಥ ಯಸ್ಮಾ ಸೀಲೇ ಉಪ್ಪಜ್ಜಿತ್ವಾ ನಿರುದ್ಧೇಪಿ ಸಮಾದಾನಹೇತುಕೋ ಸೀಲೋಪಚಯೋ ನಾಮ ಅತ್ಥಿ, ಯೇನ ಸೋ ಸೀಲವಾಯೇವ ನಾಮ ಹೋತಿ, ತಸ್ಮಾ ‘‘ಸೀಲಂ ಅಚೇತಸಿಕ’’ನ್ತಿ ಯೇಸಂ ಲದ್ಧಿ, ಸೇಯ್ಯಥಾಪಿ ಮಹಾಸಂಘಿಕಾನಂ, ತೇ ಸನ್ಧಾಯ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ. ಸೇಸಮೇತ್ಥ ‘‘ದಾನಂ ಅಚೇತಸಿಕ’’ನ್ತಿಕಥಾಯಂ ವುತ್ತನಯೇನೇವ ವೇದಿತಬ್ಬಂ. ಲದ್ಧಿಪತಿಟ್ಠಾಪನಮ್ಪಿ ಅಯೋನಿಸೋ ಗಹಿತತ್ತಾ ಅಪ್ಪತಿಟ್ಠಾಪನಮೇವಾತಿ.

ಸೀಲಂ ಅಚೇತಸಿಕನ್ತಿಕಥಾವಣ್ಣನಾ.