೬. ಆಕಾಸಕಥಾವಣ್ಣನಾ

೪೬೦-೪೬೨. ಇದಾನಿ ಆಕಾಸಕಥಾ ನಾಮ ಹೋತಿ. ತತ್ಥ ತಿವಿಧೋ ಆಕಾಸೋ – ಪರಿಚ್ಛೇದಾಕಾಸೋ, ಕಸಿಣುಗ್ಘಾಟಿಮಾಕಾಸೋ, ಅಜಟಾಕಾಸೋ. ‘‘ತುಚ್ಛಾಕಾಸೋ’’ತಿಪಿ ತಸ್ಸೇವ ನಾಮಂ. ತೇಸು ಪರಿಚ್ಛೇದಾಕಾಸೋ ಸಙ್ಖತೋ, ಇತರೇ ದ್ವೇ ಪಞ್ಞತ್ತಿಮತ್ತಾ. ಯೇಸಂ ಪನ ‘‘ದುವಿಧೋಪಿ ಯಸ್ಮಾ ಸಙ್ಖತೋ ನ ಹೋತಿ, ತಸ್ಮಾ ಅಸಙ್ಖತೋ’’ತಿ ಲದ್ಧಿ, ಸೇಯ್ಯಥಾಪಿ ಉತ್ತರಾಪಥಕಾನಂ ಮಹಿಸಾಸಕಾನಞ್ಚ; ತೇ ಸನ್ಧಾಯ ಆಕಾಸೋತಿ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ. ಸೇಸಮೇತ್ಥ ಉತ್ತಾನತ್ಥಮೇವಾತಿ.

ಆಕಾಸಕಥಾವಣ್ಣನಾ.