೬. ದುಕ್ಖಾಹಾರಕಥಾವಣ್ಣನಾ

೩೩೪. ಇದಾನಿ ದುಕ್ಖಾಹಾರಕಥಾ ನಾಮ ಹೋತಿ. ತತ್ಥ ‘‘ದುಕ್ಖಂ ದುಕ್ಖನ್ತಿ ವಾಚಂ ಭಾಸನ್ತೋ ದುಕ್ಖೇ ಞಾಣಂ ಆಹರತಿ, ತಂ ದುಕ್ಖಾಹಾರೋ ನಾಮ ವುಚ್ಚತಿ. ತಞ್ಚ ಪನೇತಂ ಮಗ್ಗಙ್ಗಂ ಮಗ್ಗಪರಿಯಾಪನ್ನ’’ನ್ತಿ ಯೇಸಂ ಲದ್ಧಿ, ಸೇಯ್ಯಥಾಪಿ ಏತರಹಿ ಪುಬ್ಬಸೇಲಿಯಾನಂ; ತೇ ಸನ್ಧಾಯ ದುಕ್ಖಾಹಾರೋತಿ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಪರವಾದಿಸ್ಸ. ಯೇ ಕೇಚೀತಿ ಪಠಮಪಞ್ಹೇ ಅವಿಪಸ್ಸಕೇ ಸನ್ಧಾಯ ಪಟಿಕ್ಖಿಪತಿ, ದುತಿಯಪಞ್ಹೇ ವಿಪಸ್ಸಕೇ ಸನ್ಧಾಯ ಪಟಿಜಾನಾತಿ, ತಂ ಪನಸ್ಸ ಲದ್ಧಿಮತ್ತಮೇವ. ತಸ್ಮಾ ‘‘ಸಬ್ಬೇ ತೇ’’ತಿ ವಾದಸ್ಸ ಭಿನ್ದನತ್ಥಂ ಬಾಲಪುಥುಜ್ಜನಾತಿಆದಿಮಾಹ. ತಂ ಉತ್ತಾನತ್ಥಮೇವಾತಿ.

ದುಕ್ಖಾಹಾರಕಥಾವಣ್ಣನಾ.