೨-೩-೪. ಅಞ್ಞಾಣಾದಿಕಥಾವಣ್ಣನಾ

೩೧೪. ಇದಾನಿ ಅಞ್ಞಾಣಂ, ಕಙ್ಖಾ, ಪರವಿತರಣಾತಿ ತಿಸ್ಸೋ ಕಥಾ ನಾಮ ಹೋನ್ತಿ. ತತ್ಥ ಯೇಸಂ ‘‘ಅರಹತೋ ಇತ್ಥಿಪುರಿಸಾದೀನಂ ನಾಮಗೋತ್ತಾದೀಸು ಞಾಣಪ್ಪವತ್ತಿಯಾ ಅಭಾವೇನ ಅತ್ಥಿ ಅಞ್ಞಾಣಂ, ತತ್ಥೇವ ಸನ್ನಿಟ್ಠಾನಾಭಾವೇನ ಅತ್ಥಿ ಕಙ್ಖಾ. ಯಸ್ಮಾ ಚ ನೇಸಂ ತಾನಿ ವತ್ಥೂನಿ ಪರೇ ವಿತರನ್ತಿ ಪಕಾಸೇನ್ತಿ ಆಚಿಕ್ಖನ್ತಿ, ತಸ್ಮಾ ನೇಸಂ ಅತ್ಥಿ ಪರವಿತರಣಾ’’ತಿ ಇಮಾ ಲದ್ಧಿಯೋ, ಸೇಯ್ಯಥಾಪಿ ಏತರಹಿ ಪುಬ್ಬಸೇಲಿಯಾದೀನಂ; ತೇಸಂ ತಾ ಲದ್ಧಿಯೋ ಭಿನ್ದಿತುಂ ತೀಸುಪಿ ಕಥಾಸು ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಚ ಪಟಿಕ್ಖೇಪೋ ಚ ಇತರಸ್ಸ. ತತ್ಥ ಸಬ್ಬೇಸುಪಿ ಪಞ್ಹೇಸು ಚೇವ ವಿಸ್ಸಜ್ಜನೇಸು ಚ ಪಾಳಿಂ ಅನುಗನ್ತ್ವಾವ ಅತ್ಥೋ ವೇದಿತಬ್ಬೋತಿ.

ಅಞ್ಞಾಣಾದಿಕಥಾವಣ್ಣನಾ.