೫. ಬಲಸುತ್ತವಣ್ಣನಾ

೫. ಪಞ್ಚಮೇ ಅವಿಜ್ಜಾಕೋಸಜ್ಜಸಾವಜ್ಜಅಸ್ಸದ್ಧಿಯೇಸು ಅಕಮ್ಪನತೋ ಪಞ್ಞಾಬಲಾದೀನಿ ದಟ್ಠಬ್ಬಾನಿ. ಅಕುಸಲಸಙ್ಖಾತಾತಿ ಅಕುಸಲಾತಿ ಞಾತಾ. ಏಸ ನಯೋ ಸಬ್ಬತ್ಥ. ನಾಲಮರಿಯಾತಿ ಅರಿಯಭಾವಂ ಕಾತುಂ ಅಸಮತ್ಥಾ, ಅರಿಯಾನಂ ವಾ ಅನನುಚ್ಛವಿಕಾ. ವೋದಿಟ್ಠಾತಿ ಸುಟ್ಠು ದಿಟ್ಠಾ. ವೋಚರಿತಾತಿ ಮನೋದ್ವಾರೇ ಸಮುದಾಚಾರಪ್ಪತ್ತಾ. ಅತ್ಥಿಕಸ್ಸಾತಿ ಧಮ್ಮದೇಸನಾಯ ಅತ್ಥಿಕಸ್ಸ. ಆಜೀವಿಕಾಭಯನ್ತಿ ಜೀವಿತವುತ್ತಿಭಯಂ. ಅಸಿಲೋಕಭಯನ್ತಿ ಗರಹಾಭಯಂ. ಪರಿಸಾಸಾರಜ್ಜಭಯನ್ತಿ ಪರಿಸಂ ಪತ್ವಾ ಸಾರಜ್ಜಂ ಓಕ್ಕಮನಭಯಂ. ಇಮಸ್ಮಿಂ ಸುತ್ತೇ ವಟ್ಟವಿವಟ್ಟಂ ಕಥಿತಂ.