೯. ಸತ್ಥುಸಾಸನಸುತ್ತವಣ್ಣನಾ

೮೩. ನವಮೇ ಏಕೋತಿ ಅದುತಿಯೋ. ವೂಪಕಟ್ಠೋತಿ ಕಾಯೇನ ಗಣತೋ, ಚಿತ್ತೇನ ಕಿಲೇಸೇಹಿ ವೂಪಕಟ್ಠೋ ವಿವೇಕಟ್ಠೋ ದೂರೀಭೂತೋ. ಅಪ್ಪಮತ್ತೋತಿ ಸತಿಅವಿಪ್ಪವಾಸೇ ಠಿತೋ. ಪಹಿತತ್ತೋತಿ ಪೇಸಿತತ್ತೋ. ನಿಬ್ಬಿದಾಯಾತಿ ವಟ್ಟೇ ಉಕ್ಕಣ್ಠನತ್ಥಾಯ. ವಿರಾಗಾಯಾತಿ ರಾಗಾದೀನಂ ವಿರಜ್ಜನತ್ಥಾಯ. ನಿರೋಧಾಯಾತಿ ಅಪ್ಪವತ್ತಿಕರಣತ್ಥಾಯ. ವೂಪಸಮಾಯಾತಿ ಕಿಲೇಸವೂಪಸಮಾಯ ಅಪ್ಪವತ್ತಿಯಾ. ಅಭಿಞ್ಞಾಯಾತಿ ತಿಲಕ್ಖಣಂ ಆರೋಪೇತ್ವಾ ಅಭಿಜಾನನತ್ಥಾಯ. ಸಮ್ಬೋಧಾಯಾತಿ ಮಗ್ಗಸಙ್ಖಾತಸ್ಸ ಸಮ್ಬೋಧಸ್ಸ ಅತ್ಥಾಯ. ನಿಬ್ಬಾನಾಯಾತಿ ನಿಬ್ಬಾನಸ್ಸ ಸಚ್ಛಿಕರಣತ್ಥಾಯ.