೨-೩. ಅಪರಿಹಾನಸುತ್ತದ್ವಯವಣ್ಣನಾ

೩೨-೩೩. ದುತಿಯೇ ಸತ್ಥುಗಾರವತಾತಿ ಸತ್ಥರಿ ಗರುಭಾವೋ. ಧಮ್ಮಗಾರವತಾತಿ ನವವಿಧೇ ಲೋಕುತ್ತರಧಮ್ಮೇ ಗರುಭಾವೋ. ಸಙ್ಘಗಾರವತಾತಿ ಸಙ್ಘೇ ಗರುಭಾವೋ. ಸಿಕ್ಖಾಗಾರವತಾತಿ ತೀಸು ಸಿಕ್ಖಾಸು ಗರುಭಾವೋ. ಅಪ್ಪಮಾದಗಾರವತಾತಿ ಅಪ್ಪಮಾದೇ ಗರುಭಾವೋ. ಪಟಿಸನ್ಥಾರಗಾರವತಾತಿ ಧಮ್ಮಾಮಿಸವಸೇನ ದುವಿಧೇ ಪಟಿಸನ್ಥಾರೇ ಗರುಭಾವೋ. ಸತ್ಥಾ ಗರು ಅಸ್ಸಾತಿ ಸತ್ಥುಗರು. ಧಮ್ಮೋ ಗರು ಅಸ್ಸಾತಿ ಧಮ್ಮಗರು. ತಿಬ್ಬಗಾರವೋತಿ ಬಹಲಗಾರವೋ. ಪಟಿಸನ್ಥಾರೇ ಗಾರವೋ ಅಸ್ಸಾತಿ ಪಟಿಸನ್ಥಾರಗಾರವೋ. ತತಿಯೇ ಸಪ್ಪತಿಸ್ಸೋತಿ ಸಜೇಟ್ಠಕೋ ಸಗಾರವೋ. ಹಿರೋತ್ತಪ್ಪಂ ಪನೇತ್ಥ ಮಿಸ್ಸಕಂ ಕಥಿತಂ.