೧. ಪಠಮಆಹುನೇಯ್ಯಸುತ್ತವಣ್ಣನಾ

೧. ಛಕ್ಕನಿಪಾತಸ್ಸ ಪಠಮೇ ಇಧ, ಭಿಕ್ಖವೇ, ಭಿಕ್ಖೂತಿ, ಭಿಕ್ಖವೇ, ಇಮಸ್ಮಿಂ ಸಾಸನೇ ಭಿಕ್ಖು. ನೇವ ಸುಮನೋ ಹೋತಿ ನ ದುಮ್ಮನೋತಿ ಇಟ್ಠಾರಮ್ಮಣೇ ರಾಗಸಹಗತೇನ ಸೋಮನಸ್ಸೇನ ಸುಮನೋ ವಾ ಅನಿಟ್ಠಾರಮ್ಮಣೇ ದೋಸಸಹಗತೇನ ದೋಮನಸ್ಸೇನ ದುಮ್ಮನೋ ವಾ ನ ಹೋತಿ. ಉಪೇಕ್ಖಕೋ ವಿಹರತಿ ಸತೋ ಸಮ್ಪಜಾನೋತಿ ಮಜ್ಝತ್ತಾರಮ್ಮಣೇ ಅಸಮಪೇಕ್ಖನೇನ ಅಞ್ಞಾಣುಪೇಕ್ಖಾಯ ಉಪೇಕ್ಖಕಭಾವಂ ಅನಾಪಜ್ಜಿತ್ವಾ ಸತೋ ಸಮ್ಪಜಾನೋ ಹುತ್ವಾ ಆರಮ್ಮಣೇ ಮಜ್ಝತ್ತೋ ವಿಹರತಿ. ಇಮಸ್ಮಿಂ ಸುತ್ತೇ ಖೀಣಾಸವಸ್ಸ ಸತತವಿಹಾರೋ ಕಥಿತೋ.