೧೦. ಚತುತ್ಥಅನಾಗತಭಯಸುತ್ತವಣ್ಣನಾ

೮೦. ದಸಮೇ ಕಲ್ಯಾಣಕಾಮಾತಿ ಸುನ್ದರಕಾಮಾ. ರಸಗ್ಗಾನೀತಿ ಉತ್ತಮರಸಾನಿ. ಸಂಸಟ್ಠಾ ವಿಹರಿಸ್ಸನ್ತೀತಿ ಪಞ್ಚವಿಧೇನ ಸಂಸಗ್ಗೇನ ಸಂಸಟ್ಠಾ ವಿಹರಿಸ್ಸನ್ತಿ. ಸನ್ನಿಧಿಕಾರಪರಿಭೋಗನ್ತಿ ಸನ್ನಿಧಿಕತಸ್ಸ ಪರಿಭೋಗಂ. ಓಳಾರಿಕಮ್ಪಿ ನಿಮಿತ್ತನ್ತಿ ಏತ್ಥ ಪಥವಿಂ ಖಣನ್ತೋಪಿ ಖಣಾಹೀತಿ ಆಣಾಪೇನ್ತೋಪಿ ಪಥವಿಯಂ ಓಳಾರಿಕಂ ನಿಮಿತ್ತಂ ಕರೋತಿ ನಾಮ. ತಿಣಕಟ್ಠಸಾಖಾಪಲಾಸಂ ಛಿನ್ದನ್ತೋಪಿ ಛಿನ್ದಾತಿ ಆಣಾಪೇನ್ತೋಪಿ ಹರಿತಗ್ಗೇ ಓಳಾರಿಕಂ ನಿಮಿತ್ತಂ ಕರೋತಿ ನಾಮ. ಆಜೀವತ್ಥಾಯ ಪಣ್ಣನಿವಾಪಆದೀನಿ ಗಾಹಾಪೇನ್ತೋ ಫಲಾನಿ ಓಚಿನನ್ತೇ ವಾ ಓಚಿನಾಪೇನ್ತೇನ ವತ್ತಬ್ಬಮೇವ ನತ್ಥಿ. ಇಮೇಸು ಚತೂಸು ಸುತ್ತೇಸು ಸತ್ಥಾರಾ ಸಾಸನೇ ವುದ್ಧಿಪರಿಹಾನಿ ಕಥಿತಾತಿ.

ಯೋಧಾಜೀವವಗ್ಗೋ ತತಿಯೋ.