೧. ಆದಿಯಸುತ್ತವಣ್ಣನಾ

೪೧. ಪಞ್ಚಮಸ್ಸ ಪಠಮೇ ಭೋಗಾನಂ ಆದಿಯಾತಿ ಭೋಗಾನಂ ಆದಾತಬ್ಬಕಾರಣಾನಿ. ಉಟ್ಠಾನವೀರಿಯಾಧಿಗತೇಹೀತಿ ಉಟ್ಠಾನಸಙ್ಖಾತೇನ ವೀರಿಯೇನ ಅಧಿಗತೇಹಿ. ಬಾಹಾಬಲಪರಿಚಿತೇಹೀತಿ ಬಾಹುಬಲೇನ ಸಞ್ಚಿತೇಹಿ. ಸೇದಾವಕ್ಖಿತ್ತೇಹೀತಿ ಸೇದಂ ಅವಕ್ಖಿಪೇತ್ವಾ ಉಪ್ಪಾದಿತೇಹಿ. ಧಮ್ಮಿಕೇಹೀತಿ ಧಮ್ಮಯುತ್ತೇಹಿ. ಧಮ್ಮಲದ್ಧೇಹೀತಿ ದಸಕುಸಲಕಮ್ಮಂ ಅಕೋಪೇತ್ವಾ ಲದ್ಧೇಹಿ. ಪೀಣೇತೀತಿ ಪೀಣಿತಂ ಥೂಲಂ ಕರೋತಿ. ಸೇಸಮೇತ್ಥ ಚತುಕ್ಕನಿಪಾತೇ ವುತ್ತನಯೇನೇವ ವೇದಿತಬ್ಬಂ. ದುತಿಯಂ ಉತ್ತಾನತ್ಥಮೇವ.