೩. ಕಾಯಸುತ್ತವಣ್ಣನಾ

೨೩. ತತಿಯೇ ಆಪನ್ನೋ ಹೋತಿ ಕಞ್ಚಿದೇವ ದೇಸನ್ತಿ ಕಞ್ಚಿ ಆಪತ್ತಿಕೋಟ್ಠಾಸಂ ಆಪನ್ನೋ ಹೋತಿ. ಅನುವಿಚ್ಚಾತಿ ಅನುಪವಿಸಿತ್ವಾ ಪರಿಯೋಗಾಹೇತ್ವಾ. ಕಾಯದುಚ್ಚರಿತನ್ತಿ ತಿವಿಧಂ ಕಾಯದುಚ್ಚರಿತಂ. ವಚೀದುಚ್ಚರಿತನ್ತಿ ಚತುಬ್ಬಿಧಂ ವಚೀದುಚ್ಚರಿತಂ. ಪಾಪಿಕಾ ಇಸ್ಸಾತಿ ಲಾಮಿಕಾ ಉಸೂಯಾ. ಪಞ್ಞಾಯ ದಿಸ್ವಾತಿ ಸಹವಿಪಸ್ಸನಾಯ ಮಗ್ಗಪಞ್ಞಾಯ ಪಸ್ಸಿತ್ವಾ ಪಸ್ಸಿತ್ವಾ ಪಹಾತಬ್ಬಾ. ಇಜ್ಝತೀತಿ ಸಮಿಜ್ಝತಿ. ಉಪವಾಸಸ್ಸಾತಿ ನಿಸ್ಸಾಯ ಉಪಸಙ್ಕಮಿತ್ವಾ ವಸನ್ತಸ್ಸ. ಅಭಿಭುಯ್ಯಾತಿ ಅಜ್ಝೋತ್ಥರಿತ್ವಾ ಮದ್ದಿತ್ವಾ. ಇರೀಯತೀತಿ ವತ್ತತಿ. ಇಮಸ್ಮಿಂ ಸುತ್ತೇ ಸಹವಿಪಸ್ಸನಾಯ ಮಗ್ಗೋ ಕಥಿತೋ.