೪. ಪಚ್ಚುಪ್ಪನ್ನಾತೀತವಾರೋ

(ಕ) ಅನುಲೋಮಂ

೪೫೯. (ಕ) ಯೋ ಚಕ್ಖುನ್ದ್ರಿಯಂ ಪರಿಜಾನಾತಿ ಸೋ ದೋಮನಸ್ಸಿನ್ದ್ರಿಯಂ ಪಜಹಿತ್ಥಾತಿ? ಆಮನ್ತಾ.

(ಖ) ಯೋ ವಾ ಪನ ದೋಮನಸ್ಸಿನ್ದ್ರಿಯಂ ಪಜಹಿತ್ಥ ಸೋ ಚಕ್ಖುನ್ದ್ರಿಯಂ ಪರಿಜಾನಾತೀತಿ?

ದ್ವೇ ಪುಗ್ಗಲಾ ದೋಮನಸ್ಸಿನ್ದ್ರಿಯಂ ಪಜಹಿತ್ಥ, ನೋ ಚ ಚಕ್ಖುನ್ದ್ರಿಯಂ ಪರಿಜಾನನ್ತಿ. ಅಗ್ಗಮಗ್ಗಸಮಙ್ಗೀ ದೋಮನಸ್ಸಿನ್ದ್ರಿಯಞ್ಚ ಪಜಹಿತ್ಥ ಚಕ್ಖುನ್ದ್ರಿಯಞ್ಚ ಪರಿಜಾನನ್ತಿ.

(ಕ) ಯೋ ಚಕ್ಖುನ್ದ್ರಿಯಂ ಪರಿಜಾನಾತಿ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವಿತ್ಥಾತಿ? ಆಮನ್ತಾ.

(ಖ) ಯೋ ವಾ ಪನ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವಿತ್ಥ ಸೋ ಚಕ್ಖುನ್ದ್ರಿಯಂ ಪರಿಜಾನಾತೀತಿ?

ಛ ಪುಗ್ಗಲಾ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವಿತ್ಥ, ನೋ ಚ ಚಕ್ಖುನ್ದ್ರಿಯಂ ಪರಿಜಾನನ್ತಿ. ಅಗ್ಗಮಗ್ಗಸಮಙ್ಗೀ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ಭಾವಿತ್ಥ ಚಕ್ಖುನ್ದ್ರಿಯಞ್ಚ ಪರಿಜಾನಾತಿ.

(ಕ) ಯೋ ಚಕ್ಖುನ್ದ್ರಿಯಂ ಪರಿಜಾನಾತಿ ಸೋ ಅಞ್ಞಿನ್ದ್ರಿಯಂ ಭಾವಿತ್ಥಾತಿ? ನೋ.

(ಖ) ಯೋ ವಾ ಪನ ಅಞ್ಞಿನ್ದ್ರಿಯಂ ಭಾವಿತ್ಥ ಸೋ ಚಕ್ಖುನ್ದ್ರಿಯಂ ಪರಿಜಾನಾತೀತಿ? ನೋ.

(ಕ) ಯೋ ಚಕ್ಖುನ್ದ್ರಿಯಂ ಪರಿಜಾನಾತಿ ಸೋ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿತ್ಥಾತಿ? ನೋ.

(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿತ್ಥ ಸೋ ಚಕ್ಖುನ್ದ್ರಿಯಂ ಪರಿಜಾನಾತೀತಿ? ನೋ. (ಚಕ್ಖುನ್ದ್ರಿಯಮೂಲಕಂ)

೪೬೦. (ಕ) ಯೋ ದೋಮನಸ್ಸಿನ್ದ್ರಿಯಂ ಪಜಹತಿ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವಿತ್ಥಾತಿ? ಆಮನ್ತಾ.

(ಖ) ಯೋ ವಾ ಪನ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವಿತ್ಥ ಸೋ ದೋಮನಸ್ಸಿನ್ದ್ರಿಯಂ ಪಜಹತೀತಿ?

ಛ ಪುಗ್ಗಲಾ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವಿತ್ಥ, ನೋ ಚ ದೋಮನಸ್ಸಿನ್ದ್ರಿಯಂ ಪಜಹನ್ತಿ. ಅನಾಗಾಮಿಮಗ್ಗಸಮಙ್ಗೀ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ಭಾವಿತ್ಥ ದೋಮನಸ್ಸಿನ್ದ್ರಿಯಞ್ಚ ಪಜಹತಿ.

(ಕ) ಯೋ ದೋಮನಸ್ಸಿನ್ದ್ರಿಯಂ ಪಜಹತಿ ಸೋ ಅಞ್ಞಿನ್ದ್ರಿಯಂ ಭಾವಿತ್ಥಾತಿ? ನೋ.

(ಖ) ಯೋ ವಾ ಪನ ಅಞ್ಞಿನ್ದ್ರಿಯಂ ಭಾವಿತ್ಥ ಸೋ ದೋಮನಸ್ಸಿನ್ದ್ರಿಯಂ ಪಜಹತೀತಿ? ನೋ.

(ಕ) ಯೋ ದೋಮನಸ್ಸಿನ್ದ್ರಿಯಂ ಪಜಹತಿ ಸೋ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿತ್ಥಾತಿ? ನೋ.

(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿತ್ಥ ಸೋ ದೋಮನಸ್ಸಿನ್ದ್ರಿಯಂ ಪಜಹತೀತಿ? ನೋ. (ದೋಮನಸ್ಸಿನ್ದ್ರಿಯಮೂಲಕಂ)

೪೬೧. (ಕ) ಯೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವೇತಿ ಸೋ ಅಞ್ಞಿನ್ದ್ರಿಯಂ ಭಾವಿತ್ಥಾತಿ? ನೋ.

(ಖ) ಯೋ ವಾ ಪನ ಅಞ್ಞಿನ್ದ್ರಿಯಂ ಭಾವಿತ್ಥ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವೇತೀತಿ? ನೋ.

(ಕ) ಯೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವೇತಿ ಸೋ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿತ್ಥಾತಿ? ನೋ.

(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿತ್ಥ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವೇತೀತಿ? ನೋ. (ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಮೂಲಕಂ)

೪೬೨. (ಕ) ಯೋ ಅಞ್ಞಿನ್ದ್ರಿಯಂ ಭಾವೇತಿ ಸೋ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿತ್ಥಾತಿ? ನೋ.

(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿತ್ಥ ಸೋ ಅಞ್ಞಿನ್ದ್ರಿಯಂ ಭಾವೇತೀತಿ? ನೋ. (ಅಞ್ಞಿನ್ದ್ರಿಯಮೂಲಕಂ)

(ಖ) ಪಚ್ಚನೀಕಂ

೪೬೩. (ಕ) ಯೋ ಚಕ್ಖುನ್ದ್ರಿಯಂ ನ ಪರಿಜಾನಾತಿ ಸೋ ದೋಮನಸ್ಸಿನ್ದ್ರಿಯಂ ನಪ್ಪಜಹಿತ್ಥಾತಿ?

ದ್ವೇ ಪುಗ್ಗಲಾ ಚಕ್ಖುನ್ದ್ರಿಯಂ ನ ಪರಿಜಾನನ್ತಿ, ನೋ ಚ ದೋಮನಸ್ಸಿನ್ದ್ರಿಯಂ ನಪ್ಪಜಹಿತ್ಥ. ಛ ಪುಗ್ಗಲಾ ಚಕ್ಖುನ್ದ್ರಿಯಞ್ಚ ನ ಪರಿಜಾನನ್ತಿ ದೋಮನಸ್ಸಿನ್ದ್ರಿಯಞ್ಚ ನಪ್ಪಜಹಿತ್ಥ.

(ಖ) ಯೋ ವಾ ಪನ ದೋಮನಸ್ಸಿನ್ದ್ರಿಯಂ ನಪ್ಪಜಹಿತ್ಥ ಸೋ ಚಕ್ಖುನ್ದ್ರಿಯಂ ನ ಪರಿಜಾನಾತೀತಿ? ಆಮನ್ತಾ.

(ಕ) ಯೋ ಚಕ್ಖುನ್ದ್ರಿಯಂ ನ ಪರಿಜಾನಾತಿ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವಿತ್ಥಾತಿ?

ಛ ಪುಗ್ಗಲಾ ಚಕ್ಖುನ್ದ್ರಿಯಂ ನ ಪರಿಜಾನನ್ತಿ, ನೋ ಚ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವಿತ್ಥ. ದ್ವೇ ಪುಗ್ಗಲಾ ಚಕ್ಖುನ್ದ್ರಿಯಞ್ಚ ನ ಪರಿಜಾನನ್ತಿ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ನ ಭಾವಿತ್ಥ.

(ಖ) ಯೋ ವಾ ಪನ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವಿತ್ಥ ಸೋ ಚಕ್ಖುನ್ದ್ರಿಯಂ ನ ಪರಿಜಾನಾತೀತಿ? ಆಮನ್ತಾ.

(ಕ) ಯೋ ಚಕ್ಖುನ್ದ್ರಿಯಂ ನ ಪರಿಜಾನಾತಿ ಸೋ ಅಞ್ಞಿನ್ದ್ರಿಯಂ ನ ಭಾವಿತ್ಥಾತಿ?

ಅರಹಾ ಚಕ್ಖುನ್ದ್ರಿಯಂ ನ ಪರಿಜಾನಾತಿ, ನೋ ಚ ಅಞ್ಞಿನ್ದ್ರಿಯಂ ನ ಭಾವಿತ್ಥ. ಸತ್ತ ಪುಗ್ಗಲಾ ಚಕ್ಖುನ್ದ್ರಿಯಞ್ಚ ನ ಪರಿಜಾನನ್ತಿ ಅಞ್ಞಿನ್ದ್ರಿಯಞ್ಚ ನ ಭಾವಿತ್ಥ.

(ಖ) ಯೋ ವಾ ಪನ ಅಞ್ಞಿನ್ದ್ರಿಯಂ ನ ಭಾವಿತ್ಥ ಸೋ ಚಕ್ಖುನ್ದ್ರಿಯಂ ನ ಪರಿಜಾನಾತೀತಿ?

ಅಗ್ಗಮಗ್ಗಸಮಙ್ಗೀ ಅಞ್ಞಿನ್ದ್ರಿಯಂ ನ ಭಾವಿತ್ಥ, ನೋ ಚ ಚಕ್ಖುನ್ದ್ರಿಯಂ ನ ಪರಿಜಾನಾತಿ. ಸತ್ತ ಪುಗ್ಗಲಾ ಅಞ್ಞಿನ್ದ್ರಿಯಞ್ಚ ನ ಭಾವಿತ್ಥ ಚಕ್ಖುನ್ದ್ರಿಯಞ್ಚ ನ ಪರಿಜಾನನ್ತಿ.

(ಕ) ಯೋ ಚಕ್ಖುನ್ದ್ರಿಯಂ ನ ಪರಿಜಾನಾತಿ ಸೋ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿತ್ಥಾತಿ?

ಅರಹಾ ಚಕ್ಖುನ್ದ್ರಿಯಂ ನ ಪರಿಜಾನಾತಿ, ನೋ ಚ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿತ್ಥ. ಅಟ್ಠ ಪುಗ್ಗಲಾ ಚಕ್ಖುನ್ದ್ರಿಯಞ್ಚ ನ ಪರಿಜಾನನ್ತಿ ಅಞ್ಞಾತಾವಿನ್ದ್ರಿಯಞ್ಚ ನ ಸಚ್ಛಿಕರಿತ್ಥ.

(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿತ್ಥ ಸೋ ಚಕ್ಖುನ್ದ್ರಿಯಂ ನ ಪರಿಜಾನಾತೀತಿ?

ಅಗ್ಗಮಗ್ಗಸಮಙ್ಗೀ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿತ್ಥ, ನೋ ಚ ಚಕ್ಖುನ್ದ್ರಿಯಂ ನ ಪರಿಜಾನಾತಿ. ಅಟ್ಠ ಪುಗ್ಗಲಾ ಅಞ್ಞಾತಾವಿನ್ದ್ರಿಯಞ್ಚ ನ ಸಚ್ಛಿಕರಿತ್ಥ ಚಕ್ಖುನ್ದ್ರಿಯಞ್ಚ ನ ಪರಿಜಾನನ್ತಿ. (ಚಕ್ಖುನ್ದ್ರಿಯಮೂಲಕಂ)

೪೬೪. (ಕ) ಯೋ ದೋಮನಸ್ಸಿನ್ದ್ರಿಯಂ ನಪ್ಪಜಹತಿ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವಿತ್ಥಾತಿ?

ಛ ಪುಗ್ಗಲಾ ದೋಮನಸ್ಸಿನ್ದ್ರಿಯಂ ನಪ್ಪಜಹನ್ತಿ, ನೋ ಚ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವಿತ್ಥ. ದ್ವೇ ಪುಗ್ಗಲಾ ದೋಮನಸ್ಸಿನ್ದ್ರಿಯಞ್ಚ ನಪ್ಪಜಹನ್ತಿ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ನ ಭಾವಿತ್ಥ.

(ಖ) ಯೋ ವಾ ಪನ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವಿತ್ಥ ಸೋ ದೋಮನಸ್ಸಿನ್ದ್ರಿಯಂ ನಪ್ಪಜಹತೀತಿ? ಆಮನ್ತಾ.

(ಕ) ಯೋ ದೋಮನಸ್ಸಿನ್ದ್ರಿಯಂ ನಪ್ಪಜಹತಿ ಸೋ ಅಞ್ಞಿನ್ದ್ರಿಯಂ ನ ಭಾವಿತ್ಥಾತಿ?

ಅರಹಾ ದೋಮನಸ್ಸಿನ್ದ್ರಿಯಂ ನಪ್ಪಜಹತಿ, ನೋ ಚ ಅಞ್ಞಿನ್ದ್ರಿಯಂ ನ ಭಾವಿತ್ಥ. ಸತ್ತ ಪುಗ್ಗಲಾ ದೋಮನಸ್ಸಿನ್ದ್ರಿಯಞ್ಚ ನಪ್ಪಜಹನ್ತಿ ಅಞ್ಞಿನ್ದ್ರಿಯಞ್ಚ ನ ಭಾವಿತ್ಥ.

(ಖ) ಯೋ ವಾ ಪನ ಅಞ್ಞಿನ್ದ್ರಿಯಂ ನ ಭಾವಿತ್ಥ ಸೋ ದೋಮನಸ್ಸಿನ್ದ್ರಿಯಂ ನಪ್ಪಜಹತೀತಿ?

ಅನಾಗಾಮಿಮಗ್ಗಸಮಙ್ಗೀ ಅಞ್ಞಿನ್ದ್ರಿಯಂ ನ ಭಾವಿತ್ಥ, ನೋ ಚ ದೋಮನಸ್ಸಿನ್ದ್ರಿಯಂ ನಪ್ಪಜಹತಿ. ಸತ್ತ ಪುಗ್ಗಲಾ ಅಞ್ಞಿನ್ದ್ರಿಯಞ್ಚ ನ ಭಾವಿತ್ಥ ದೋಮನಸ್ಸಿನ್ದ್ರಿಯಞ್ಚ ನಪ್ಪಜಹನ್ತಿ.

(ಕ) ಯೋ ದೋಮನಸ್ಸಿನ್ದ್ರಿಯಂ ನಪ್ಪಜಹತಿ ಸೋ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿತ್ಥಾತಿ?

ಅರಹಾ ದೋಮನಸ್ಸಿನ್ದ್ರಿಯಂ ನಪ್ಪಜಹತಿ, ನೋ ಚ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿತ್ಥ. ಅಟ್ಠ ಪುಗ್ಗಲಾ ದೋಮನಸ್ಸಿನ್ದ್ರಿಯಞ್ಚ ನಪ್ಪಜಹನ್ತಿ ಅಞ್ಞಾತಾವಿನ್ದ್ರಿಯಞ್ಚ ನ ಸಚ್ಛಿಕರಿತ್ಥ.

(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿತ್ಥ ಸೋ ದೋಮನಸ್ಸಿನ್ದ್ರಿಯಂ ನಪ್ಪಜಹತೀತಿ?

ಅನಾಗಾಮಿಮಗ್ಗಸಮಙ್ಗೀ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿತ್ಥ, ನೋ ಚ ದೋಮನಸ್ಸಿನ್ದ್ರಿಯಂ ನಪ್ಪಜಹತಿ. ಅಟ್ಠ ಪುಗ್ಗಲಾ ಅಞ್ಞಾತಾವಿನ್ದ್ರಿಯಞ್ಚ ನ ಸಚ್ಛಿಕರಿತ್ಥ ದೋಮನಸ್ಸಿನ್ದ್ರಿಯಞ್ಚ ನಪ್ಪಜಹನ್ತಿ. (ದೋಮನಸ್ಸಿನ್ದ್ರಿಯಮೂಲಕಂ)

೪೬೫. (ಕ) ಯೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇತಿ ಸೋ ಅಞ್ಞಿನ್ದ್ರಿಯಂ ನ ಭಾವಿತ್ಥಾತಿ?

ಅರಹಾ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇತಿ, ನೋ ಚ ಅಞ್ಞಿನ್ದ್ರಿಯಂ ನ ಭಾವಿತ್ಥ. ಸತ್ತ ಪುಗ್ಗಲಾ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ನ ಭಾವೇನ್ತಿ ಅಞ್ಞಿನ್ದ್ರಿಯಞ್ಚ ನ ಭಾವಿತ್ಥ.

(ಖ) ಯೋ ವಾ ಪನ ಅಞ್ಞಿನ್ದ್ರಿಯಂ ನ ಭಾವಿತ್ಥ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇತೀತಿ?

ಅಟ್ಠಮಕೋ ಅಞ್ಞಿನ್ದ್ರಿಯಂ ನ ಭಾವಿತ್ಥ, ನೋ ಚ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇತಿ. ಸತ್ತ ಪುಗ್ಗಲಾ ಅಞ್ಞಿನ್ದ್ರಿಯಞ್ಚ ನ ಭಾವಿತ್ಥ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ನ ಭಾವೇನ್ತಿ.

(ಕ) ಯೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇತಿ ಸೋ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿತ್ಥಾತಿ?

ಅರಹಾ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇತಿ, ನೋ ಚ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿತ್ಥ. ಅಟ್ಠ [ಸತ್ತ (ಸೀ. ಸ್ಯಾ. ಕ.)] ಪುಗ್ಗಲಾ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ನ ಭಾವೇನ್ತಿ ಅಞ್ಞಾತಾವಿನ್ದ್ರಿಯಞ್ಚ ನ ಸಚ್ಛಿಕರಿತ್ಥ.

(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿತ್ಥ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇತೀತಿ?

ಅಟ್ಠಮಕೋ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿತ್ಥ, ನೋ ಚ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇತಿ. ಅಟ್ಠ ಪುಗ್ಗಲಾ ಅಞ್ಞಾತಾವಿನ್ದ್ರಿಯಞ್ಚ ನ ಸಚ್ಛಿಕರಿತ್ಥ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ನ ಭಾವೇನ್ತಿ. (ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಮೂಲಕಂ)

೪೬೬. (ಕ) ಯೋ ಅಞ್ಞಿನ್ದ್ರಿಯಂ ನ ಭಾವೇತಿ ಸೋ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿತ್ಥಾತಿ?

ಅರಹಾ ಅಞ್ಞಿನ್ದ್ರಿಯಂ ನ ಭಾವೇತಿ, ನೋ ಚ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿತ್ಥ. ಛ [ಪಞ್ಚ (ಸೀ. ಸ್ಯಾ. ಕ.)] ಪುಗ್ಗಲಾ ಅಞ್ಞಿನ್ದ್ರಿಯಞ್ಚ ನ ಭಾವೇನ್ತಿ ಅಞ್ಞಾತಾವಿನ್ದ್ರಿಯಞ್ಚ ನ ಸಚ್ಛಿಕರಿತ್ಥ.

(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿತ್ಥ ಸೋ ಅಞ್ಞಿನ್ದ್ರಿಯಂ ನ ಭಾವೇತೀತಿ?

ತಯೋ ಮಗ್ಗಸಮಙ್ಗಿನೋ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿತ್ಥ, ನೋ ಚ ಅಞ್ಞಿನ್ದ್ರಿಯಂ ನ ಭಾವೇನ್ತಿ. ಛ [ಪಞ್ಚ (ಸೀ. ಸ್ಯಾ. ಕ.)] ಪುಗ್ಗಲಾ ಅಞ್ಞಾತಾವಿನ್ದ್ರಿಯಞ್ಚ ನ ಸಚ್ಛಿಕರಿತ್ಥ ಅಞ್ಞಿನ್ದ್ರಿಯಞ್ಚ ನ ಭಾವೇನ್ತಿ. (ಅಞ್ಞಿನ್ದ್ರಿಯಮೂಲಕಂ)