೩. ಅನಾಗತವಾರೋ

(ಕ) ಅನುಲೋಮಂ

೪೫೧. (ಕ) ಯೋ ಚಕ್ಖುನ್ದ್ರಿಯಂ ಪರಿಜಾನಿಸ್ಸತಿ ಸೋ ದೋಮನಸ್ಸಿನ್ದ್ರಿಯಂ ಪಜಹಿಸ್ಸತೀತಿ?

ದ್ವೇ ಪುಗ್ಗಲಾ ಚಕ್ಖುನ್ದ್ರಿಯಂ ಪರಿಜಾನಿಸ್ಸನ್ತಿ, ನೋ ಚ ದೋಮನಸ್ಸಿನ್ದ್ರಿಯಂ ಪಜಹಿಸ್ಸನ್ತಿ. ಪಞ್ಚ ಪುಗ್ಗಲಾ ಚಕ್ಖುನ್ದ್ರಿಯಞ್ಚ ಪರಿಜಾನಿಸ್ಸನ್ತಿ ದೋಮನಸ್ಸಿನ್ದ್ರಿಯಞ್ಚ ಪಜಹಿಸ್ಸನ್ತಿ.

(ಖ) ಯೋ ವಾ ಪನ ದೋಮನಸ್ಸಿನ್ದ್ರಿಯಂ ಪಜಹಿಸ್ಸತಿ ಸೋ ಚಕ್ಖುನ್ದ್ರಿಯಂ ಪರಿಜಾನಿಸ್ಸತೀತಿ? ಆಮನ್ತಾ.

(ಕ) ಯೋ ಚಕ್ಖುನ್ದ್ರಿಯಂ ಪರಿಜಾನಿಸ್ಸತಿ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವೇಸ್ಸತೀತಿ?

ಛ ಪುಗ್ಗಲಾ ಚಕ್ಖುನ್ದ್ರಿಯಂ ಪರಿಜಾನಿಸ್ಸನ್ತಿ, ನೋ ಚ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವೇಸ್ಸನ್ತಿ. ಯೇ ಪುಥುಜ್ಜನಾ ಮಗ್ಗಂ ಪಟಿಲಭಿಸ್ಸನ್ತಿ ತೇ ಚಕ್ಖುನ್ದ್ರಿಯಞ್ಚ ಪರಿಜಾನಿಸ್ಸನ್ತಿ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ಭಾವೇಸ್ಸನ್ತಿ.

(ಖ) ಯೋ ವಾ ಪನ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವೇಸ್ಸತಿ ಸೋ ಚಕ್ಖುನ್ದ್ರಿಯಂ ಪರಿಜಾನಿಸ್ಸತೀತಿ? ಆಮನ್ತಾ.

(ಕ) ಯೋ ಚಕ್ಖುನ್ದ್ರಿಯಂ ಪರಿಜಾನಿಸ್ಸತಿ ಸೋ ಅಞ್ಞಿನ್ದ್ರಿಯಂ ಭಾವೇಸ್ಸತೀತಿ? ಆಮನ್ತಾ.

(ಖ) ಯೋ ವಾ ಪನ ಅಞ್ಞಿನ್ದ್ರಿಯಂ ಭಾವೇಸ್ಸತಿ ಸೋ ಚಕ್ಖುನ್ದ್ರಿಯಂ ಪರಿಜಾನಿಸ್ಸತೀತಿ? ಆಮನ್ತಾ.

(ಕ) ಯೋ ಚಕ್ಖುನ್ದ್ರಿಯಂ ಪರಿಜಾನಿಸ್ಸತಿ ಸೋ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿಸ್ಸತೀತಿ? ಆಮನ್ತಾ.

(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿಸ್ಸತಿ ಸೋ ಚಕ್ಖುನ್ದ್ರಿಯಂ ಪರಿಜಾನಿಸ್ಸತೀತಿ?

ಅಗ್ಗಮಗ್ಗಸಮಙ್ಗೀ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿಸ್ಸತಿ, ನೋ ಚ ಚಕ್ಖುನ್ದ್ರಿಯಂ ಪರಿಜಾನಿಸ್ಸತಿ. ಸತ್ತ ಪುಗ್ಗಲಾ ಅಞ್ಞಾತಾವಿನ್ದ್ರಿಯಞ್ಚ ಸಚ್ಛಿಕರಿಸ್ಸನ್ತಿ ಚಕ್ಖುನ್ದ್ರಿಯಞ್ಚ ಪರಿಜಾನಿಸ್ಸನ್ತಿ. (ಚಕ್ಖುನ್ದ್ರಿಯಮೂಲಕಂ)

೪೫೨. (ಕ) ಯೋ ದೋಮನಸ್ಸಿನ್ದ್ರಿಯಂ ಪಜಹಿಸ್ಸತಿ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವೇಸ್ಸತೀತಿ?

ಚತ್ತಾರೋ ಪುಗ್ಗಲಾ ದೋಮನಸ್ಸಿನ್ದ್ರಿಯಂ ಪಜಹಿಸ್ಸನ್ತಿ, ನೋ ಚ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವೇಸ್ಸನ್ತಿ. ಯೇ ಪುಥುಜ್ಜನಾ ಮಗ್ಗಂ ಪಟಿಲಭಿಸ್ಸನ್ತಿ ತೇ ದೋಮನಸ್ಸಿನ್ದ್ರಿಯಞ್ಚ ಪಜಹಿಸ್ಸನ್ತಿ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ಭಾವೇಸ್ಸನ್ತಿ.

(ಖ) ಯೋ ವಾ ಪನ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವೇಸ್ಸತಿ ಸೋ ದೋಮನಸ್ಸಿನ್ದ್ರಿಯಂ ಪಜಹಿಸ್ಸತೀತಿ? ಆಮನ್ತಾ.

(ಕ) ಯೋ ದೋಮನಸ್ಸಿನ್ದ್ರಿಯಂ ಪಜಹಿಸ್ಸತಿ ಸೋ ಅಞ್ಞಿನ್ದ್ರಿಯಂ ಭಾವೇಸ್ಸತೀತಿ? ಆಮನ್ತಾ.

(ಖ) ಯೋ ವಾ ಪನ ಅಞ್ಞಿನ್ದ್ರಿಯಂ ಭಾವೇಸ್ಸತಿ ಸೋ ದೋಮನಸ್ಸಿನ್ದ್ರಿಯಂ ಪಜಹಿಸ್ಸತೀತಿ?

ದ್ವೇ ಪುಗ್ಗಲಾ ಅಞ್ಞಿನ್ದ್ರಿಯಂ ಭಾವೇಸ್ಸನ್ತಿ ನೋ ಚ ದೋಮನಸ್ಸಿನ್ದ್ರಿಯಂ ಪಜಹಿಸ್ಸನ್ತಿ, ಪಞ್ಚ ಪುಗ್ಗಲಾ ಅಞ್ಞಿನ್ದ್ರಿಯಞ್ಚ ಭವಿಸ್ಸನ್ತಿ ದೋಮನಸ್ಸಿನ್ದ್ರಿಯಞ್ಚ ಪಜಹಿಸ್ಸನ್ತಿ.

(ಕ) ಯೋ ದೋಮನಸ್ಸಿನ್ದ್ರಿಯಂ ಪಜಹಿಸ್ಸತಿ ಸೋ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿಸ್ಸತೀತಿ? ಆಮನ್ತಾ.

(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿಸ್ಸತಿ ಸೋ ದೋಮನಸ್ಸಿನ್ದ್ರಿಯಂ ಪಜಹಿಸ್ಸತೀತಿ?

ತಯೋ ಪುಗ್ಗಲಾ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿಸ್ಸನ್ತಿ, ನೋ ಚ ದೋಮನಸ್ಸಿನ್ದ್ರಿಯಂ ಪಜಹಿಸ್ಸನ್ತಿ. ಪಞ್ಚ ಪುಗ್ಗಲಾ ಅಞ್ಞಾತಾವಿನ್ದ್ರಿಯಞ್ಚ ಸಚ್ಛಿಕರಿಸ್ಸನ್ತಿ ದೋಮನಸ್ಸಿನ್ದ್ರಿಯಞ್ಚ ಪಜಹಿಸ್ಸನ್ತಿ. (ದೋಮನಸ್ಸಿನ್ದ್ರಿಯಮೂಲಕಂ)

೪೫೩. (ಕ) ಯೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವೇಸ್ಸತಿ ಸೋ ಅಞ್ಞಿನ್ದ್ರಿಯಂ ಭಾವೇಸ್ಸತೀತಿ? ಆಮನ್ತಾ.

(ಖ) ಯೋ ವಾ ಪನ ಅಞ್ಞಿನ್ದ್ರಿಯಂ ಭಾವೇಸ್ಸತಿ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವೇಸ್ಸತೀತಿ?

ಛ ಪುಗ್ಗಲಾ ಅಞ್ಞಿನ್ದ್ರಿಯಂ ಭಾವೇಸ್ಸನ್ತಿ, ನೋ ಚ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವೇಸ್ಸನ್ತಿ. ಯೇ ಪುಥುಜ್ಜನಾ ಮಗ್ಗಂ ಪಟಿಲಭಿಸ್ಸನ್ತಿ ತೇ ಅಞ್ಞಿನ್ದ್ರಿಯಞ್ಚ ಭಾವೇಸ್ಸನ್ತಿ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ಭಾವೇಸ್ಸನ್ತಿ.

(ಕ) ಯೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವೇಸ್ಸತಿ ಸೋ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿಸ್ಸತೀತಿ? ಆಮನ್ತಾ.

(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿಸ್ಸತಿ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವೇಸ್ಸತೀತಿ?

ಸತ್ತ ಪುಗ್ಗಲಾ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿಸ್ಸನ್ತಿ, ನೋ ಚ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವೇಸ್ಸನ್ತಿ. ಯೇ ಪುಥುಜ್ಜನಾ ಮಗ್ಗಂ ಪಟಿಲಭಿಸ್ಸನ್ತಿ ತೇ ಅಞ್ಞಾತಾವಿನ್ದ್ರಿಯಞ್ಚ ಸಚ್ಛಿಕರಿಸ್ಸನ್ತಿ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ಭಾವೇಸ್ಸನ್ತಿ. (ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಮೂಲಕಂ)

೪೫೪. (ಕ) ಯೋ ಅಞ್ಞಿನ್ದ್ರಿಯಂ ಭಾವೇಸ್ಸತಿ ಸೋ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿಸ್ಸತೀತಿ? ಆಮನ್ತಾ.

(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿಸ್ಸತಿ ಸೋ ಅಞ್ಞಿನ್ದ್ರಿಯಂ ಭಾವೇಸ್ಸತೀತಿ?

ಅಗ್ಗಮಗ್ಗಸಮಙ್ಗೀ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿಸ್ಸನ್ತಿ, ನೋ ಚ ಅಞ್ಞಿನ್ದ್ರಿಯಂ ಭಾವೇಸ್ಸನ್ತಿ. ಸತ್ತ ಪುಗ್ಗಲಾ ಅಞ್ಞಾತಾವಿನ್ದ್ರಿಯಞ್ಚ ಸಚ್ಛಿಕರಿಸ್ಸನ್ತಿ ಅಞ್ಞಿನ್ದ್ರಿಯಞ್ಚ ಭಾವೇಸ್ಸನ್ತಿ. (ಅಞ್ಞಿನ್ದ್ರಿಯಮೂಲಕಂ)

(ಖ) ಪಚ್ಚನೀಕಂ

೪೫೫. (ಕ) ಯೋ ಚಕ್ಖುನ್ದ್ರಿಯಂ ನ ಪರಿಜಾನಿಸ್ಸತಿ ಸೋ ದೋಮನಸ್ಸಿನ್ದ್ರಿಯಂ ನಪ್ಪಜಹಿಸ್ಸತೀತಿ? ಆಮನ್ತಾ.

(ಖ) ಯೋ ವಾ ಪನ ದೋಮನಸ್ಸಿನ್ದ್ರಿಯಂ ನಪ್ಪಜಹಿಸ್ಸತಿ ಸೋ ಚಕ್ಖುನ್ದ್ರಿಯಂ ನ ಪರಿಜಾನಿಸ್ಸತೀತಿ?

ದ್ವೇ ಪುಗ್ಗಲಾ ದೋಮನಸ್ಸಿನ್ದ್ರಿಯಂ ನಪ್ಪಜಹಿಸ್ಸನ್ತಿ, ನೋ ಚ ಚಕ್ಖುನ್ದ್ರಿಯಂ ನ ಪರಿಜಾನಿಸ್ಸನ್ತಿ. ತಯೋ ಪುಗ್ಗಲಾ ದೋಮನಸ್ಸಿನ್ದ್ರಿಯಞ್ಚ ನಪ್ಪಜಹಿಸ್ಸನ್ತಿ ಚಕ್ಖುನ್ದ್ರಿಯಞ್ಚ ನ ಪರಿಜಾನಿಸ್ಸನ್ತಿ.

(ಕ) ಯೋ ಚಕ್ಖುನ್ದ್ರಿಯಂ ನ ಪರಿಜಾನಿಸ್ಸತಿ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇಸ್ಸತೀತಿ. ಆಮನ್ತಾ.

(ಖ) ಯೋ ವಾ ಪನ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇಸ್ಸತಿ ಸೋ ಚಕ್ಖುನ್ದ್ರಿಯಂ ನ ಪರಿಜಾನಿಸ್ಸತೀತಿ.

ಛ ಪುಗ್ಗಲಾ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇಸ್ಸನ್ತಿ, ನೋ ಚ ಚಕ್ಖುನ್ದ್ರಿಯಂ ನ ಪರಿಜಾನಿಸ್ಸನ್ತಿ. ತಯೋ ಪುಗ್ಗಲಾ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ನ ಭಾವೇಸ್ಸನ್ತಿ ಚಕ್ಖುನ್ದ್ರಿಯಞ್ಚ ನ ಪರಿಜಾನಿಸ್ಸನ್ತಿ.

(ಕ) ಯೋ ಚಕ್ಖುನ್ದ್ರಿಯಂ ನ ಪರಿಜಾನಿಸ್ಸತಿ ಸೋ ಅಞ್ಞಿನ್ದ್ರಿಯಂ ನ ಭಾವೇಸ್ಸತೀತಿ? ಆಮನ್ತಾ.

(ಖ) ಯೋ ವಾ ಪನ ಅಞ್ಞಿನ್ದ್ರಿಯಂ ನ ಭಾವೇಸ್ಸತಿ ಸೋ ಚಕ್ಖುನ್ದ್ರಿಯಂ ನ ಪರಿಜಾನಿಸ್ಸತೀತಿ? ಆಮನ್ತಾ.

(ಕ) ಯೋ ಚಕ್ಖುನ್ದ್ರಿಯಂ ನ ಪರಿಜಾನಿಸ್ಸತಿ ಸೋ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿಸ್ಸತೀತಿ?

ಅಗ್ಗಮಗ್ಗಸಮಙ್ಗೀ ಚಕ್ಖುನ್ದ್ರಿಯಂ ನ ಪರಿಜಾನಿಸ್ಸತಿ, ನೋ ಚ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿಸ್ಸತಿ. ದ್ವೇ ಪುಗ್ಗಲಾ ಚಕ್ಖುನ್ದ್ರಿಯಞ್ಚ ನ ಪರಿಜಾನಿಸ್ಸನ್ತಿ ಅಞ್ಞಾತಾವಿನ್ದ್ರಿಯಞ್ಚ ನ ಸಚ್ಛಿಕರಿಸ್ಸನ್ತಿ.

(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿಸ್ಸತಿ ಸೋ ಚಕ್ಖುನ್ದ್ರಿಯಂ ನ ಪರಿಜಾನಿಸ್ಸತೀತಿ? ಆಮನ್ತಾ. (ಚಕ್ಖುನ್ದ್ರಿಯಮೂಲಕಂ)

೪೫೬. (ಕ) ಯೋ ದೋಮನಸ್ಸಿನ್ದ್ರಿಯಂ ನಪ್ಪಜಹಿಸ್ಸತಿ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇಸ್ಸತೀತಿ? ಆಮನ್ತಾ.

(ಖ) ಯೋ ವಾ ಪನ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇಸ್ಸತಿ ಸೋ ದೋಮನಸ್ಸಿನ್ದ್ರಿಯಂ ನಪ್ಪಜಹಿಸ್ಸತೀತಿ?

ಚತ್ತಾರೋ ಪುಗ್ಗಲಾ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇಸ್ಸನ್ತಿ, ನೋ ಚ ದೋಮನಸ್ಸಿನ್ದ್ರಿಯಂ ನಪ್ಪಜಹಿಸ್ಸನ್ತಿ. ಪಞ್ಚ ಪುಗ್ಗಲಾ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ನ ಭಾವೇಸ್ಸನ್ತಿ ದೋಮನಸ್ಸಿನ್ದ್ರಿಯಞ್ಚ ನಪ್ಪಜಹಿಸ್ಸನ್ತಿ.

(ಕ) ಯೋ ದೋಮನಸ್ಸಿನ್ದ್ರಿಯಂ ನಪ್ಪಜಹಿಸ್ಸತಿ ಸೋ ಅಞ್ಞಿನ್ದ್ರಿಯಂ ನ ಭಾವೇಸ್ಸತೀತಿ?

ದ್ವೇ ಪುಗ್ಗಲಾ ದೋಮನಸ್ಸಿನ್ದ್ರಿಯಂ ನಪ್ಪಜಹಿಸ್ಸನ್ತಿ, ನೋ ಚ ಅಞ್ಞಿನ್ದ್ರಿಯಂ ನ ಭಾವೇಸ್ಸನ್ತಿ. ತಯೋ ಪುಗ್ಗಲಾ ದೋಮನಸ್ಸಿನ್ದ್ರಿಯಞ್ಚ ನಪ್ಪಜಹಿಸ್ಸನ್ತಿ ಅಞ್ಞಿನ್ದ್ರಿಯಞ್ಚ ನ ಭಾವೇಸ್ಸನ್ತಿ.

(ಖ) ಯೋ ವಾ ಪನ ಅಞ್ಞಿನ್ದ್ರಿಯಂ ನ ಭಾವೇಸ್ಸತಿ ಸೋ ದೋಮನಸ್ಸಿನ್ದ್ರಿಯಂ ನಪ್ಪಜಹಿಸ್ಸತೀತಿ? ಆಮನ್ತಾ.

(ಕ) ಯೋ ದೋಮನಸ್ಸಿನ್ದ್ರಿಯಂ ನಪ್ಪಜಹಿಸ್ಸತಿ ಸೋ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿಸ್ಸತೀತಿ?

ತಯೋ ಪುಗ್ಗಲಾ ದೋಮನಸ್ಸಿನ್ದ್ರಿಯಂ ನಪ್ಪಜಹಿಸ್ಸನ್ತಿ, ನೋ ಚ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿಸ್ಸನ್ತಿ. ದ್ವೇ ಪುಗ್ಗಲಾ ದೋಮನಸ್ಸಿನ್ದ್ರಿಯಞ್ಚ ನಪ್ಪಜಹಿಸ್ಸನ್ತಿ ಅಞ್ಞಾತಾವಿನ್ದ್ರಿಯಞ್ಚ ನ ಸಚ್ಛಿಕರಿಸ್ಸನ್ತಿ.

(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿಸ್ಸತಿ ಸೋ ದೋಮನಸ್ಸಿನ್ದ್ರಿಯಂ ನಪ್ಪಜಹಿಸ್ಸತೀತಿ? ಆಮನ್ತಾ. (ದೋಮನಸ್ಸಿನ್ದ್ರಿಯಮೂಲಕಂ)

೪೫೭. (ಕ) ಯೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇಸ್ಸತಿ ಸೋ ಅಞ್ಞಿನ್ದ್ರಿಯಂ ನ ಭಾವೇಸ್ಸತೀತಿ?

ಛ ಪುಗ್ಗಲಾ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇಸ್ಸನ್ತಿ, ನೋ ಚ ಅಞ್ಞಿನ್ದ್ರಿಯಂ ನ ಭಾವೇಸ್ಸನ್ತಿ. ತಯೋ ಪುಗ್ಗಲಾ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ನ ಭಾವೇಸ್ಸನ್ತಿ ಅಞ್ಞಿನ್ದ್ರಿಯಞ್ಚ ನ ಭಾವೇಸ್ಸನ್ತಿ.

(ಖ) ಯೋ ವಾ ಪನ ಅಞ್ಞಿನ್ದ್ರಿಯಂ ನ ಭಾವೇಸ್ಸತಿ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇಸ್ಸತೀತಿ? ಆಮನ್ತಾ.

(ಕ) ಯೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇಸ್ಸತಿ ಸೋ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿಸ್ಸತೀತಿ?

ಸತ್ತ ಪುಗ್ಗಲಾ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇಸ್ಸನ್ತಿ, ನೋ ಚ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿಸ್ಸನ್ತಿ. ದ್ವೇ ಪುಗ್ಗಲಾ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ನ ಭಾವೇಸ್ಸನ್ತಿ ಅಞ್ಞಾತಾವಿನ್ದ್ರಿಯಞ್ಚ ನ ಸಚ್ಛಿಕರಿಸ್ಸನ್ತಿ.

(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿಸ್ಸತಿ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇಸ್ಸತೀತಿ? ಆಮನ್ತಾ. (ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಮೂಲಕಂ)

೪೫೮. (ಕ) ಯೋ ಅಞ್ಞಿನ್ದ್ರಿಯಂ ನ ಭಾವೇಸ್ಸತಿ ಸೋ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿಸ್ಸತೀತಿ?

ಅಗ್ಗಮಗ್ಗಸಮಙ್ಗೀ ಅಞ್ಞಿನ್ದ್ರಿಯಂ ನ ಭಾವೇಸ್ಸತಿ, ನೋ ಚ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿಸ್ಸತಿ. ದ್ವೇ ಪುಗ್ಗಲಾ ಅಞ್ಞಿನ್ದ್ರಿಯಞ್ಚ ನ ಭಾವೇಸ್ಸನ್ತಿ ಅಞ್ಞಾತಾವಿನ್ದ್ರಿಯಞ್ಚ ನ ಸಚ್ಛಿಕರಿಸ್ಸನ್ತಿ.

(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿಸ್ಸತಿ ಸೋ ಅಞ್ಞಿನ್ದ್ರಿಯಂ ನ ಭಾವೇಸ್ಸತೀತಿ? ಆಮನ್ತಾ. (ಅಞ್ಞಿನ್ದ್ರಿಯಮೂಲಕಂ)