೨. ಅತೀತವಾರೋ
(ಕ) ಅನುಲೋಮಂ
೪೪೩. (ಕ) ಯೋ ಚಕ್ಖುನ್ದ್ರಿಯಂ ಪರಿಜಾನಿತ್ಥ ಸೋ ದೋಮನಸ್ಸಿನ್ದ್ರಿಯಂ ಪಜಹಿತ್ಥಾತಿ? ಆಮನ್ತಾ.
(ಖ) ಯೋ ವಾ ಪನ ದೋಮನಸ್ಸಿನ್ದ್ರಿಯಂ ಪಜಹಿತ್ಥ ಸೋ ಚಕ್ಖುನ್ದ್ರಿಯಂ ಪರಿಜಾನಿತ್ಥಾತಿ?
ದ್ವೇ ಪುಗ್ಗಲಾ ದೋಮನಸ್ಸಿನ್ದ್ರಿಯಂ ಪಜಹಿತ್ಥ, ನೋ ಚ ಚಕ್ಖುನ್ದ್ರಿಯಂ ಪರಿಜಾನಿತ್ಥ. ಅರಹಾ ದೋಮನಸ್ಸಿನ್ದ್ರಿಯಞ್ಚ ಪಜಹಿತ್ಥ ಚಕ್ಖುನ್ದ್ರಿಯಞ್ಚ ಪರಿಜಾನಿತ್ಥ.
(ಕ) ಯೋ ಚಕ್ಖುನ್ದ್ರಿಯಂ ಪರಿಜಾನಿತ್ಥ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವಿತ್ಥಾತಿ? ಆಮನ್ತಾ.
(ಖ) ಯೋ ವಾ ಪನ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವಿತ್ಥ ಸೋ ಚಕ್ಖುನ್ದ್ರಿಯಂ ಪರಿಜಾನಿತ್ಥಾತಿ?
ಛ ಪುಗ್ಗಲಾ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವಿತ್ಥ, ನೋ ಚ ಚಕ್ಖುನ್ದ್ರಿಯಂ ಪರಿಜಾನಿತ್ಥ. ಅರಹಾ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ಭಾವಿತ್ಥ ಚಕ್ಖುನ್ದ್ರಿಯಞ್ಚ ಪರಿಜಾನಿತ್ಥ.
(ಕ) ಯೋ ಚಕ್ಖುನ್ದ್ರಿಯಂ ಪರಿಜಾನಿತ್ಥ ಸೋ ಅಞ್ಞಿನ್ದ್ರಿಯಂ ಭಾವಿತ್ಥಾತಿ? ಆಮನ್ತಾ.
(ಖ) ಯೋ ವಾ ಪನ ಅಞ್ಞಿನ್ದ್ರಿಯಂ ಭಾವಿತ್ಥ ಸೋ ಚಕ್ಖುನ್ದ್ರಿಯಂ ಪರಿಜಾನಿತ್ಥಾತಿ? ಆಮನ್ತಾ.
(ಕ) ಯೋ ಚಕ್ಖುನ್ದ್ರಿಯಂ ಪರಿಜಾನಿತ್ಥ ಸೋ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿತ್ಥಾತಿ?
ಯೋ ಅಗ್ಗಫಲಂ ಸಚ್ಛಿಕರೋತಿ ಸೋ ಚಕ್ಖುನ್ದ್ರಿಯಂ ಪರಿಜಾನಿತ್ಥ, ನೋ ಚ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿತ್ಥ. ಯೋ ಅಗ್ಗಫಲಂ ಸಚ್ಛಾಕಾಸಿ ಸೋ ಚಕ್ಖುನ್ದ್ರಿಯಞ್ಚ ಪರಿಜಾನಿತ್ಥ ಅಞ್ಞಾತಾವಿನ್ದ್ರಿಯಞ್ಚ ಸಚ್ಛಿಕರಿತ್ಥ.
(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿತ್ಥ ಸೋ ಚಕ್ಖುನ್ದ್ರಿಯಂ ಪರಿಜಾನಿತ್ಥಾತಿ? ಆಮನ್ತಾ. (ಚಕ್ಖುನ್ದ್ರಿಯಮೂಲಕಂ)
೪೪೪. (ಕ) ಯೋ ದೋಮನಸ್ಸಿನ್ದ್ರಿಯಂ ಪಜಹಿತ್ಥ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವಿತ್ಥಾತಿ? ಆಮನ್ತಾ.
(ಖ) ಯೋ ವಾ ಪನ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವಿತ್ಥ ಸೋ ದೋಮನಸ್ಸಿನ್ದ್ರಿಯಂ ಪಜಹಿತ್ಥಾತಿ?
ಚತ್ತಾರೋ ಪುಗ್ಗಲಾ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವಿತ್ಥ, ನೋ ಚ ದೋಮನಸ್ಸಿನ್ದ್ರಿಯಂ ಪಜಹಿತ್ಥ. ತಯೋ ಪುಗ್ಗಲಾ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ಭಾವಿತ್ಥ ದೋಮನಸ್ಸಿನ್ದ್ರಿಯಞ್ಚ ಪಜಹಿತ್ಥ.
(ಕ) ಯೋ ದೋಮನಸ್ಸಿನ್ದ್ರಿಯಂ ಪಜಹಿತ್ಥ ಸೋ ಅಞ್ಞಿನ್ದ್ರಿಯಂ ಭಾವಿತ್ಥಾತಿ?
ದ್ವೇ ಪುಗ್ಗಲಾ ದೋಮನಸ್ಸಿನ್ದ್ರಿಯಂ ಪಜಹಿತ್ಥ, ನೋ ಚ ಅಞ್ಞಿನ್ದ್ರಿಯಂ ಭಾವಿತ್ಥ. ಅರಹಾ ದೋಮನಸ್ಸಿನ್ದ್ರಿಯಞ್ಚ ಪಜಹಿತ್ಥ ಅಞ್ಞಿನ್ದ್ರಿಯಞ್ಚ ಭಾವಿತ್ಥ.
(ಖ) ಯೋ ವಾ ಪನ ಅಞ್ಞಿನ್ದ್ರಿಯಂ ಭಾವಿತ್ಥ ಸೋ ದೋಮನಸ್ಸಿನ್ದ್ರಿಯಂ ಪಜಹಿತ್ಥಾತಿ? ಆಮನ್ತಾ.
(ಕ) ಯೋ ದೋಮನಸ್ಸಿನ್ದ್ರಿಯಂ ಪಜಹಿತ್ಥ ಸೋ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿತ್ಥಾತಿ?
ತಯೋ ಪುಗ್ಗಲಾ ದೋಮನಸ್ಸಿನ್ದ್ರಿಯಂ ಪಜಹಿತ್ಥ, ನೋ ಚ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿತ್ಥ. ಅರಹಾ ದೋಮನಸ್ಸಿನ್ದ್ರಿಯಞ್ಚ ಪಜಹಿತ್ಥ ಅಞ್ಞಾತಾವಿನ್ದ್ರಿಯಞ್ಚ ಸಚ್ಛಿಕರಿತ್ಥ.
(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿತ್ಥ ಸೋ ದೋಮನಸ್ಸಿನ್ದ್ರಿಯಂ ಪಜಹಿತ್ಥಾತಿ? ಆಮನ್ತಾ. (ದೋಮನಸ್ಸಿನ್ದ್ರಿಯಮೂಲಕಂ)
೪೪೫. (ಕ) ಯೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವಿತ್ಥ ಸೋ ಅಞ್ಞಿನ್ದ್ರಿಯಂ ಭಾವಿತ್ಥಾತಿ?
ಛ ಪುಗ್ಗಲಾ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವಿತ್ಥ, ನೋ ಚ ಅಞ್ಞಿನ್ದ್ರಿಯಂ ಭಾವಿತ್ಥ. ಅರಹಾ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ಭಾವಿತ್ಥ ಅಞ್ಞಿನ್ದ್ರಿಯಞ್ಚ ಭಾವಿತ್ಥ.
(ಖ) ಯೋ ವಾ ಪನ ಅಞ್ಞಿನ್ದ್ರಿಯಂ ಭಾವಿತ್ಥ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವಿತ್ಥಾತಿ? ಆಮನ್ತಾ.
(ಕ) ಯೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವಿತ್ಥ ಸೋ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿತ್ಥಾತಿ?
ಸತ್ತ ಪುಗ್ಗಲಾ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವಿತ್ಥ, ನೋ ಚ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿತ್ಥ. ಅರಹಾ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ಭಾವಿತ್ಥ ಅಞ್ಞಾತಾವಿನ್ದ್ರಿಯಞ್ಚ ಸಚ್ಛಿಕರಿತ್ಥ.
(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿತ್ಥ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವಿತ್ಥಾತಿ? ಆಮನ್ತಾ. (ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಮೂಲಕಂ)
೪೪೬. (ಕ) ಯೋ ಅಞ್ಞಿನ್ದ್ರಿಯಂ ಭಾವಿತ್ಥ ಸೋ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿತ್ಥಾತಿ?
ಯೋ ಅಗ್ಗಫಲಂ ಸಚ್ಛಿಕರೋತಿ ಸೋ ಅಞ್ಞಿನ್ದ್ರಿಯಂ ಭಾವಿತ್ಥ, ನೋ ಚ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿತ್ಥ. ಯೋ ಅಗ್ಗಫಲಂ ಸಚ್ಛಾಕಾಸಿ ಸೋ ಅಞ್ಞಿನ್ದ್ರಿಯಞ್ಚ ಭಾವಿತ್ಥ ಅಞ್ಞಾತಾವಿನ್ದ್ರಿಯಞ್ಚ ಸಚ್ಛಿಕರಿತ್ಥ.
(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರಿತ್ಥ ಸೋ ಅಞ್ಞಿನ್ದ್ರಿಯಂ ಭಾವಿತ್ಥಾತಿ? ಆಮನ್ತಾ. (ಅಞ್ಞಿನ್ದ್ರಿಯಮೂಲಕಂ)
(ಖ) ಪಚ್ಚನೀಕಂ
೪೪೭. (ಕ) ಯೋ ಚಕ್ಖುನ್ದ್ರಿಯಂ ನ ಪರಿಜಾನಿತ್ಥ ಸೋ ದೋಮನಸ್ಸಿನ್ದ್ರಿಯಂ ನಪ್ಪಜಹಿತ್ಥಾತಿ?
ದ್ವೇ ಪುಗ್ಗಲಾ ಚಕ್ಖುನ್ದ್ರಿಯಂ ನ ಪರಿಜಾನಿತ್ಥ, ನೋ ಚ ದೋಮನಸ್ಸಿನ್ದ್ರಿಯಂ ನಪ್ಪಜಹಿತ್ಥ. ಛ ಪುಗ್ಗಲಾ ಚಕ್ಖುನ್ದ್ರಿಯಞ್ಚ ನ ಪರಿಜಾನಿತ್ಥ ದೋಮನಸ್ಸಿನ್ದ್ರಿಯಞ್ಚ ನಪ್ಪಜಹಿತ್ಥ.
(ಖ) ಯೋ ವಾ ಪನ ದೋಮನಸ್ಸಿನ್ದ್ರಿಯಂ ನಪ್ಪಜಹಿತ್ಥ ಸೋ ಚಕ್ಖುನ್ದ್ರಿಯಂ ನ ಪರಿಜಾನಿತ್ಥಾತಿ? ಆಮನ್ತಾ.
(ಕ) ಯೋ ಚಕ್ಖುನ್ದ್ರಿಯಂ ನ ಪರಿಜಾನಿತ್ಥ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವಿತ್ಥಾತಿ?
ಛ ಪುಗ್ಗಲಾ ಚಕ್ಖುನ್ದ್ರಿಯಂ ನ ಪರಿಜಾನಿತ್ಥ, ನೋ ಚ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವಿತ್ಥ. ದ್ವೇ ಪುಗ್ಗಲಾ ಚಕ್ಖುನ್ದ್ರಿಯಞ್ಚ ನ ಪರಿಜಾನಿತ್ಥ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ನ ಭಾವಿತ್ಥ.
(ಖ) ಯೋ ವಾ ಪನ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವಿತ್ಥ ಸೋ ಚಕ್ಖುನ್ದ್ರಿಯಂ ನ ಪರಿಜಾನಿತ್ಥಾತಿ? ಆಮನ್ತಾ.
(ಕ) ಯೋ ಚಕ್ಖುನ್ದ್ರಿಯಂ ನ ಪರಿಜಾನಿತ್ಥ ಸೋ ಅಞ್ಞಿನ್ದ್ರಿಯಂ ನ ಭಾವಿತ್ಥಾತಿ? ಆಮನ್ತಾ.
(ಖ) ಯೋ ವಾ ಪನ ಅಞ್ಞಿನ್ದ್ರಿಯಂ ನ ಭಾವಿತ್ಥ ಸೋ ಚಕ್ಖುನ್ದ್ರಿಯಂ ನ ಪರಿಜಾನಿತ್ಥಾತಿ? ಆಮನ್ತಾ.
(ಕ) ಯೋ ಚಕ್ಖುನ್ದ್ರಿಯಂ ನ ಪರಿಜಾನಿತ್ಥ ಸೋ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿತ್ಥಾತಿ? ಆಮನ್ತಾ.
(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿತ್ಥ ಸೋ ಚಕ್ಖುನ್ದ್ರಿಯಂ ನ ಪರಿಜಾನಿತ್ಥಾತಿ?
ಯೋ ಅಗ್ಗಫಲಂ ಸಚ್ಛಿಕರೋತಿ ಸೋ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿತ್ಥ, ನೋ ಚ ಚಕ್ಖುನ್ದ್ರಿಯಂ ನ ಪರಿಜಾನಿತ್ಥ. ಅಟ್ಠ ಪುಗ್ಗಲಾ ಅಞ್ಞಾತಾವಿನ್ದ್ರಿಯಞ್ಚ ನ ಸಚ್ಛಿಕರಿತ್ಥ ಚಕ್ಖುನ್ದ್ರಿಯಞ್ಚ ನ ಪರಿಜಾನಿತ್ಥ. (ಚಕ್ಖುನ್ದ್ರಿಯಮೂಲಕಂ)
೪೪೮. (ಕ) ಯೋ ದೋಮನಸ್ಸಿನ್ದ್ರಿಯಂ ನಪ್ಪಜಹಿತ್ಥ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವಿತ್ಥಾತಿ?
ಚತ್ತಾರೋ ಪುಗ್ಗಲಾ ದೋಮನಸ್ಸಿನ್ದ್ರಿಯಂ ನಪ್ಪಜಹಿತ್ಥ, ನೋ ಚ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವಿತ್ಥ. ದ್ವೇ ಪುಗ್ಗಲಾ ದೋಮನಸ್ಸಿನ್ದ್ರಿಯಞ್ಚ ನಪ್ಪಜಹಿತ್ಥ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ನ ಭಾವಿತ್ಥ.
(ಖ) ಯೋ ವಾ ಪನ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವಿತ್ಥ ಸೋ ದೋಮನಸ್ಸಿನ್ದ್ರಿಯಂ ನಪ್ಪಜಹಿತ್ಥಾತಿ? ಆಮನ್ತಾ.
(ಕ) ಯೋ ದೋಮನಸ್ಸಿನ್ದ್ರಿಯಂ ನಪ್ಪಜಹಿತ್ಥ ಸೋ ಅಞ್ಞಿನ್ದ್ರಿಯಂ ನ ಭಾವಿತ್ಥಾತಿ? ಆಮನ್ತಾ.
(ಖ) ಯೋ ವಾ ಪನ ಅಞ್ಞಿನ್ದ್ರಿಯಂ ನ ಭಾವಿತ್ಥ ಸೋ ದೋಮನಸ್ಸಿನ್ದ್ರಿಯಂ ನಪ್ಪಜಹಿತ್ಥಾತಿ?
ದ್ವೇ ಪುಗ್ಗಲಾ ಅಞ್ಞಿನ್ದ್ರಿಯಂ ನ ಭಾವಿತ್ಥ, ನೋ ಚ ದೋಮನಸ್ಸಿನ್ದ್ರಿಯಂ ನಪ್ಪಜಹಿತ್ಥ. ಛ ಪುಗ್ಗಲಾ ಅಞ್ಞಿನ್ದ್ರಿಯಞ್ಚ ನ ಭಾವಿತ್ಥ ದೋಮನಸ್ಸಿನ್ದ್ರಿಯಞ್ಚ ನಪ್ಪಜಹಿತ್ಥ.
(ಕ) ಯೋ ದೋಮನಸ್ಸಿನ್ದ್ರಿಯಂ ನಪ್ಪಜಹಿತ್ಥ ಸೋ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿತ್ಥಾತಿ? ಆಮನ್ತಾ.
(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿತ್ಥ ಸೋ ದೋಮನಸ್ಸಿನ್ದ್ರಿಯಂ ನಪ್ಪಜಹಿತ್ಥಾತಿ?
ತಯೋ ಪುಗ್ಗಲಾ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿತ್ಥ, ನೋ ಚ ದೋಮನಸ್ಸಿನ್ದ್ರಿಯಂ ನಪ್ಪಜಹಿತ್ಥ. ಛ ಪುಗ್ಗಲಾ ಅಞ್ಞಾತಾವಿನ್ದ್ರಿಯಞ್ಚ ನ ಸಚ್ಛಿಕರಿತ್ಥ ದೋಮನಸ್ಸಿನ್ದ್ರಿಯಞ್ಚ ನಪ್ಪಜಹಿತ್ಥ. (ದೋಮನಸ್ಸಿನ್ದ್ರಿಯಮೂಲಕಂ)
೪೪೯. (ಕ) ಯೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವಿತ್ಥ ಸೋ ಅಞ್ಞಿನ್ದ್ರಿಯಂ ನ ಭಾವಿತ್ಥಾತಿ? ಆಮನ್ತಾ.
(ಖ) ಯೋ ವಾ ಪನ ಅಞ್ಞಿನ್ದ್ರಿಯಂ ನ ಭಾವಿತ್ಥ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವಿತ್ಥಾತಿ?
ಛ ಪುಗ್ಗಲಾ ಅಞ್ಞಿನ್ದ್ರಿಯಂ ನ ಭಾವಿತ್ಥ, ನೋ ಚ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವಿತ್ಥ. ದ್ವೇ ಪುಗ್ಗಲಾ ಅಞ್ಞಿನ್ದ್ರಿಯಞ್ಚ ನ ಭಾವಿತ್ಥ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ನ ಭಾವಿತ್ಥ.
(ಕ) ಯೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವಿತ್ಥ ಸೋ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿತ್ಥಾತಿ? ಆಮನ್ತಾ.
(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿತ್ಥ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವಿತ್ಥಾತಿ?
ಸತ್ತ ಪುಗ್ಗಲಾ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿತ್ಥ, ನೋ ಚ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವಿತ್ಥ. ದ್ವೇ ಪುಗ್ಗಲಾ ಅಞ್ಞಾತಾವಿನ್ದ್ರಿಯಞ್ಚ ನ ಸಚ್ಛಿಕರಿತ್ಥ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ನ ಭಾವಿತ್ಥ. (ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಮೂಲಕಂ)
೪೫೦. (ಕ) ಯೋ ಅಞ್ಞಿನ್ದ್ರಿಯಂ ನ ಭಾವಿತ್ಥ ಸೋ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿತ್ಥಾತಿ? ಆಮನ್ತಾ.
(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿತ್ಥ ಸೋ ಅಞ್ಞಿನ್ದ್ರಿಯಂ ನ ಭಾವಿತ್ಥಾತಿ?
ಯೋ ಅಗ್ಗಫಲಂ ಸಚ್ಛಿಕರೋತಿ ಸೋ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರಿತ್ಥ, ನೋ ಚ ಅಞ್ಞಿನ್ದ್ರಿಯಂ ನ ಭಾವಿತ್ಥ. ಅಟ್ಠ ಪುಗ್ಗಲಾ ಅಞ್ಞಾತಾವಿನ್ದ್ರಿಯಞ್ಚ ನ ಸಚ್ಛಿಕರಿತ್ಥ ಅಞ್ಞಿನ್ದ್ರಿಯಞ್ಚ ನ ಭಾವಿತ್ಥ. (ಅಞ್ಞಿನ್ದ್ರಿಯಮೂಲಕಂ)