೧. ಪಚ್ಚುಪ್ಪನ್ನವಾರೋ

(ಕ) ಅನುಲೋಮಂ

೪೩೫. (ಕ) ಯೋ ಚಕ್ಖುನ್ದ್ರಿಯಂ ಪರಿಜಾನಾತಿ ಸೋ ಸೋತಿನ್ದ್ರಿಯಂ ಪರಿಜಾನಾತೀತಿ? ಆಮನ್ತಾ.

(ಖ) ಯೋ ವಾ ಪನ ಸೋತಿನ್ದ್ರಿಯಂ ಪರಿಜಾನಾತಿ ಸೋ ಚಕ್ಖುನ್ದ್ರಿಯಂ ಪರಿಜಾನಾತೀತಿ? ಆಮನ್ತಾ.

(ಕ) ಯೋ ಚಕ್ಖುನ್ದ್ರಿಯಂ ಪರಿಜಾನಾತಿ ಸೋ ದೋಮನಸ್ಸಿನ್ದ್ರಿಯಂ ಪಜಹತೀತಿ? ನೋ.

(ಖ) ಯೋ ವಾ ಪನ ದೋಮನಸ್ಸಿನ್ದ್ರಿಯಂ ಪಜಹತಿ ಸೋ ಚಕ್ಖುನ್ದ್ರಿಯಂ ಪರಿಜಾನಾತೀತಿ? ನೋ.

(ಕ) ಯೋ ಚಕ್ಖುನ್ದ್ರಿಯಂ ಪರಿಜಾನಾತಿ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವೇತೀತಿ? ನೋ.

(ಖ) ಯೋ ವಾ ಪನ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವೇತಿ ಸೋ ಚಕ್ಖುನ್ದ್ರಿಯಂ ಪರಿಜಾನಾತೀತಿ? ನೋ.

(ಕ) ಯೋ ಚಕ್ಖುನ್ದ್ರಿಯಂ ಪರಿಜಾನಾತಿ ಸೋ ಅಞ್ಞಿನ್ದ್ರಿಯಂ ಭಾವೇತೀತಿ? ಆಮನ್ತಾ.

(ಖ) ಯೋ ವಾ ಪನ ಅಞ್ಞಿನ್ದ್ರಿಯಂ ಭಾವೇತಿ ಸೋ ಚಕ್ಖುನ್ದ್ರಿಯಂ ಪರಿಜಾನಾತೀತಿ?

ದ್ವೇ ಪುಗ್ಗಲಾ ಅಞ್ಞಿನ್ದ್ರಿಯಂ ಭಾವೇನ್ತಿ, ನೋ ಚ ಚಕ್ಖುನ್ದ್ರಿಯಂ ಪರಿಜಾನನ್ತಿ. ಅಗ್ಗಮಗ್ಗಸಮಙ್ಗೀ ಅಞ್ಞಿನ್ದ್ರಿಯಞ್ಚ ಭಾವೇತಿ ಚಕ್ಖುನ್ದ್ರಿಯಞ್ಚ ಪರಿಜಾನಾತಿ.

(ಕ) ಯೋ ಚಕ್ಖುನ್ದ್ರಿಯಂ ಪರಿಜಾನಾತಿ ಸೋ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರೋತೀತಿ? ನೋ.

(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರೋತಿ ಸೋ ಚಕ್ಖುನ್ದ್ರಿಯಂ ಪರಿಜಾನಾತೀತಿ? ನೋ. (ಚಕ್ಖುನ್ದ್ರಿಯಮೂಲಕಂ)

೪೩೬. (ಕ) ಯೋ ದೋಮನಸ್ಸಿನ್ದ್ರಿಯಂ ಪಜಹತಿ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವೇತೀತಿ? ನೋ.

(ಖ) ಯೋ ವಾ ಪನ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವೇತಿ ಸೋ ದೋಮನಸ್ಸಿನ್ದ್ರಿಯಂ ಪಜಹತೀತಿ? ನೋ.

(ಕ) ಯೋ ದೋಮನಸ್ಸಿನ್ದ್ರಿಯಂ ಪಜಹತಿ ಸೋ ಅಞ್ಞಿನ್ದ್ರಿಯಂ ಭಾವೇತೀತಿ? ಆಮನ್ತಾ.

(ಖ) ಯೋ ವಾ ಪನ ಅಞ್ಞಿನ್ದ್ರಿಯಂ ಭಾವೇತಿ ಸೋ ದೋಮನಸ್ಸಿನ್ದ್ರಿಯಂ ಪಜಹತೀತಿ?

ದ್ವೇ ಪುಗ್ಗಲಾ ಅಞ್ಞಿನ್ದ್ರಿಯಂ ಭಾವೇನ್ತಿ, ನೋ ಚ ದೋಮನಸ್ಸಿನ್ದ್ರಿಯಂ ಪಜಹನ್ತಿ. ಅನಾಗಾಮಿಮಗ್ಗಸಮಙ್ಗೀ ಅಞ್ಞಿನ್ದ್ರಿಯಞ್ಚ ಭಾವೇತಿ ದೋಮನಸ್ಸಿನ್ದ್ರಿಯಞ್ಚ ಪಜಹತಿ.

(ಕ) ಯೋ ದೋಮನಸ್ಸಿನ್ದ್ರಿಯಂ ಪಜಹತಿ ಸೋ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರೋತೀತಿ? ನೋ.

(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರೋತಿ ಸೋ ದೋಮನಸ್ಸಿನ್ದ್ರಿಯಂ ಪಜಹತೀತಿ? ನೋ. (ದೋಮನಸ್ಸಿನ್ದ್ರಿಯಮೂಲಕಂ)

೪೩೭. (ಕ) ಯೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವೇತಿ ಸೋ ಅಞ್ಞಿನ್ದ್ರಿಯಂ ಭಾವೇತೀತಿ? ನೋ.

(ಖ) ಯೋ ವಾ ಪನ ಅಞ್ಞಿನ್ದ್ರಿಯಂ ಭಾವೇತಿ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವೇತೀತಿ? ನೋ.

(ಕ) ಯೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವೇತಿ ಸೋ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರೋತೀತಿ? ನೋ.

(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರೋತಿ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಭಾವೇತೀತಿ? ನೋ. (ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಮೂಲಕಂ)

೪೩೮. (ಕ) ಯೋ ಅಞ್ಞಿನ್ದ್ರಿಯಂ ಭಾವೇತಿ ಸೋ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರೋತೀತಿ? ನೋ.

(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ಸಚ್ಛಿಕರೋತಿ ಸೋ ಅಞ್ಞಿನ್ದ್ರಿಯಂ ಭಾವೇತೀತಿ? ನೋ. (ಅಞ್ಞಿನ್ದ್ರಿಯಮೂಲಕಂ)

(ಖ) ಪಚ್ಚನೀಕಂ

೪೩೯. (ಕ) ಯೋ ಚಕ್ಖುನ್ದ್ರಿಯಂ ನ ಪರಿಜಾನಾತಿ ಸೋ ದೋಮನಸ್ಸಿನ್ದ್ರಿಯಂ ನಪ್ಪಜಹತೀತಿ?

ಅನಾಗಾಮಿಮಗ್ಗಸಮಙ್ಗೀ ಚಕ್ಖುನ್ದ್ರಿಯಂ ನ ಪರಿಜಾನಾತಿ, ನೋ ಚ ದೋಮನಸ್ಸಿನ್ದ್ರಿಯಂ ನಪ್ಪಜಹತಿ. ದ್ವೇ ಮಗ್ಗಸಮಙ್ಗಿನೋ ಠಪೇತ್ವಾ ಅವಸೇಸಾ ಪುಗ್ಗಲಾ ಚಕ್ಖುನ್ದ್ರಿಯಞ್ಚ ನ ಪರಿಜಾನನ್ತಿ ದೋಮನಸ್ಸಿನ್ದ್ರಿಯಞ್ಚ ನಪ್ಪಜಹನ್ತಿ.

(ಖ) ಯೋ ವಾ ಪನ ದೋಮನಸ್ಸಿನ್ದ್ರಿಯಂ ನಪ್ಪಜಹತಿ ಸೋ ಚಕ್ಖುನ್ದ್ರಿಯಂ ನ ಪರಿಜಾನಾತೀತಿ?

ಅಗ್ಗಮಗ್ಗಸಮಙ್ಗೀ ದೋಮನಸ್ಸಿನ್ದ್ರಿಯಂ ನಪ್ಪಜಹತಿ, ನೋ ಚ ಚಕ್ಖುನ್ದ್ರಿಯಂ ನ ಪರಿಜಾನಾತಿ. ದ್ವೇ ಮಗ್ಗಸಮಙ್ಗಿನೋ ಠಪೇತ್ವಾ ಅವಸೇಸಾ ಪುಗ್ಗಲಾ ದೋಮನಸ್ಸಿನ್ದ್ರಿಯಞ್ಚ ನಪ್ಪಜಹನ್ತಿ ಚಕ್ಖುನ್ದ್ರಿಯಞ್ಚ ನ ಪರಿಜಾನನ್ತಿ.

(ಕ) ಯೋ ಚಕ್ಖುನ್ದ್ರಿಯಂ ನ ಪರಿಜಾನಾತಿ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇತೀತಿ?

ಅಟ್ಠಮಕೋ ಚಕ್ಖುನ್ದ್ರಿಯಂ ನ ಪರಿಜಾನಾತಿ, ನೋ ಚ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇತಿ. ದ್ವೇ ಮಗ್ಗಸಮಙ್ಗಿನೋ ಠಪೇತ್ವಾ ಅವಸೇಸಾ ಪುಗ್ಗಲಾ ಚಕ್ಖುನ್ದ್ರಿಯಞ್ಚ ನ ಪರಿಜಾನನ್ತಿ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ನ ಭಾವೇನ್ತಿ.

(ಖ) ಯೋ ವಾ ಪನ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇತಿ ಸೋ ಚಕ್ಖುನ್ದ್ರಿಯಂ ನ ಪರಿಜಾನಾತೀತಿ?

ಅಗ್ಗಮಗ್ಗಸಮಙ್ಗೀ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇತಿ, ನೋ ಚ ಚಕ್ಖುನ್ದ್ರಿಯಂ ನ ಪರಿಜಾನಾತಿ. ದ್ವೇ ಮಗ್ಗಸಮಙ್ಗಿನೋ ಠಪೇತ್ವಾ ಅವಸೇಸಾ ಪುಗ್ಗಲಾ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ನ ಭಾವೇನ್ತಿ ಚಕ್ಖುನ್ದ್ರಿಯಞ್ಚ ನ ಪರಿಜಾನನ್ತಿ.

(ಕ) ಯೋ ಚಕ್ಖುನ್ದ್ರಿಯಂ ನ ಪರಿಜಾನಾತಿ ಸೋ ಅಞ್ಞಿನ್ದ್ರಿಯಂ ನ ಭಾವೇತೀತಿ?

ದ್ವೇ ಪುಗ್ಗಲಾ ಚಕ್ಖುನ್ದ್ರಿಯಂ ನ ಪರಿಜಾನನ್ತಿ, ನೋ ಚ ಅಞ್ಞಿನ್ದ್ರಿಯಂ ನ ಭಾವೇನ್ತಿ. ತಯೋ ಮಗ್ಗಸಮಙ್ಗಿನೋ ಠಪೇತ್ವಾ ಅವಸೇಸಾ ಪುಗ್ಗಲಾ ಚಕ್ಖುನ್ದ್ರಿಯಞ್ಚ ನ ಪರಿಜಾನನ್ತಿ ಅಞ್ಞಿನ್ದ್ರಿಯಞ್ಚ ನ ಭಾವೇನ್ತಿ.

(ಖ) ಯೋ ವಾ ಪನ ಅಞ್ಞಿನ್ದ್ರಿಯಂ ನ ಭಾವೇತಿ ಸೋ ಚಕ್ಖುನ್ದ್ರಿಯಂ ನ ಪರಿಜಾನಾತೀತಿ? ಆಮನ್ತಾ.

(ಕ) ಯೋ ಚಕ್ಖುನ್ದ್ರಿಯಂ ನ ಪರಿಜಾನಾತಿ ಸೋ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರೋತೀತಿ?

ಯೋ ಅಗ್ಗಫಲಂ ಸಚ್ಛಿಕರೋತಿ ಸೋ ಚಕ್ಖುನ್ದ್ರಿಯಂ ನ ಪರಿಜಾನಾತಿ, ನೋ ಚ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರೋತಿ. ಅಗ್ಗಮಗ್ಗಸಮಙ್ಗಿಞ್ಚ ಅರಹನ್ತಞ್ಚ ಠಪೇತ್ವಾ ಅವಸೇಸಾ ಪುಗ್ಗಲಾ ಚಕ್ಖುನ್ದ್ರಿಯಞ್ಚ ನ ಪರಿಜಾನನ್ತಿ ಅಞ್ಞಾತಾವಿನ್ದ್ರಿಯಞ್ಚ ನ ಸಚ್ಛಿಕರೋನ್ತಿ.

(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರೋತಿ ಸೋ ಚಕ್ಖುನ್ದ್ರಿಯಂ ನ ಪರಿಜಾನಾತೀತಿ?

ಅಗ್ಗಮಗ್ಗಸಮಙ್ಗೀ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರೋತಿ, ನೋ ಚ ಚಕ್ಖುನ್ದ್ರಿಯಂ ನ ಪರಿಜಾನಾತಿ. ಅಗ್ಗಮಗ್ಗಸಮಙ್ಗಿಞ್ಚ ಅರಹನ್ತಞ್ಚ ಠಪೇತ್ವಾ ಅವಸೇಸಾ ಪುಗ್ಗಲಾ ಅಞ್ಞಾತಾವಿನ್ದ್ರಿಯಞ್ಚ ನ ಸಚ್ಛಿಕರೋನ್ತಿ ಚಕ್ಖುನ್ದ್ರಿಯಞ್ಚ ನ ಪರಿಜಾನನ್ತಿ. (ಚಕ್ಖುನ್ದ್ರಿಯಮೂಲಕಂ)

೪೪೦. (ಕ) ಯೋ ದೋಮನಸ್ಸಿನ್ದ್ರಿಯಂ ನಪ್ಪಜಹತಿ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇತೀತಿ?

ಅಟ್ಠಮಕೋ ದೋಮನಸ್ಸಿನ್ದ್ರಿಯಂ ನಪ್ಪಜಹತಿ, ನೋ ಚ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇತಿ. ದ್ವೇ ಮಗ್ಗಸಮಙ್ಗಿನೋ ಠಪೇತ್ವಾ ಅವಸೇಸಾ ಪುಗ್ಗಲಾ ದೋಮನಸ್ಸಿನ್ದ್ರಿಯಞ್ಚ ನಪ್ಪಜಹನ್ತಿ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ನ ಭಾವೇನ್ತಿ.

(ಖ) ಯೋ ವಾ ಪನ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇತಿ ಸೋ ದೋಮನಸ್ಸಿನ್ದ್ರಿಯಂ ನಪ್ಪಜಹತೀತಿ?

ಅನಾಗಾಮಿಮಗ್ಗಸಮಙ್ಗೀ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇತಿ, ನೋ ಚ ದೋಮನಸ್ಸಿನ್ದ್ರಿಯಂ ನಪ್ಪಜಹತಿ. ದ್ವೇ ಮಗ್ಗಸಮಙ್ಗಿನೋ ಠಪೇತ್ವಾ ಅವಸೇಸಾ ಪುಗ್ಗಲಾ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ನ ಭಾವೇನ್ತಿ ದೋಮನಸ್ಸಿನ್ದ್ರಿಯಞ್ಚ ನಪ್ಪಜಹನ್ತಿ.

(ಕ) ಯೋ ದೋಮನಸ್ಸಿನ್ದ್ರಿಯಂ ನಪ್ಪಜಹತಿ ಸೋ ಅಞ್ಞಿನ್ದ್ರಿಯಂ ನ ಭಾವೇತೀತಿ?

ದ್ವೇ ಪುಗ್ಗಲಾ ದೋಮನಸ್ಸಿನ್ದ್ರಿಯಂ ನಪ್ಪಜಹನ್ತಿ, ನೋ ಚ ಅಞ್ಞಿನ್ದ್ರಿಯಂ ನ ಭಾವೇನ್ತಿ. ತಯೋ ಮಗ್ಗಸಮಙ್ಗಿನೋ ಠಪೇತ್ವಾ ಅವಸೇಸಾ ಪುಗ್ಗಲಾ ದೋಮನಸ್ಸಿನ್ದ್ರಿಯಞ್ಚ ನಪ್ಪಜಹನ್ತಿ ಅಞ್ಞಿನ್ದ್ರಿಯಞ್ಚ ನ ಭಾವೇನ್ತಿ.

(ಖ) ಯೋ ವಾ ಪನ ಅಞ್ಞಿನ್ದ್ರಿಯಂ ನ ಭಾವೇತಿ ಸೋ ದೋಮನಸ್ಸಿನ್ದ್ರಿಯಂ ನಪ್ಪಜಹತೀತಿ? ಆಮನ್ತಾ.

(ಕ) ಯೋ ದೋಮನಸ್ಸಿನ್ದ್ರಿಯಂ ನಪ್ಪಜಹತಿ ಸೋ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರೋತೀತಿ?

ಯೋ ಅಗ್ಗಫಲಂ ಸಚ್ಛಿಕರೋತಿ ಸೋ ದೋಮನಸ್ಸಿನ್ದ್ರಿಯಂ ನಪ್ಪಜಹತಿ, ನೋ ಚ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರೋತಿ. ಅನಾಗಾಮಿಮಗ್ಗಸಮಙ್ಗಿಞ್ಚ ಅರಹನ್ತಞ್ಚ ಠಪೇತ್ವಾ ಅವಸೇಸಾ ಪುಗ್ಗಲಾ ದೋಮನಸ್ಸಿನ್ದ್ರಿಯಞ್ಚ ನಪ್ಪಜಹನ್ತಿ ಅಞ್ಞಾತಾವಿನ್ದ್ರಿಯಞ್ಚ ನ ಸಚ್ಛಿಕರೋನ್ತಿ.

(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರೋತಿ ಸೋ ದೋಮನಸ್ಸಿನ್ದ್ರಿಯಂ ನಪ್ಪಜಹತೀತಿ?

ಅನಾಗಾಮಿಮಗ್ಗಸಮಙ್ಗೀ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರೋತಿ, ನೋ ಚ ದೋಮನಸ್ಸಿನ್ದ್ರಿಯಂ ನಪ್ಪಜಹತಿ. ಅನಾಗಾಮಿಮಗ್ಗಸಮಙ್ಗಿಞ್ಚ ಅರಹನ್ತಞ್ಚ ಠಪೇತ್ವಾ ಅವಸೇಸಾ ಪುಗ್ಗಲಾ ಅಞ್ಞಾತಾವಿನ್ದ್ರಿಯಞ್ಚ ನ ಸಚ್ಛಿಕರೋನ್ತಿ ದೋಮನಸ್ಸಿನ್ದ್ರಿಯಞ್ಚ ನಪ್ಪಜಹನ್ತಿ. (ದೋಮನಸ್ಸಿನ್ದ್ರಿಯಮೂಲಕಂ)

೪೪೧. (ಕ) ಯೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇತಿ ಸೋ ಅಞ್ಞಿನ್ದ್ರಿಯಂ ನ ಭಾವೇತೀತಿ?

ತಯೋ ಮಗ್ಗಸಮಙ್ಗಿನೋ [ತಯೋ ಪುಗ್ಗಲಾ (ಪೀ.)] ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇನ್ತಿ, ನೋ ಚ ಅಞ್ಞಿನ್ದ್ರಿಯಂ ನ ಭಾವೇನ್ತಿ. ಚತ್ತಾರೋ ಮಗ್ಗಸಮಙ್ಗಿನೋ [ಅಟ್ಠಮಕಞ್ಚ ತಯೋ ಮಗ್ಗಸಮಙ್ಗಿನೋ ಚ (ಪೀ.)] ಠಪೇತ್ವಾ ಅವಸೇಸಾ ಪುಗ್ಗಲಾ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ನ ಭಾವೇನ್ತಿ ಅಞ್ಞಿನ್ದ್ರಿಯಞ್ಚ ನ ಭಾವೇನ್ತಿ.

(ಖ) ಯೋ ವಾ ಪನ ಅಞ್ಞಿನ್ದ್ರಿಯಂ ನ ಭಾವೇತಿ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇತೀತಿ?

ಅಟ್ಠಮಕೋ ಅಞ್ಞಿನ್ದ್ರಿಯಂ ನ ಭಾವೇತಿ, ನೋ ಚ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇತಿ. ಚತ್ತಾರೋ ಮಗ್ಗಸಮಙ್ಗಿನೋ ಠಪೇತ್ವಾ ಅವಸೇಸಾ ಪುಗ್ಗಲಾ ಅಞ್ಞಿನ್ದ್ರಿಯಞ್ಚ ನ ಭಾವೇನ್ತಿ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ನ ಭಾವೇನ್ತಿ.

(ಕ) ಯೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇತಿ ಸೋ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರೋತೀತಿ?

ಯೋ ಅಗ್ಗಫಲಂ ಸಚ್ಛಿಕರೋತಿ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇತಿ, ನೋ ಚ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರೋತಿ. ಅಟ್ಠಮಕಞ್ಚ ಅರಹನ್ತಞ್ಚ ಠಪೇತ್ವಾ ಅವಸೇಸಾ ಪುಗ್ಗಲಾ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ನ ಭಾವೇನ್ತಿ ಅಞ್ಞಾತಾವಿನ್ದ್ರಿಯಞ್ಚ ನ ಸಚ್ಛಿಕರೋನ್ತಿ.

(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರೋತಿ ಸೋ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇತೀತಿ?

ಅಟ್ಠಮಕೋ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರೋತಿ, ನೋ ಚ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಭಾವೇತಿ. ಅಟ್ಠಮಕಞ್ಚ ಅರಹನ್ತಞ್ಚ ಠಪೇತ್ವಾ ಅವಸೇಸಾ ಪುಗ್ಗಲಾ ಅಞ್ಞಾತಾವಿನ್ದ್ರಿಯಞ್ಚ ನ ಸಚ್ಛಿಕರೋನ್ತಿ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಞ್ಚ ನ ಭಾವೇನ್ತಿ. (ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಮೂಲಕಂ)

೪೪೨. (ಕ) ಯೋ ಅಞ್ಞಿನ್ದ್ರಿಯಂ ನ ಭಾವೇತಿ ಸೋ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರೋತೀತಿ?

ಯೋ ಅಗ್ಗಫಲಂ ಸಚ್ಛಿಕರೋತಿ ಸೋ ಅಞ್ಞಿನ್ದ್ರಿಯಂ ನ ಭಾವೇತಿ, ನೋ ಚ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರೋತಿ. ತಯೋ ಮಗ್ಗಸಮಙ್ಗಿನೋ ಚ ಅರಹನ್ತಞ್ಚ ಠಪೇತ್ವಾ ಅವಸೇಸಾ ಪುಗ್ಗಲಾ ಅಞ್ಞಿನ್ದ್ರಿಯಞ್ಚ ನ ಭಾವೇನ್ತಿ ಅಞ್ಞಾತಾವಿನ್ದ್ರಿಯಞ್ಚ ನ ಸಚ್ಛಿಕರೋನ್ತಿ.

(ಖ) ಯೋ ವಾ ಪನ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರೋತಿ ಸೋ ಅಞ್ಞಿನ್ದ್ರಿಯಂ ನ ಭಾವೇತೀತಿ?

ತಯೋ ಮಗ್ಗಸಮಙ್ಗಿನೋ ಅಞ್ಞಾತಾವಿನ್ದ್ರಿಯಂ ನ ಸಚ್ಛಿಕರೋನ್ತಿ, ನೋ ಚ ಅಞ್ಞಿನ್ದ್ರಿಯಂ ನ ಭಾವೇನ್ತಿ. ತಯೋ ಮಗ್ಗಸಮಙ್ಗಿನೋ ಚ ಅರಹನ್ತಞ್ಚ ಠಪೇತ್ವಾ ಅವಸೇಸಾ ಪುಗ್ಗಲಾ ಅಞ್ಞಾತಾವಿನ್ದ್ರಿಯಞ್ಚ ನ ಸಚ್ಛಿಕರೋನ್ತಿ ಅಞ್ಞಿನ್ದ್ರಿಯಞ್ಚ ನ ಭಾವೇನ್ತಿ. (ಅಞ್ಞಿನ್ದ್ರಿಯಮೂಲಕಂ)