(೧) ಪಚ್ಚುಪ್ಪನ್ನವಾರೋ

(ಕ) ಅನುಲೋಮಪುಗ್ಗಲೋ

೧೬೩. (ಕ) ಯಸ್ಸ ಕುಸಲಾ ಧಮ್ಮಾ ಉಪ್ಪಜ್ಜನ್ತಿ ತಸ್ಸ ಅಕುಸಲಾ ಧಮ್ಮಾ ನಿರುಜ್ಝನ್ತೀತಿ? ನೋ.

(ಖ) ಯಸ್ಸ ವಾ ಪನ ಅಕುಸಲಾ ಧಮ್ಮಾ ನಿರುಜ್ಝನ್ತಿ ತಸ್ಸ ಕುಸಲಾ ಧಮ್ಮಾ ಉಪ್ಪಜ್ಜನ್ತೀತಿ? ನೋ.

(ಕ) ಯಸ್ಸ ಕುಸಲಾ ಧಮ್ಮಾ ಉಪ್ಪಜ್ಜನ್ತಿ ತಸ್ಸ ಅಬ್ಯಾಕತಾ ಧಮ್ಮಾ ನಿರುಜ್ಝನ್ತೀತಿ? ನೋ.

(ಖ) ಯಸ್ಸ ವಾ ಪನ ಅಬ್ಯಾಕತಾ ಧಮ್ಮಾ ನಿರುಜ್ಝನ್ತಿ ತಸ್ಸ ಕುಸಲಾ ಧಮ್ಮಾ ಉಪ್ಪಜ್ಜನ್ತೀತಿ? ನೋ.

೧೬೪. (ಕ) ಯಸ್ಸ ಅಕುಸಲಾ ಧಮ್ಮಾ ಉಪ್ಪಜ್ಜನ್ತಿ ತಸ್ಸ ಅಬ್ಯಾಕತಾ ಧಮ್ಮಾ ನಿರುಜ್ಝನ್ತೀತಿ? ನೋ.

(ಖ) ಯಸ್ಸ ವಾ ಪನ ಅಬ್ಯಾಕತಾ ಧಮ್ಮಾ ನಿರುಜ್ಝನ್ತಿ ತಸ್ಸ ಅಕುಸಲಾ ಧಮ್ಮಾ ಉಪ್ಪಜ್ಜನ್ತೀತಿ? ನೋ.

(ಖ) ಅನುಲೋಮಓಕಾಸೋ

೧೬೫. (ಕ) ಯತ್ಥ ಕುಸಲಾ ಧಮ್ಮಾ ಉಪ್ಪಜ್ಜನ್ತಿ ತತ್ಥ ಅಕುಸಲಾ ಧಮ್ಮಾ ನಿರುಜ್ಝನ್ತೀತಿ? ಆಮನ್ತಾ.

(ಖ) ಯತ್ಥ ವಾ ಪನ ಅಕುಸಲಾ ಧಮ್ಮಾ ನಿರುಜ್ಝನ್ತಿ ತತ್ಥ ಕುಸಲಾ ಧಮ್ಮಾ ಉಪ್ಪಜ್ಜನ್ತೀತಿ? ಆಮನ್ತಾ.

(ಕ) ಯತ್ಥ ಕುಸಲಾ ಧಮ್ಮಾ ಉಪ್ಪಜ್ಜನ್ತಿ ತತ್ಥ ಅಬ್ಯಾಕತಾ ಧಮ್ಮಾ ನಿರುಜ್ಝನ್ತೀತಿ? ಆಮನ್ತಾ.

(ಖ) ಯತ್ಥ ವಾ ಪನ ಅಬ್ಯಾಕತಾ ಧಮ್ಮಾ ನಿರುಜ್ಝನ್ತಿ ತತ್ಥ ಕುಸಲಾ ಧಮ್ಮಾ ಉಪ್ಪಜ್ಜನ್ತೀತಿ?

ಅಸಞ್ಞಸತ್ತೇ ತತ್ಥ ಅಬ್ಯಾಕತಾ ಧಮ್ಮಾ ನಿರುಜ್ಝನ್ತಿ, ನೋ ಚ ತತ್ಥ ಕುಸಲಾ ಧಮ್ಮಾ ಉಪ್ಪಜ್ಜನ್ತಿ. ಚತುವೋಕಾರೇ ಪಞ್ಚವೋಕಾರೇ ತತ್ಥ ಅಬ್ಯಾಕತಾ ಚ ಧಮ್ಮಾ ನಿರುಜ್ಝನ್ತಿ ಕುಸಲಾ ಚ ಧಮ್ಮಾ ಉಪ್ಪಜ್ಜನ್ತಿ.

೧೬೬. (ಕ) ಯತ್ಥ ಅಕುಸಲಾ ಧಮ್ಮಾ ಉಪ್ಪಜ್ಜನ್ತಿ ತತ್ಥ ಅಬ್ಯಾಕತಾ ಧಮ್ಮಾ ನಿರುಜ್ಝನ್ತೀತಿ? ಆಮನ್ತಾ.

(ಖ) ಯತ್ಥ ವಾ ಪನ ಅಬ್ಯಾಕತಾ ಧಮ್ಮಾ ನಿರುಜ್ಝನ್ತಿ ತತ್ಥ ಅಕುಸಲಾ ಧಮ್ಮಾ ಉಪ್ಪಜ್ಜನ್ತೀತಿ?

ಅಸಞ್ಞಸತ್ತೇ ತತ್ಥ ಅಬ್ಯಾಕತಾ ಧಮ್ಮಾ ನಿರುಜ್ಝನ್ತಿ, ನೋ ಚ ತತ್ಥ ಅಕುಸಲಾ ಧಮ್ಮಾ ಉಪ್ಪಜ್ಜನ್ತಿ. ಚತುವೋಕಾರೇ ಪಞ್ಚವೋಕಾರೇ ತತ್ಥ ಅಬ್ಯಾಕತಾ ಚ ಧಮ್ಮಾ ನಿರುಜ್ಝನ್ತಿ ಅಕುಸಲಾ ಚ ಧಮ್ಮಾ ಉಪ್ಪಜ್ಜನ್ತಿ.

(ಗ) ಅನುಲೋಮಪುಗ್ಗಲೋಕಾಸಾ

೧೬೭. (ಕ) ಯಸ್ಸ ಯತ್ಥ ಕುಸಲಾ ಧಮ್ಮಾ ಉಪ್ಪಜ್ಜನ್ತಿ ತಸ್ಸ ತತ್ಥ ಅಕುಸಲಾ ಧಮ್ಮಾ ನಿರುಜ್ಝನ್ತೀತಿ? ನೋ.

(ಖ) ಯಸ್ಸ ವಾ ಪನ ಯತ್ಥ ಅಕುಸಲಾ ಧಮ್ಮಾ ನಿರುಜ್ಝನ್ತಿ ತಸ್ಸ ತತ್ಥ ಕುಸಲಾ ಧಮ್ಮಾ ಉಪ್ಪಜ್ಜನ್ತೀತಿ? ನೋ.

(ಕ) ಯಸ್ಸ ಯತ್ಥ ಕುಸಲಾ ಧಮ್ಮಾ ಉಪ್ಪಜ್ಜನ್ತಿ ತಸ್ಸ ತತ್ಥ ಅಬ್ಯಾಕತಾ ಧಮ್ಮಾ ನಿರುಜ್ಝನ್ತೀತಿ? ನೋ.

(ಖ) ಯಸ್ಸ ವಾ ಪನ ಯತ್ಥ ಅಬ್ಯಾಕತಾ ಧಮ್ಮಾ ನಿರುಜ್ಝನ್ತಿ ತಸ್ಸ ತತ್ಥ ಕುಸಲಾ ಧಮ್ಮಾ ಉಪ್ಪಜ್ಜನ್ತೀತಿ? ನೋ.

೧೬೮. (ಕ) ಯಸ್ಸ ಯತ್ಥ ಅಕುಸಲಾ ಧಮ್ಮಾ ಉಪ್ಪಜ್ಜನ್ತಿ ತಸ್ಸ ತತ್ಥ ಅಬ್ಯಾಕತಾ ಧಮ್ಮಾ ನಿರುಜ್ಝನ್ತೀತಿ? ನೋ.

(ಖ) ಯಸ್ಸ ವಾ ಪನ ಯತ್ಥ ಅಬ್ಯಾಕತಾ ಧಮ್ಮಾ ನಿರುಜ್ಝನ್ತಿ ತಸ್ಸ ತತ್ಥ ಅಕುಸಲಾ ಧಮ್ಮಾ ಉಪ್ಪಜ್ಜನ್ತೀತಿ? ನೋ.

(ಘ) ಪಚ್ಚನೀಕಪುಗ್ಗಲೋ

೧೬೯. (ಕ) ಯಸ್ಸ ಕುಸಲಾ ಧಮ್ಮಾ ನ ಉಪ್ಪಜ್ಜನ್ತಿ ತಸ್ಸ ಅಕುಸಲಾ ಧಮ್ಮಾ ನ ನಿರುಜ್ಝನ್ತೀತಿ?

ಅಕುಸಲಾನಂ ಭಙ್ಗಕ್ಖಣೇ ತೇಸಂ ಕುಸಲಾ ಧಮ್ಮಾ ನ ಉಪ್ಪಜ್ಜನ್ತಿ, ನೋ ಚ ತೇಸಂ ಅಕುಸಲಾ ಧಮ್ಮಾ ನ ನಿರುಜ್ಝನ್ತಿ. ಕುಸಲವಿಪ್ಪಯುತ್ತಚಿತ್ತಸ್ಸ ಉಪ್ಪಾದಕ್ಖಣೇ ಅಕುಸಲವಿಪ್ಪಯುತ್ತಚಿತ್ತಸ್ಸ ಭಙ್ಗಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ಕುಸಲಾ ಚ ಧಮ್ಮಾ ನ ಉಪ್ಪಜ್ಜನ್ತಿ ಅಕುಸಲಾ ಚ ಧಮ್ಮಾ ನ ನಿರುಜ್ಝನ್ತಿ.

(ಖ) ಯಸ್ಸ ವಾ ಪನ ಅಕುಸಲಾ ಧಮ್ಮಾ ನ ನಿರುಜ್ಝನ್ತಿ ತಸ್ಸ ಕುಸಲಾ ಧಮ್ಮಾ ನ ಉಪ್ಪಜ್ಜನ್ತೀತಿ?

ಕುಸಲಾನಂ ಉಪ್ಪಾದಕ್ಖಣೇ ತೇಸಂ ಅಕುಸಲಾ ಧಮ್ಮಾ ನ ನಿರುಜ್ಝನ್ತಿ, ನೋ ಚ ತೇಸಂ ಕುಸಲಾ ಧಮ್ಮಾ ನ ಉಪ್ಪಜ್ಜನ್ತಿ. ಅಕುಸಲವಿಪ್ಪಯುತ್ತಚಿತ್ತಸ್ಸ ಭಙ್ಗಕ್ಖಣೇ ಕುಸಲವಿಪ್ಪಯುತ್ತಚಿತ್ತಸ್ಸ ಉಪ್ಪಾದಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ಅಕುಸಲಾ ಚ ಧಮ್ಮಾ ನ ನಿರುಜ್ಝನ್ತಿ ಕುಸಲಾ ಚ ಧಮ್ಮಾ ನ ಉಪ್ಪಜ್ಜನ್ತಿ.

(ಕ) ಯಸ್ಸ ಕುಸಲಾ ಧಮ್ಮಾ ನ ಉಪ್ಪಜ್ಜನ್ತಿ ತಸ್ಸ ಅಬ್ಯಾಕತಾ ಧಮ್ಮಾ ನ ನಿರುಜ್ಝನ್ತೀತಿ?

ಸಬ್ಬೇಸಂ ಚವನ್ತಾನಂ ಪವತ್ತೇ ಚಿತ್ತಸ್ಸ ಭಙ್ಗಕ್ಖಣೇ ತೇಸಂ ಕುಸಲಾ ಧಮ್ಮಾ ನ ಉಪ್ಪಜ್ಜನ್ತಿ, ನೋ ಚ ತೇಸಂ ಅಬ್ಯಾಕತಾ ಧಮ್ಮಾ ನ ನಿರುಜ್ಝನ್ತಿ. ಸಬ್ಬೇಸಂ ಉಪಪಜ್ಜನ್ತಾನಂ ಪವತ್ತೇ ಕುಸಲವಿಪ್ಪಯುತ್ತಚಿತ್ತಸ್ಸ ಉಪ್ಪಾದಕ್ಖಣೇ ಅರೂಪೇ ಕುಸಲಾಕುಸಲಾನಂ ಭಙ್ಗಕ್ಖಣೇ ತೇಸಂ ಕುಸಲಾ ಚ ಧಮ್ಮಾ ನ ಉಪ್ಪಜ್ಜನ್ತಿ ಅಬ್ಯಾಕತಾ ಚ ಧಮ್ಮಾ ನ ನಿರುಜ್ಝನ್ತಿ.

(ಖ) ಯಸ್ಸ ವಾ ಪನ ಅಬ್ಯಾಕತಾ ಧಮ್ಮಾ ನ ನಿರುಜ್ಝನ್ತಿ ತಸ್ಸ ಕುಸಲಾ ಧಮ್ಮಾ ನ ಉಪ್ಪಜ್ಜನ್ತೀತಿ?

ಕುಸಲಾನಂ ಉಪ್ಪಾದಕ್ಖಣೇ ತೇಸಂ ಅಬ್ಯಾಕತಾ ಧಮ್ಮಾ ನ ನಿರುಜ್ಝನ್ತಿ, ನೋ ಚ ತೇಸಂ ಕುಸಲಾ ಧಮ್ಮಾ ನ ಉಪ್ಪಜ್ಜನ್ತಿ. ಸಬ್ಬೇಸಂ ಉಪಪಜ್ಜನ್ತಾನಂ ಪವತ್ತೇ ಕುಸಲವಿಪ್ಪಯುತ್ತಚಿತ್ತಸ್ಸ ಉಪ್ಪಾದಕ್ಖಣೇ ಅರೂಪೇ ಕುಸಲಾಕುಸಲಾನಂ ಭಙ್ಗಕ್ಖಣೇ ತೇಸಂ ಅಬ್ಯಾಕತಾ ಚ ಧಮ್ಮಾ ನ ನಿರುಜ್ಝನ್ತಿ ಕುಸಲಾ ಚ ಧಮ್ಮಾ ನ ಉಪ್ಪಜ್ಜನ್ತಿ.

೧೭೦. (ಕ) ಯಸ್ಸ ಅಕುಸಲಾ ಧಮ್ಮಾ ನ ಉಪ್ಪಜ್ಜನ್ತಿ ತಸ್ಸ ಅಬ್ಯಾಕತಾ ಧಮ್ಮಾ ನ ನಿರುಜ್ಝನ್ತೀತಿ?

ಸಬ್ಬೇಸಂ ಚವನ್ತಾನಂ ಪವತ್ತೇ ಚಿತ್ತಸ್ಸ ಭಙ್ಗಕ್ಖಣೇ ತೇಸಂ ಅಕುಸಲಾ ಧಮ್ಮಾ ನ ಉಪ್ಪಜ್ಜನ್ತಿ, ನೋ ಚ ತೇಸಂ ಅಬ್ಯಾಕತಾ ಧಮ್ಮಾ ನ ನಿರುಜ್ಝನ್ತಿ. ಸಬ್ಬೇಸಂ ಉಪಪಜ್ಜನ್ತಾನಂ ಪವತ್ತೇ ಅಕುಸಲವಿಪ್ಪಯುತ್ತಚಿತ್ತಸ್ಸ ಉಪ್ಪಾದಕ್ಖಣೇ ಅರೂಪೇ ಕುಸಲಾಕುಸಲಾನಂ ಭಙ್ಗಕ್ಖಣೇ ತೇಸಂ ಅಕುಸಲಾ ಚ ಧಮ್ಮಾ ನ ಉಪ್ಪಜ್ಜನ್ತಿ ಅಬ್ಯಾಕತಾ ಚ ಧಮ್ಮಾ ನ ನಿರುಜ್ಝನ್ತಿ.

(ಖ) ಯಸ್ಸ ವಾ ಪನ ಅಬ್ಯಾಕತಾ ಧಮ್ಮಾ ನ ನಿರುಜ್ಝನ್ತಿ ತಸ್ಸ ಅಕುಸಲಾ ಧಮ್ಮಾ ನ ಉಪ್ಪಜ್ಜನ್ತೀತಿ?

ಅಕುಸಲಾನಂ ಉಪ್ಪಾದಕ್ಖಣೇ ತೇಸಂ ಅಬ್ಯಾಕತಾ ಧಮ್ಮಾ ನ ನಿರುಜ್ಝನ್ತಿ, ನೋ ಚ ತೇಸಂ ಅಕುಸಲಾ ಧಮ್ಮಾ ನ ಉಪ್ಪಜ್ಜನ್ತಿ. ಸಬ್ಬೇಸಂ ಉಪಪಜ್ಜನ್ತಾನಂ ಪವತ್ತೇ ಅಕುಸಲವಿಪ್ಪಯುತ್ತಚಿತ್ತಸ್ಸ ಉಪ್ಪಾದಕ್ಖಣೇ ಅರೂಪೇ ಕುಸಲಾಕುಸಲಾನಂ ಭಙ್ಗಕ್ಖಣೇ ತೇಸಂ ಅಬ್ಯಾಕತಾ ಚ ಧಮ್ಮಾ ನ ನಿರುಜ್ಝನ್ತಿ ಅಕುಸಲಾ ಚ ಧಮ್ಮಾ ನ ಉಪ್ಪಜ್ಜನ್ತಿ.

(ಙ) ಪಚ್ಚನೀಕಓಕಾಸೋ

೧೭೧. (ಕ) ಯತ್ಥ ಕುಸಲಾ ಧಮ್ಮಾ ನ ಉಪ್ಪಜ್ಜನ್ತಿ ತತ್ಥ ಅಕುಸಲಾ ಧಮ್ಮಾ ನ ನಿರುಜ್ಝನ್ತೀತಿ? ಆಮನ್ತಾ.

(ಖ) ಯತ್ಥ ವಾ ಪನ ಅಕುಸಲಾ ಧಮ್ಮಾ ನ ನಿರುಜ್ಝನ್ತಿ ತತ್ಥ ಕುಸಲಾ ಧಮ್ಮಾ ನ ಉಪ್ಪಜ್ಜನ್ತೀತಿ? ಆಮನ್ತಾ.

(ಕ) ಯತ್ಥ ಕುಸಲಾ ಧಮ್ಮಾ ನ ಉಪ್ಪಜ್ಜನ್ತಿ ತತ್ಥ ಅಬ್ಯಾಕತಾ ಧಮ್ಮಾ ನ ನಿರುಜ್ಝನ್ತೀತಿ? ನಿರುಜ್ಝನ್ತಿ.

(ಖ) ಯತ್ಥ ವಾ ಪನ ಅಬ್ಯಾಕತಾ ಧಮ್ಮಾ ನ ನಿರುಜ್ಝನ್ತಿ ತತ್ಥ ಕುಸಲಾ ಧಮ್ಮಾ ನ ಉಪ್ಪಜ್ಜನ್ತೀತಿ? ನತ್ಥಿ.

೧೭೨. (ಕ) ಯತ್ಥ ಅಕುಸಲಾ ಧಮ್ಮಾ ನ ಉಪ್ಪಜ್ಜನ್ತಿ ತತ್ಥ ಅಬ್ಯಾಕತಾ ಧಮ್ಮಾ ನ ನಿರುಜ್ಝನ್ತೀತಿ? ನಿರುಜ್ಝನ್ತಿ.

(ಖ) ಯತ್ಥ ವಾ ಪನ ಅಬ್ಯಾಕತಾ ಧಮ್ಮಾ ನ ನಿರುಜ್ಝನ್ತಿ ತತ್ಥ ಅಕುಸಲಾ ಧಮ್ಮಾ ನ ಉಪ್ಪಜ್ಜನ್ತೀತಿ? ನತ್ಥಿ.

(ಚ) ಪಚ್ಚನೀಕಪುಗ್ಗಲೋಕಾಸಾ

೧೭೩. (ಕ) ಯಸ್ಸ ಯತ್ಥ ಕುಸಲಾ ಧಮ್ಮಾ ನ ಉಪ್ಪಜ್ಜನ್ತಿ ತಸ್ಸ ತತ್ಥ ಅಕುಸಲಾ ಧಮ್ಮಾ ನ ನಿರುಜ್ಝನ್ತೀತಿ?

ಅಕುಸಲಾನಂ ಭಙ್ಗಕ್ಖಣೇ ತೇಸಂ ತತ್ಥ ಕುಸಲಾ ಧಮ್ಮಾ ನ ಉಪ್ಪಜ್ಜನ್ತಿ, ನೋ ಚ ತೇಸಂ ತತ್ಥ ಅಕುಸಲಾ ಧಮ್ಮಾ ನ ನಿರುಜ್ಝನ್ತಿ. ಕುಸಲವಿಪ್ಪಯುತ್ತಚಿತ್ತಸ್ಸ ಉಪ್ಪಾದಕ್ಖಣೇ ಅಕುಸಲವಿಪ್ಪಯುತ್ತಚಿತ್ತಸ್ಸ ಭಙ್ಗಕ್ಖಣೇ ಅಸಞ್ಞಸತ್ತಾನಂ ತೇಸಂ ತತ್ಥ ಕುಸಲಾ ಚ ಧಮ್ಮಾ ನ ಉಪ್ಪಜ್ಜನ್ತಿ ಅಕುಸಲಾ ಚ ಧಮ್ಮಾ ನ ನಿರುಜ್ಝನ್ತಿ.

(ಖ) ಯಸ್ಸ ವಾ ಪನ ಯತ್ಥ ಅಕುಸಲಾ ಧಮ್ಮಾ ನ ನಿರುಜ್ಝನ್ತಿ ತಸ್ಸ ತತ್ಥ ಕುಸಲಾ ಧಮ್ಮಾ ನ ಉಪ್ಪಜ್ಜನ್ತೀತಿ?

ಕುಸಲಾನಂ ಉಪ್ಪಾದಕ್ಖಣೇ ತೇಸಂ ತತ್ಥ ಅಕುಸಲಾ ಧಮ್ಮಾ ನ ನಿರುಜ್ಝನ್ತಿ, ನೋ ಚ ತೇಸಂ ತತ್ಥ ಕುಸಲಾ ಧಮ್ಮಾ ನ ಉಪ್ಪಜ್ಜನ್ತಿ. ಅಕುಸಲವಿಪ್ಪಯುತ್ತಚಿತ್ತಸ್ಸ ಭಙ್ಗಕ್ಖಣೇ ಕುಸಲವಿಪ್ಪಯುತ್ತಚಿತ್ತಸ್ಸ ಉಪ್ಪಾದಕ್ಖಣೇ ಅಸಞ್ಞಸತ್ತಾನಂ ತೇಸಂ ತತ್ಥ ಅಕುಸಲಾ ಚ ಧಮ್ಮಾ ನ ನಿರುಜ್ಝನ್ತಿ ಕುಸಲಾ ಚ ಧಮ್ಮಾ ನ ಉಪ್ಪಜ್ಜನ್ತಿ.

(ಕ) ಯಸ್ಸ ಯತ್ಥ ಕುಸಲಾ ಧಮ್ಮಾ ನ ಉಪ್ಪಜ್ಜನ್ತಿ ತಸ್ಸ ತತ್ಥ ಅಬ್ಯಾಕತಾ ಧಮ್ಮಾ ನ ನಿರುಜ್ಝನ್ತೀತಿ?

ಸಬ್ಬೇಸಂ ಚವನ್ತಾನಂ ಪವತ್ತೇ ಚಿತ್ತಸ್ಸ ಭಙ್ಗಕ್ಖಣೇ ತೇಸಂ ತತ್ಥ ಕುಸಲಾ ಧಮ್ಮಾ ನ ಉಪ್ಪಜ್ಜನ್ತಿ, ನೋ ಚ ತೇಸಂ ತತ್ಥ ಅಬ್ಯಾಕತಾ ಧಮ್ಮಾ ನ ನಿರುಜ್ಝನ್ತಿ. ಸಬ್ಬೇಸಂ ಉಪಪಜ್ಜನ್ತಾನಂ ಪವತ್ತೇ ಕುಸಲವಿಪ್ಪಯುತ್ತಚಿತ್ತಸ್ಸ ಉಪ್ಪಾದಕ್ಖಣೇ ಅರೂಪೇ ಕುಸಲಾಕುಸಲಾನಂ ಭಙ್ಗಕ್ಖಣೇ ತೇಸಂ ತತ್ಥ ಕುಸಲಾ ಚ ಧಮ್ಮಾ ನ ಉಪ್ಪಜ್ಜನ್ತಿ ಅಬ್ಯಾಕತಾ ಚ ಧಮ್ಮಾ ನ ನಿರುಜ್ಝನ್ತಿ.

(ಖ) ಯಸ್ಸ ವಾ ಪನ ಯತ್ಥ ಅಬ್ಯಾಕತಾ ಧಮ್ಮಾ ನ ನಿರುಜ್ಝನ್ತಿ ತಸ್ಸ ತತ್ಥ ಕುಸಲಾ ಧಮ್ಮಾ ನ ಉಪ್ಪಜ್ಜನ್ತೀತಿ?

ಕುಸಲಾನಂ ಉಪ್ಪಾದಕ್ಖಣೇ ತೇಸಂ ತತ್ಥ ಅಬ್ಯಾಕತಾ ಧಮ್ಮಾ ನ ನಿರುಜ್ಝನ್ತಿ, ನೋ ಚ ತೇಸಂ ತತ್ಥ ಕುಸಲಾ ಧಮ್ಮಾ ನ ಉಪ್ಪಜ್ಜನ್ತಿ. ಸಬ್ಬೇಸಂ ಉಪಪಜ್ಜನ್ತಾನಂ ಪವತ್ತೇ ಕುಸಲವಿಪ್ಪಯುತ್ತಚಿತ್ತಸ್ಸ ಉಪ್ಪಾದಕ್ಖಣೇ ಅರೂಪೇ ಕುಸಲಾಕುಸಲಾನಂ ಭಙ್ಗಕ್ಖಣೇ ತೇಸಂ ತತ್ಥ ಅಬ್ಯಾಕತಾ ಚ ಧಮ್ಮಾ ನ ನಿರುಜ್ಝನ್ತಿ ಕುಸಲಾ ಚ ಧಮ್ಮಾ ನ ಉಪ್ಪಜ್ಜನ್ತಿ.

೧೭೪. (ಕ) ಯಸ್ಸ ಯತ್ಥ ಅಕುಸಲಾ ಧಮ್ಮಾ ನ ಉಪ್ಪಜ್ಜನ್ತಿ ತಸ್ಸ ತತ್ಥ ಅಬ್ಯಾಕತಾ ಧಮ್ಮಾ ನ ನಿರುಜ್ಝನ್ತೀತಿ?

ಸಬ್ಬೇಸಂ ಚವನ್ತಾನಂ ಪವತ್ತೇ ಚಿತ್ತಸ್ಸ ಭಙ್ಗಕ್ಖಣೇ ತೇಸಂ ತತ್ಥ ಅಕುಸಲಾ ಧಮ್ಮಾ ನ ಉಪ್ಪಜ್ಜನ್ತಿ, ನೋ ಚ ತೇಸಂ ತತ್ಥ ಅಬ್ಯಾಕತಾ ಧಮ್ಮಾ ನ ನಿರುಜ್ಝನ್ತಿ. ಸಬ್ಬೇಸಂ ಉಪಪಜ್ಜನ್ತಾನಂ ಪವತ್ತೇ ಅಕುಸಲವಿಪ್ಪಯುತ್ತಚಿತ್ತಸ್ಸ ಉಪ್ಪಾದಕ್ಖಣೇ ಅರೂಪೇ ಕುಸಲಾಕುಸಲಾನಂ ಭಙ್ಗಕ್ಖಣೇ ತೇಸಂ ತತ್ಥ ಅಕುಸಲಾ ಚ ಧಮ್ಮಾ ನ ಉಪ್ಪಜ್ಜನ್ತಿ ಅಬ್ಯಾಕತಾ ಚ ಧಮ್ಮಾ ನ ನಿರುಜ್ಝನ್ತಿ.

(ಖ) ಯಸ್ಸ ವಾ ಪನ ಯತ್ಥ ಅಬ್ಯಾಕತಾ ಧಮ್ಮಾ ನ ನಿರುಜ್ಝನ್ತಿ ತಸ್ಸ ತತ್ಥ ಅಕುಸಲಾ ಧಮ್ಮಾ ನ ಉಪ್ಪಜ್ಜನ್ತೀತಿ?

ಅಕುಸಲಾನಂ ಉಪ್ಪಾದಕ್ಖಣೇ ತೇಸಂ ತತ್ಥ ಅಬ್ಯಾಕತಾ ಧಮ್ಮಾ ನ ನಿರುಜ್ಝನ್ತಿ, ನೋ ಚ ತೇಸಂ ತತ್ಥ ಅಕುಸಲಾ ಧಮ್ಮಾ ನ ಉಪ್ಪಜ್ಜನ್ತಿ. ಸಬ್ಬೇಸಂ ಉಪಪಜ್ಜನ್ತಾನಂ ಪವತ್ತೇ ಅಕುಸಲವಿಪ್ಪಯುತ್ತಚಿತ್ತಸ್ಸ ಉಪ್ಪಾದಕ್ಖಣೇ ಅರೂಪೇ ಕುಸಲಾಕುಸಲಾನಂ ಭಙ್ಗಕ್ಖಣೇ ತೇಸಂ ತತ್ಥ ಅಬ್ಯಾಕತಾ ಚ ಧಮ್ಮಾ ನ ನಿರುಜ್ಝನ್ತಿ ಅಕುಸಲಾ ಚ ಧಮ್ಮಾ ನ ಉಪ್ಪಜ್ಜನ್ತಿ.