(೮) ಉಪ್ಪಜ್ಜಮಾನುಪ್ಪನ್ನವಾರೋ

೭೬. (ಕ) ಯಸ್ಸ ಚಿತ್ತಂ ಉಪ್ಪಜ್ಜಮಾನಂ ತಸ್ಸ ಚಿತ್ತಂ ಉಪ್ಪನ್ನನ್ತಿ? ಆಮನ್ತಾ.

(ಖ) ಯಸ್ಸ ವಾ ಪನ ಚಿತ್ತಂ ಉಪ್ಪನ್ನಂ ತಸ್ಸ ಚಿತ್ತಂ ಉಪ್ಪಜ್ಜಮಾನನ್ತಿ?

ಚಿತ್ತಸ್ಸ ಭಙ್ಗಕ್ಖಣೇ ತೇಸಂ ಚಿತ್ತಂ ಉಪ್ಪನ್ನಂ, ನೋ ಚ ತೇಸಂ ಚಿತ್ತಂ ಉಪ್ಪಜ್ಜಮಾನಂ. ಚಿತ್ತಸ್ಸ ಉಪ್ಪಾದಕ್ಖಣೇ ತೇಸಂ ಚಿತ್ತಂ ಉಪ್ಪನ್ನಞ್ಚೇವ ಉಪ್ಪಜ್ಜಮಾನಞ್ಚ.

(ಕ) ಯಸ್ಸ ಚಿತ್ತಂ ನ ಉಪ್ಪಜ್ಜಮಾನಂ ತಸ್ಸ ಚಿತ್ತಂ ನ ಉಪ್ಪನ್ನನ್ತಿ?

ಚಿತ್ತಸ್ಸ ಭಙ್ಗಕ್ಖಣೇ ತೇಸಂ ಚಿತ್ತಂ ನ ಉಪ್ಪಜ್ಜಮಾನಂ, ನೋ ಚ ತೇಸಂ ಚಿತ್ತಂ ನ ಉಪ್ಪನ್ನಂ. ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ಚಿತ್ತಂ ನ ಚೇವ ಉಪ್ಪಜ್ಜಮಾನಂ ನ ಚ ಉಪ್ಪನ್ನಂ.

(ಖ) ಯಸ್ಸ ವಾ ಪನ ಚಿತ್ತಂ ನ ಉಪ್ಪನ್ನಂ ತಸ್ಸ ಚಿತ್ತಂ ನ ಉಪ್ಪಜ್ಜಮಾನನ್ತಿ? ಆಮನ್ತಾ.