(೨) ಉಪ್ಪಾದುಪ್ಪನ್ನವಾರೋ

೧೦೬. (ಕ) ಯಸ್ಸ ಯಂ ಚಿತ್ತಂ ಉಪ್ಪಜ್ಜತಿ ತಸ್ಸ ತಂ ಚಿತ್ತಂ ಉಪ್ಪನ್ನನ್ತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯಂ ಚಿತ್ತಂ ಉಪ್ಪನ್ನಂ ತಸ್ಸ ತಂ ಚಿತ್ತಂ ಉಪ್ಪಜ್ಜತೀತಿ?

ಭಙ್ಗಕ್ಖಣೇ ಚಿತ್ತಂ ಉಪ್ಪನ್ನಂ, ನೋ ಚ ತಸ್ಸ ತಂ ಚಿತ್ತಂ ಉಪ್ಪಜ್ಜತಿ. ಉಪ್ಪಾದಕ್ಖಣೇ ಚಿತ್ತಂ ಉಪ್ಪನ್ನಞ್ಚೇವ ಉಪ್ಪಜ್ಜತಿ ಚ.

(ಕ) ಯಸ್ಸ ಯಂ ಚಿತ್ತಂ ನ ಉಪ್ಪಜ್ಜತಿ ತಸ್ಸ ತಂ ಚಿತ್ತಂ ನ ಉಪ್ಪನ್ನನ್ತಿ?

ಭಙ್ಗಕ್ಖಣೇ ಚಿತ್ತಂ ನ ಉಪ್ಪಜ್ಜತಿ, ನೋ ಚ ತಸ್ಸ ತಂ ಚಿತ್ತಂ ನ ಉಪ್ಪನ್ನಂ. ಅತೀತಾನಾಗತಂ ಚಿತ್ತಂ ನ ಚೇವ ಉಪ್ಪಜ್ಜತಿ ನ ಚ ಉಪ್ಪನ್ನಂ.

(ಖ) ಯಸ್ಸ ವಾ ಪನ ಯಂ ಚಿತ್ತಂ ನ ಉಪ್ಪನ್ನಂ ತಸ್ಸ ತಂ ಚಿತ್ತಂ ನ ಉಪ್ಪಜ್ಜತೀತಿ? ಆಮನ್ತಾ.