೨. ಪದಸೋಧನಮೂಲಚಕ್ಕವಾರೋ

(ಕ) ಅನುಲೋಮಂ

೧೨. (ಕ) ದುಕ್ಖಂ ದುಕ್ಖಸಚ್ಚನ್ತಿ? ಆಮನ್ತಾ.

(ಖ) ಸಚ್ಚಾ ಸಮುದಯಸಚ್ಚನ್ತಿ?

ಸಮುದಯಸಚ್ಚಂ ಸಚ್ಚಞ್ಚೇವ ಸಮುದಯಸಚ್ಚಞ್ಚ. ಅವಸೇಸಾ ಸಚ್ಚಾ [ಅವಸೇಸಾ ಸಚ್ಚಾ ಸಚ್ಚಾ (ಸ್ಯಾ.)] ನ ಸಮುದಯಸಚ್ಚಂ.

ದುಕ್ಖಂ ದುಕ್ಖಸಚ್ಚನ್ತಿ? ಆಮನ್ತಾ.

ಸಚ್ಚಾ ನಿರೋಧಸಚ್ಚನ್ತಿ?…ಪೇ… ಸಚ್ಚಾ ಮಗ್ಗಸಚ್ಚನ್ತಿ?

ಮಗ್ಗಸಚ್ಚಂ ಸಚ್ಚಞ್ಚೇವ ಮಗ್ಗಸಚ್ಚಞ್ಚ. ಅವಸೇಸಾ ಸಚ್ಚಾ ನ ಮಗ್ಗಸಚ್ಚಂ.

೧೩. ಸಮುದಯೋ ಸಮುದಯಸಚ್ಚನ್ತಿ?

ಸಮುದಯಸಚ್ಚಂ ಠಪೇತ್ವಾ ಅವಸೇಸೋ ಸಮುದಯೋ, ನ ಸಮುದಯಸಚ್ಚಂ. ಸಮುದಯಸಚ್ಚಂ ಸಮುದಯೋ ಚೇವ ಸಮುದಯಸಚ್ಚಞ್ಚ. ಸಚ್ಚಾ ದುಕ್ಖಸಚ್ಚನ್ತಿ? …ಪೇ… ಸಚ್ಚಾ ನಿರೋಧಸಚ್ಚನ್ತಿ?…ಪೇ… ಸಚ್ಚಾ ಮಗ್ಗಸಚ್ಚನ್ತಿ?

ಮಗ್ಗಸಚ್ಚಂ ಸಚ್ಚಞ್ಚೇವ ಮಗ್ಗಸಚ್ಚಞ್ಚ. ಅವಸೇಸಾ ಸಚ್ಚಾ ನ ಮಗ್ಗಸಚ್ಚಂ.

೧೪. ನಿರೋಧೋ ನಿರೋಧಸಚ್ಚನ್ತಿ?

ನಿರೋಧಸಚ್ಚಂ ಠಪೇತ್ವಾ ಅವಸೇಸೋ ನಿರೋಧೋ, ನ ನಿರೋಧಸಚ್ಚಂ. ನಿರೋಧಸಚ್ಚಂ ನಿರೋಧೋ ಚೇವ ನಿರೋಧಸಚ್ಚಞ್ಚ.

ಸಚ್ಚಾ ದುಕ್ಖಸಚ್ಚನ್ತಿ?…ಪೇ… ಸಚ್ಚಾ ಸಮುದಯಸಚ್ಚನ್ತಿ? …ಪೇ… ಸಚ್ಚಾ ಮಗ್ಗಸಚ್ಚನ್ತಿ?

ಮಗ್ಗಸಚ್ಚಂ ಸಚ್ಚಞ್ಚೇವ ಮಗ್ಗಸಚ್ಚಞ್ಚ. ಅವಸೇಸಾ ಸಚ್ಚಾ ನ ಮಗ್ಗಸಚ್ಚಂ.

೧೫. ಮಗ್ಗೋ ಮಗ್ಗಸಚ್ಚನ್ತಿ?

ಮಗ್ಗಸಚ್ಚಂ ಠಪೇತ್ವಾ ಅವಸೇಸೋ ಮಗ್ಗೋ, ನ ಮಗ್ಗಸಚ್ಚಂ. ಮಗ್ಗಸಚ್ಚಂ ಮಗ್ಗೋ ಚೇವ ಮಗ್ಗಸಚ್ಚಞ್ಚ.

ಸಚ್ಚಾ ದುಕ್ಖಸಚ್ಚನ್ತಿ?…ಪೇ… ಸಚ್ಚಾ ಸಮುದಯಸಚ್ಚನ್ತಿ? …ಪೇ… ಸಚ್ಚಾ ನಿರೋಧಸಚ್ಚನ್ತಿ?

ನಿರೋಧಸಚ್ಚಂ ಸಚ್ಚಞ್ಚೇವ ನಿರೋಧಸಚ್ಚಞ್ಚ. ಅವಸೇಸಾ ಸಚ್ಚಾ ನ ನಿರೋಧಸಚ್ಚಂ.

(ಖ) ಪಚ್ಚನೀಕಂ

೧೬. (ಕ) ನ ದುಕ್ಖಂ ನ ದುಕ್ಖಸಚ್ಚನ್ತಿ?

ಕಾಯಿಕಂ ದುಕ್ಖಂ ಚೇತಸಿಕಂ ದುಕ್ಖಂ ಠಪೇತ್ವಾ ಅವಸೇಸಂ ನ ದುಕ್ಖಂ, ದುಕ್ಖಸಚ್ಚಂ. ದುಕ್ಖಞ್ಚ ದುಕ್ಖಸಚ್ಚಞ್ಚ ಠಪೇತ್ವಾ ಅವಸೇಸಂ ನ ಚೇವ ದುಕ್ಖಂ ನ ಚ ದುಕ್ಖಸಚ್ಚಂ.

(ಖ) ನ ಸಚ್ಚಾ ನ ಸಮುದಯಸಚ್ಚನ್ತಿ? ಆಮನ್ತಾ.

ನ ದುಕ್ಖಂ ನ ದುಕ್ಖಸಚ್ಚನ್ತಿ?

ನ ಸಚ್ಚಾ ನ ನಿರೋಧಸಚ್ಚನ್ತಿ?…ಪೇ… ನ ಸಚ್ಚಾ ನ ಮಗ್ಗಸಚ್ಚನ್ತಿ? ಆಮನ್ತಾ.

೧೭. (ಕ) ನ ಸಮುದಯೋ ನ ಸಮುದಯಸಚ್ಚನ್ತಿ? ಆಮನ್ತಾ.

(ಖ) ನ ಸಚ್ಚಾ ನ ದುಕ್ಖಸಚ್ಚನ್ತಿ? ಆಮನ್ತಾ.

ನ ಸಮುದಯೋ ನ ಸಮುದಯಸಚ್ಚನ್ತಿ? ಆಮನ್ತಾ.

ನ ಸಚ್ಚಾ ನ ನಿರೋಧಸಚ್ಚನ್ತಿ?…ಪೇ… ನ ಸಚ್ಚಾ ನ ಮಗ್ಗಸಚ್ಚನ್ತಿ? ಆಮನ್ತಾ.

೧೮. ನ ನಿರೋಧೋ ನ ನಿರೋಧಸಚ್ಚನ್ತಿ? ಆಮನ್ತಾ.

ನ ಸಚ್ಚಾ ನ ದುಕ್ಖಸಚ್ಚನ್ತಿ?…ಪೇ… ನ ಸಚ್ಚಾ ನ ಸಮುದಯಸಚ್ಚನ್ತಿ?…ಪೇ… ನ ಸಚ್ಚಾ ನ ಮಗ್ಗಸಚ್ಚನ್ತಿ? ಆಮನ್ತಾ.

೧೯. (ಕ) ನ ಮಗ್ಗೋ ನ ಮಗ್ಗಸಚ್ಚನ್ತಿ? ಆಮನ್ತಾ.

(ಖ) ನ ಸಚ್ಚಾ ನ ದುಕ್ಖಸಚ್ಚನ್ತಿ? ಆಮನ್ತಾ.

ನ ಮಗ್ಗೋ ನ ಮಗ್ಗಸಚ್ಚನ್ತಿ? ಆಮನ್ತಾ.

ನ ಸಚ್ಚಾ ನ ಸಮುದಯಸಚ್ಚನ್ತಿ?…ಪೇ… ನ ಸಚ್ಚಾ ನ ನಿರೋಧಸಚ್ಚನ್ತಿ? ಆಮನ್ತಾ.