೩. ಸುದ್ಧಸಚ್ಚವಾರೋ
(ಕ) ಅನುಲೋಮಂ
೨೦. (ಕ) ದುಕ್ಖಂ ಸಚ್ಚನ್ತಿ? ಆಮನ್ತಾ.
(ಖ) ಸಚ್ಚಾ ದುಕ್ಖಸಚ್ಚನ್ತಿ?
ದುಕ್ಖಸಚ್ಚಂ ಸಚ್ಚಞ್ಚೇವ ದುಕ್ಖಸಚ್ಚಞ್ಚ. ಅವಸೇಸಾ ಸಚ್ಚಾ ನ ದುಕ್ಖಸಚ್ಚಂ.
ಸಮುದಯೋ ಸಚ್ಚನ್ತಿ? ಆಮನ್ತಾ…ಪೇ….
ನಿರೋಧೋ ಸಚ್ಚನ್ತಿ? ಆಮನ್ತಾ…ಪೇ….
(ಕ) ಮಗ್ಗೋ ಸಚ್ಚನ್ತಿ? ಆಮನ್ತಾ.
(ಖ) ಸಚ್ಚಾ ಮಗ್ಗಸಚ್ಚನ್ತಿ?
ಮಗ್ಗಸಚ್ಚಂ ಸಚ್ಚಞ್ಚೇವ ಮಗ್ಗಸಚ್ಚಞ್ಚ. ಅವಸೇಸಾ ಸಚ್ಚಾ ನ ಮಗ್ಗಸಚ್ಚಂ.
(ಖ) ಪಚ್ಚನೀಕಂ
೨೧. (ಕ) ನ ದುಕ್ಖಂ ನ ಸಚ್ಚನ್ತಿ?
ದುಕ್ಖಂ ಠಪೇತ್ವಾ ಅವಸೇಸಾ ಸಚ್ಚಾ ನ ದುಕ್ಖಂ, ಸಚ್ಚಾ. ದುಕ್ಖಞ್ಚ ಸಚ್ಚಞ್ಚ ಠಪೇತ್ವಾ ಅವಸೇಸಂ ನ ಚೇವ ದುಕ್ಖಂ ನ ಚ ಸಚ್ಚಾ.
(ಖ) ನ ಸಚ್ಚಾ ನ ದುಕ್ಖಸಚ್ಚನ್ತಿ? ಆಮನ್ತಾ.
ನ ಸಮುದಯೋ ನ ಸಚ್ಚನ್ತಿ?
ಸಮುದಯಂ ಠಪೇತ್ವಾ…ಪೇ… ನಿರೋಧಂ ಠಪೇತ್ವಾ…ಪೇ….
(ಕ) ನ ಮಗ್ಗೋ ನ ಸಚ್ಚನ್ತಿ?
ಮಗ್ಗಂ ಠಪೇತ್ವಾ ಅವಸೇಸಾ ಸಚ್ಚಾ ನ ಮಗ್ಗೋ, ಸಚ್ಚಾ. ಮಗ್ಗಞ್ಚ ಸಚ್ಚಞ್ಚ ಠಪೇತ್ವಾ ಅವಸೇಸಾ ನ ಚೇವ ಮಗ್ಗೋ ನ ಚ ಸಚ್ಚಾ.
(ಖ) ನ ಸಚ್ಚಾ ನ ಮಗ್ಗಸಚ್ಚನ್ತಿ? ಆಮನ್ತಾ.