೫. ಪಚ್ಚುಪ್ಪನ್ನಾನಾಗತವಾರೋ

೧೬೯. (ಕ) ಯೋ ದುಕ್ಖಸಚ್ಚಂ ಪರಿಜಾನಾತಿ ಸೋ ಸಮುದಯಸಚ್ಚಂ ಪಜಹಿಸ್ಸತೀತಿ? ನೋ.

(ಖ) ಯೋ ವಾ ಪನ ಸಮುದಯಸಚ್ಚಂ ಪಜಹಿಸ್ಸತಿ ಸೋ ದುಕ್ಖಸಚ್ಚಂ ಪರಿಜಾನಾತೀತಿ? ನೋ.

(ಕ) ಯೋ ದುಕ್ಖಸಚ್ಚಂ ನ ಪರಿಜಾನಾತಿ ಸೋ ಸಮುದಯಸಚ್ಚಂ ನಪ್ಪಜಹಿಸ್ಸತೀತಿ?

ಯೇ ಮಗ್ಗಂ ಪಟಿಲಭಿಸ್ಸನ್ತಿ ತೇ ದುಕ್ಖಸಚ್ಚಂ ನ ಪರಿಜಾನನ್ತಿ, ನೋ ಚ ಸಮುದಯಸಚ್ಚಂ ನಪ್ಪಜಹಿಸ್ಸನ್ತಿ. ಅರಹಾ ಯೇ ಚ ಪುಥುಜ್ಜನಾ ಮಗ್ಗಂ ನ ಪಟಿಲಭಿಸ್ಸನ್ತಿ ತೇ ದುಕ್ಖಸಚ್ಚಞ್ಚ ನ ಪರಿಜಾನನ್ತಿ ಸಮುದಯಸಚ್ಚಞ್ಚ ನಪ್ಪಜಹಿಸ್ಸನ್ತಿ.

(ಖ) ಯೋ ವಾ ಪನ ಸಮುದಯಸಚ್ಚಂ ನಪ್ಪಜಹಿಸ್ಸತಿ ಸೋ ದುಕ್ಖಸಚ್ಚಂ ನ ಪರಿಜಾನಾತೀತಿ?

ಅಗ್ಗಮಗ್ಗಸಮಙ್ಗೀ ಸಮುದಯಸಚ್ಚಂ ನಪ್ಪಜಹಿಸ್ಸತಿ, ನೋ ಚ ದುಕ್ಖಸಚ್ಚಂ ನ ಪರಿಜಾನಾತಿ. ಅರಹಾ ಯೇ ಚ ಪುಥುಜ್ಜನಾ ಮಗ್ಗಂ ನ ಪಟಿಲಭಿಸ್ಸನ್ತಿ ತೇ ಸಮುದಯಸಚ್ಚಞ್ಚ ನಪ್ಪಜಹಿಸ್ಸನ್ತಿ ದುಕ್ಖಸಚ್ಚಞ್ಚ ನ ಪರಿಜಾನನ್ತಿ.