೪. ಪಚ್ಚುಪ್ಪನ್ನಾತೀತವಾರೋ

೧೬೮. (ಕ) ಯೋ ದುಕ್ಖಸಚ್ಚಂ ಪರಿಜಾನಾತಿ ಸೋ ಸಮುದಯಸಚ್ಚಂ ಪಜಹಿತ್ಥಾತಿ? ನೋ.

(ಖ) ಯೋ ವಾ ಪನ ಸಮುದಯಸಚ್ಚಂ ಪಜಹಿತ್ಥ ಸೋ ದುಕ್ಖಸಚ್ಚಂ ಪರಿಜಾನಾತೀತಿ? ನೋ.

(ಕ) ಯೋ ದುಕ್ಖಸಚ್ಚಂ ನ ಪರಿಜಾನಾತಿ ಸೋ ಸಮುದಯಸಚ್ಚಂ ನಪ್ಪಜಹಿತ್ಥಾತಿ?

ಅರಹಾ ದುಕ್ಖಸಚ್ಚಂ ನ ಪರಿಜಾನಾತಿ, ನೋ ಚ ಸಮುದಯಸಚ್ಚಂ ನಪ್ಪಜಹಿತ್ಥ. ಅಗ್ಗಮಗ್ಗಸಮಙ್ಗಿಞ್ಚ ಅರಹನ್ತಞ್ಚ ಠಪೇತ್ವಾ ಅವಸೇಸಾ ಪುಗ್ಗಲಾ ದುಕ್ಖಸಚ್ಚಞ್ಚ ನ ಪರಿಜಾನನ್ತಿ ಸಮುದಯಸಚ್ಚಞ್ಚ ನಪ್ಪಜಹಿತ್ಥ.

(ಖ) ಯೋ ವಾ ಪನ ಸಮುದಯಸಚ್ಚಂ ನಪ್ಪಜಹಿತ್ಥ ಸೋ ದುಕ್ಖಸಚ್ಚಂ ನ ಪರಿಜಾನಾತೀತಿ?

ಅಗ್ಗಮಗ್ಗಸಮಙ್ಗೀ ಸಮುದಯಸಚ್ಚಂ ನಪ್ಪಜಹಿತ್ಥ, ನೋ ಚ ದುಕ್ಖಸಚ್ಚಂ ನ ಪರಿಜಾನಾತಿ. ಅಗ್ಗಮಗ್ಗಸಮಙ್ಗಿಞ್ಚ ಅರಹನ್ತಞ್ಚ ಠಪೇತ್ವಾ ಅವಸೇಸಾ ಪುಗ್ಗಲಾ ಸಮುದಯಸಚ್ಚಞ್ಚ ನಪ್ಪಜಹಿತ್ಥ ದುಕ್ಖಸಚ್ಚಞ್ಚ ನ ಪರಿಜಾನನ್ತಿ.